1 Reyes 10:13 - Kashibo-Kakataibo Biblia

¹³ Usakin ꞌakëxun ka ꞌapu Salomónnën Sabá menu ꞌapu ꞌikë xanu kamabi ñu an ñukátisa tankë a ꞌinánkëxa, ꞌinánan ka anbi kuëënxua a ꞌinánti ami kuënkin nankë aribi ꞌinánkëxa. Usakin ꞌinánkëx ka ꞌapu anëkë xanu aín suntárunën ꞌapukaman uamainun atubëbi anuaxa ukë aín menu kuantëkëankëxa.

1 Reyes 10:13 ပူးပေါင်းရင်းမြစ်များ

1 Reyes 10:12

Usakin ꞌinánkëxun ka sándalo kakë no imi tukapakëa ꞌinánkë anun anuxun Dios rabiti xubu ꞌakë anu ꞌanan ꞌapun xubu anuribi ꞌamiakëxa. ꞌAmianan ka a ibi aín arpa ꞌanan Dios rabi kantakin a banamiti ñukamaribi ꞌakëxa. Uínsarabi ka ꞌitsaira ꞌimainun ꞌaisamaira sándalo kakë no imi unin isáma ꞌikën. ꞌImainun ka bërí nëtënbi bëráma ꞌia usaribi ꞌaisamaira sándalo kakë no imi kirikanu kuënëokë ënë ñuikin kuënëo usaribi unin isima.

1 Reyes 10:14

Kamabi baritian Salomónnën xuxunkëxun bikë kuri ax ka veintidós milbëtan sënën aín ꞌëñë ꞌiakëxa,

1 Reyes 9:1

Anuxun Dios rabiti xubu ꞌamianan, anu ꞌapu ꞌiti xubu ꞌamikin sënëomixuan kamabi an ꞌaisatankë ñukama ꞌakin këñumian ka

Salmos 37:4

Nukën ꞌIbu nuibakin kamina an kakësabiokin ꞌati ꞌain, usokinmi ꞌakëbëtan ka min ñukákësabi okin mi ꞌaxunti ꞌikën.

Mateo 15:28

Cacëxun ca Jesusan cacëxa: —Mix camina asérabi ꞌëmi catamëti ꞌën mi upí oquin ꞌaquinun quiax ꞌëmi sinan. Usa ꞌain ca mix cuëëncësabi oi ꞌiti ꞌicën. Quixuan cacëbëshi ca aín ini tuá pëxcúacëxa.

Efesios 3:20

Ax cushiira ꞌaish nubë ꞌixun ca Nucën Papa Diosan nun ñucácësamaira oquin nu ꞌaxúanan nun sináncësamaira oquinribi sinánxunquin nu ꞌaquinti ꞌicën.