1 Reyes 1:5 - Kashibo-Kakataibo Biblia

⁵ Usa ꞌain ka Adonías Davidtan bakë bëchikë Haguit kakë xanumia ꞌa tuá ax aín papami nishi ꞌëx kana ꞌapu ꞌiti ꞌain kiax kiakëxa. Usai kikin ka anuax ꞌakánanti caballonën nirinkë, a ꞌimainun anun kuani ꞌakánanti caballo akama bianan, an bërúanti cincuenta suntáru timëkin biakëxa.

1 Reyes 1:5 ပူးပေါင်းရင်းမြစ်များ

2 Samuel 15:1

ꞌItsama baritia ꞌinukëbëtan ka Absalónnën anun ꞌakánanti caballonën nirinkë achúshi anuax ꞌakánanti ꞌimainun caballo bianan, cincuenta suntárukama an bërúanxun nikinti anëakëxa.

1 Reyes 1:11

Usa ꞌain ka usaía banakë kuaxun Natánën Betsabé Salomónnën tita a kakëxa: —¿Min karamina Adonías Haguitnën tuá axa ain papa David nun ꞌIbu an kuanuma unëax ax isa ꞌapu ꞌia kiax kikë a ꞌunaniman?

1 Reyes 1:4

Abisag kakë xanu ax ka upíira xanu ꞌiakëxa, usa ꞌixun ka ꞌapu David bërúanan ñu mëëxuankëxa, ꞌaínbi ka uínsaranbi ꞌapun a xanun nami ꞌama ꞌikën.

Éxodo 9:17

Usakin ꞌën ꞌaia iskinbi kamina, ꞌën unikama min kuantanun xuisama tanin.

Lucas 14:11

Usaribi oquin ca anbia rabíquin —ꞌëx cana cha ꞌai —quixun sináncë uni a Nucën Papa Diosan aín uni itsicamabëtan sënë́nmara ꞌimiti ꞌicën. ꞌImainun ca cha ꞌiti sinani rabícëma uni, a cuni Nucën Papa Diosan cha ꞌimiti ꞌicën.

Lucas 18:14

Usa ꞌain cana mitsu cain, fariseo unima, bëtsi uni a usaquin cacëxun aín ꞌuchacama tërë́ncë, ax ca aín xubunu cuani Nucën Papa Diosan iscëx upí ꞌiaxa. Usaribiquin ca an rabíquin —ꞌëx cana bëtsi unibëtan sënë́nma ꞌai —quixun sináncë uni a Nucën Papa Diosan aín uni raíribëtan sënë́nmara ꞌimiti ꞌicën. ꞌImainun ca axa rabícëma uni a cuni Nucën Papa Diosan cha ꞌimiti ꞌicën.

Jueces 9:2

—Nux kananuna aín aintsi ꞌibu ꞌain usa ꞌain kamina Siquem ënu ꞌikë unikama ësokin kakin sinanamiti ꞌain, usa ꞌain ka achúshi unixëshia ꞌapu ꞌimainun ka setenta Jerubaalnën bakë bëchikëkama ax achúshirabi ꞌapu ꞌitima ꞌikën.