1 Reyes 1:31 - Kashibo-Kakataibo Biblia

³¹ Ësokian kakëx ka Betsabé ꞌapumi ñanati, a bëmánon ain bëmánanën me tikai ꞌiakëxa, ꞌi ka munuma banai kiakëxa: —¡ꞌItsa baritia ꞌimi ka ꞌën ꞌapu David tsóti ꞌikën!

1 Reyes 1:31 ပူးပေါင်းရင်းမြစ်များ

2 Samuel 9:6

kakëxuan kamikëx ka Mefi-bóset Jonatánnën bëchikë Saúlnën xuta uakëxa, ꞌai ka Davidnën ꞌikënu bëbakuatsini ami ñanati ꞌain bëmánanën me tikai ꞌiakëxa. ¡ꞌIkëbë ka munuma banai Mefi-bóset kai! —David kiakëxa. Kia ka Mefi-bósetnën David kakëxa: —Añu mi ꞌaxúnti kaina kuëënin a kana mi ꞌaxúnti ꞌai kixun kakëxa.

1 Reyes 1:25

An ka bërí kuanxun ꞌain unikama vaca bënë ꞌimainun vaca bakë bërí kanikë këñun ovejakama ꞌaisamaira rënun ꞌamiaxa, ꞌamixun ka min bëchikë bëbukama kamianan, suntárunën ꞌapu aín kushi capitán akama ꞌimainun sacerdote Abiatar aribi kamiaxa. Usa ꞌain ka bërí atux abëtan pianan xëai munuma sharati kikania: ¡Adonías ax ka bërí nun ꞌapu ꞌikë kiax ka kuëëni kikania!

Nehemías 2:3

usai ꞌikin kana ꞌapu ësokin kakën: —¡Mix ꞌapu ꞌaish kamina ꞌitsa baritia buini tsóti ꞌain! ¿Uisa ꞌaish karana ꞌëx ꞌën aintsikama anu maían ëma axa rurupakë ꞌimainun aín xëpútikama axribi në́nkëxa rurukubua ꞌain nitë́xëtima ꞌiti ꞌain?

Daniel 2:4

Kixun kakëxun ka an ñu ꞌunánkë uni achúshinën anúan banakë arameo bana anunbi banakin ꞌapu kakëxa: —¡Mix ꞌapu ꞌaish kamina xënibuti tsóti ꞌain! Mix ꞌapu ꞌixun kamina an mi ñu mëëxunti nukama min namákë a ñuixunti ꞌain, nun kananuna uisakin namákë kara ax ꞌikë a mi ñuixunti ꞌain.

Daniel 3:9

isbiani kuanxun ka ësokin kakëxa: —¡Nux kananuna mix ꞌapu ꞌaish tsókëpan ꞌikëa unin ꞌitsa baritia ꞌimikin min kakësokin ꞌati kuëënin!

Daniel 5:10

ꞌaínbi ka aín tita aín tuá ꞌapu ax kuëënmainun abëtan pi bukukë unikama atúxribi kia kuati aín tita anuxun pi bukukë anu atsini kiakëxa: —¡Mix ꞌapu ꞌaish kamina xënibua ꞌaínbi tsóti ꞌain! Usa ꞌain kamina ꞌitsaira sinani min bëmánan pëki ꞌitsaira ratutima ꞌain,

Daniel 6:21

Kakëxun ka Danielnën kakëxa: —¡Mix ꞌapu ꞌaish kamina xënibua ꞌaínbi tsóti ꞌain!

Daniel 6:6

Usai kanantankëx ka an ñu ꞌaia bërúankë ꞌimainun aín kushikama atux ꞌapu Daríobë kananuna banai kuanti ꞌai kixun sinani kanankëxa. Kanankiani kuanxun ka anua ꞌikë aín xubunu bëbakin ꞌapu kakëxa: —Mix ꞌapu ꞌaish kamina xënibuax ꞌiti ꞌai kixun kakëxa.

Mateo 21:37

Usoquian an naë bërúancë unicaman an xucë unicama ꞌacëbëtan ca naë ꞌibun —ꞌën bëchicë ënë ca usaribi oquin ꞌaquinma upí oquin biquin aín bana cuati ꞌicë —quixun sinánquin aira xuaxa.

Efesios 5:33

Usa ꞌaínbi cana mitsu cain, min namimi bërúancësaribi oquin camina mitsun xanuribi nuibaquin bërúanti ꞌain. Usaribi oquin ca xanúnribi ami sinánquin aín bënën bana cuati ꞌicën.

Hebreos 12:9

Nux xu ꞌixun ñu ꞌatima ꞌaia oquin ca amiribishi ꞌatëcënxunma ꞌanun numi nishquinmabi nu ꞌunánmiquin nucën papan nu mëëacëxa. Mëëcëxunbi cananuna ami nishquinma ax cuëëncësabi oquin ꞌacën. ¿Usa ꞌain caranuna uisa cupí Nucën Papa Diosan nux abë upí ꞌinun quixun, uisa oquin cara nu ꞌati ꞌicë usoquin ꞌacëxunbi upí oquin sinántima ꞌain?

1 Samuel 20:41

Usakia kakëxa uni bëna ax kuankëbë ka David maxá chabu ꞌikë a kaxú chikíakëxa, chikiti ka Jonatán bëtánain aín bëmána memi bëtiki rantinpuruni achúshi ꞌimainun rabë́ oi ꞌiakëxa. Usai ꞌitankëx ka a rabëtaxi bëtsuku kánani iankëxa, ini ka David intëkëinsamaira oi ꞌinun iankëxa.

1 Samuel 24:8

Kuankëbë a kaxú anua unëkë bashi kini anuax chikíkin, ka munuma kuënkë́nkin kakëxa: —¡ꞌËn ꞌapu ꞌën ꞌibu! kikëbëtan ka Saúlnën kaxú bësukinbi David aín bëmánanën me tikai tsóbutia isakëxa,