1 Reyes 10:22 - Kashibo-Kakataibo Biblia

²² usaía ꞌimainun ka ꞌapun manë nunti chaiirabu anúan ñu maruti nikinkë Tarsis menua ꞌikë a kamaxa kuanmainun, Hiram kakë ꞌapun manë nunti anun ñu maruti uankë a kamaribi abëbi, kuri, kuríki, ñuina xëta ꞌinánan ni mananën nikë ñuina ꞌimainun pabukama ꞌarakakë a kamabi ꞌapu Salomón bëxuni ai rabë́ ꞌimainun achúshi baritia ꞌikëbë ꞌikëbë bëbakëxa.

1 Reyes 10:22 ပူးပေါင်းရင်းမြစ်များ

Génesis 10:4

Javánnën bëchikëkama ka ꞌiakëxa Elisá, Tarsis, Quitim ꞌimainun Rodanim.

1 Reyes 10:18

ꞌAmianan ka ñuina xëtakëñun anu tsóti achúshi cha ꞌitánun, ꞌamixun kurin ratátakakin ronun ꞌamiakëxa.

1 Reyes 10:21

Usakin ꞌakë ꞌimainun ka, amia ꞌapun xëakëkama ax manë xampakama ax bëtsi ñu këñun mëskukin ꞌakinma kurishi ꞌakë ꞌiakëxa, ꞌimainun ka ꞌapun xubu Líbanunën ni kakin anëkë anu nankë. Kamabi amia ꞌapun pikë ñukama ax upíirabu kuri ꞌakëishi ꞌiakëxa. Usa ꞌain ka manë uxua ꞌakë ñubi anu ꞌaíma ꞌiakëxa, a nëtëkaman ka Salomón ñukëma pain ꞌain kuríki ꞌakë ñukamax kupímara ꞌiakëxa,

Job 39:13

Anu ka avestrus kakë ñuina pëchiñu ax ꞌikën: ax ka kuëëni aín pëchi shaíkai pëpëkia, cigüeña kakë ñuina pëchiñunën pëchisa ꞌaish ꞌia,

Salmos 72:10

¡ꞌImainun ka a ꞌinaínshiti ñukama bëanan ꞌapu ꞌinánti bikë akama Tarsisnu ꞌikë ꞌapukama ꞌimainun paru nasínu, ꞌikë akamanribi bëxun ꞌinámainun ka, Sabá ꞌimainun Sebá anu ꞌikë ꞌapukamanribi bëxun ꞌinánti ꞌikën!

Isaías 60:9

Tarsisnu ꞌikë manë nunti kama ax ka atu rëkuëonbiani manë nunti kama raíri abë biranan kuatsini kuankin, Jerusalénnu ikë unikama bëi ukin, mitsun bëchikëkama ꞌurakëo bëanan, kuri manë uxua akama bëti aka ax ꞌikën, a ñukamax ka min ꞌIbu Israel kaman Dios upíira a bëxunkë ꞌiti ꞌikën, an ka kushiira ꞌixun mitsu ꞌakiankëxa.

Amós 3:15

ꞌAnan kana anuxun mita inúmiti ꞌanan, anu baritia inúmi tantiti xubukamaribi ꞌati ꞌain, ꞌanan kana xubukama ñuina xëtakëñun mëskukin, kuríkiñu unikaman ꞌamikë akamaribi ꞌimainun ꞌapu chaiirabu akamaribi këñuti ꞌain.” Kiax ka Dios kiaxa. (Xubu kuríki.)

Jonás 1:3

Ësokin kakëxbi ka Jonás Diosan kakësabiokin ꞌaíma, uisaxira kara abáti ꞌikë kixun pain sinántankëx, anuaxa manë nunti Jope kakë ëmanu kuani chikiti anu kuankinbi ka, achúshi manë nunti ꞌuraira menu ꞌikë ëma Tarsisnu kuanti ꞌuramashi ꞌikë mërakëxa; mëraxun ka anun kuanuxun kupíokëxa, kupíotankëx ka anun kuani ꞌiruakëxa.