1 Reyes 10:12 - Kashibo-Kakataibo Biblia

¹² Usakin ꞌinánkëxun ka sándalo kakë no imi tukapakëa ꞌinánkë anun anuxun Dios rabiti xubu ꞌakë anu ꞌanan ꞌapun xubu anuribi ꞌamiakëxa. ꞌAmianan ka a ibi aín arpa ꞌanan Dios rabi kantakin a banamiti ñukamaribi ꞌakëxa. Uínsarabi ka ꞌitsaira ꞌimainun ꞌaisamaira sándalo kakë no imi unin isáma ꞌikën. ꞌImainun ka bërí nëtënbi bëráma ꞌia usaribi ꞌaisamaira sándalo kakë no imi kirikanu kuënëokë ënë ñuikin kuënëo usaribi unin isima.

1 Reyes 10:12 ပူးပေါင်းရင်းမြစ်များ

2 Samuel 6:5

Usokian buánkëbë ka, a kaxú David ꞌimainun abëa kuankë unikamax Dios rabi kuëëni aín kushibëbi ransakin atun sharíkati sharikamainun manë parókë ꞌamainun atun arpa ꞌanan mëkënan mëëkin banamikë akama kuëënkin ꞌakankëxa.

1 Reyes 10:11

Usakin a ñukama ꞌinánan ka Hiram Tiro ëmanu ꞌikë ꞌapu, an Ofir kakë me axa Arabia menu ꞌikë anua ꞌain ñu maruti buánkë bakan nikë manë nunti anun kuri bëakëxa, bëanan ka sándalo kakë no imi ꞌitsaira tukapakë a kamakëñun maxá chabachaba kikë upíbu akamaribi bëakëxa.

1 Reyes 10:13

Usakin ꞌakëxun ka ꞌapu Salomónnën Sabá menu ꞌapu ꞌikë xanu kamabi ñu an ñukátisa tankë a ꞌinánkëxa, ꞌinánan ka anbi kuëënxua a ꞌinánti ami kuënkin nankë aribi ꞌinánkëxa. Usakin ꞌinánkëx ka ꞌapu anëkë xanu aín suntárunën ꞌapukaman uamainun atubëbi anuaxa ukë aín menu kuantëkëankëxa.