1 Reyes 10:3 - Kashibo-Kakataibo Biblia

³ Ñukákëxunbi ka kamabi bana an ñukákë a ꞌapu Salomónnën uisai kara a bana kia a ñuixuankëxa. Uisa banabi ka Salomónnën a xanun ñukákëxun usai ka a bana kia kixun ꞌunánkëmama ꞌiakëxa.

1 Reyes 10:3 ပူးပေါင်းရင်းမြစ်များ

1 Reyes 10:1

Xanu achúshi Sabá menu ꞌapu ꞌiti anëkë an ka aín kushi ꞌinánkin ꞌakinkëxua Salomónnën Diosmi sinani ami kushikin ñu ꞌaia unikaman ñuikania kuakëxa, kuabiani ka an kuaisama ꞌimainun an ꞌunántisama banakama ñukákin tanti sinanx Jerusalén ëmanu kuankëxa. Kuanx ka aín suntárunën kushikaman bëararamainun aín camellokamanu ro sanuira ñusutinu ꞌaruxun camellokamanan nankë akama këñun ꞌaisamaira kuri këñunbi maxá chabáchabákikë upíirabu akama uanx bëbakëxa. Anu bëbaxun ka usakin ñukatia sinánbëtsinkë banakama a banabi Salomón ñukákëxa,

1 Reyes 10:4

Usakin unin ꞌunántisama banakama abi upíira okin ꞌunánkë Salomón kuanan aín xubu upíira okin ꞌamikë isi ka Sabá kakë ëmanua ꞌapu ꞌikë xanu,

1 Reyes 3:12

usa ꞌain kana ꞌëmi bërí ñukákësabi okin mi ꞌaxúnti ꞌain: ꞌAxunkin kana ñu ꞌunánkëira uni ꞌinun mi ꞌimianan kamabi ñu upíokin ꞌanun upí sinánñuira mi ꞌimiti ꞌain, uinu ꞌikë unibi kana bëráma mi, ꞌakëmapan ꞌixun usakin ꞌama ꞌain, ꞌaínbi kana usakin mi ꞌatankëxun bëtsi uniribi misaribi ꞌinun ꞌimitima ꞌain.

Proverbios 13:20

Uin kara ñu ꞌunánkë uni kamabë nitsia an ka atun ꞌakësaribi okin ñu upí ꞌunania; ꞌaínbi ka uix kara ñu ꞌunántisama tankë unikamabë nitsia an ñu ꞌunanima.

Isaías 42:16

Usakin ꞌanan kana bëxuñu unikama aribi atun ꞌunánkëma bain, buánkin anua niama bain buánti ꞌain. Uankin kana bëánbëankibukë aribi atun ismainubia xabá ꞌinun ꞌimiti ꞌain, ꞌimianan kana me nankë́kë axribia mëníokati upiti rakanun ꞌimiti ꞌain. Ënë ñukama kana, kana ꞌaíma kikínma asérabi ꞌati ꞌain.

Mateo 13:11

Ñucácëxun ca cacëxa: —Uni itsían ꞌunaniamabi camina mitsun Nucën Papa Diosan sinánmicëxun an ꞌunánmicë ñu ꞌunanin. Usa ꞌaínbi ca raíri unin ꞌunanima.

Juan 7:17

Uinu ꞌicë unin cara Nucën Papa Dios cuëënun ñu ꞌaisa tania, an ca ꞌën carana Nucën Papa Diosan ꞌë sinánmicë bana ñuin, carana ꞌënbi sináncë bana ñui quixun ꞌunánti ꞌicën.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

Colosenses 2:3

An camabi ñu ꞌunáncë ꞌixun ca ainan cupíshi Cristonën aín unicama ꞌunánmia.