1 Reyes 1:26 - Kashibo-Kakataibo Biblia

²⁶ Usakin ꞌakinbi ka ꞌë kamianan sacerdote Sadoc ꞌimainun Benaías, Joiadá aín bakë bëchikë aribi kaima ꞌianan min bakë bëchikë Salomón abi kamikëma ꞌikën.

1 Reyes 1:26 ပူးပေါင်းရင်းမြစ်များ

2 Samuel 12:25

ꞌimainun ka usakin bërúankëbëtan an uni ꞌain bana ñuixunkë Natánën Nukën ꞌIbun ka ënë tuá bërúaia kixun David kakëxa. Usakin kakëxun ka Diosan ka ënë tuá bërúaia kixun ꞌunánkin Jedidías kakin Davidtan anëakëxa. “Ënë banax ka Diosan ka a nuibatia ki kikë bana ꞌikën.”

2 Samuel 7:2

an Dios kikë bana uni ñuixunkë Natán kakëxa: —Uisa ꞌixun karana ꞌën anu ꞌapu ꞌiti xubu kunxan tukapaxun upíokin ꞌakënu ꞌixun, Dios bunántisa okin ꞌaxunkë axa chupaishi ꞌakë xubu ꞌukëmëu nankë ꞌikë isti ꞌain, ax ka ꞌën iskëx upíma ꞌikën.

1 Reyes 1:10

kamikinbi ka an Dios kikë bana uni ñuixunkë Natán ꞌianan Benaías ꞌimainun an aín papa ꞌapu David bërúankë aín suntárukama ꞌimainun aín xukë́n Salomón akama kamiama ꞌikën.

1 Reyes 1:19

Usa ꞌixun kaisa an ñu mëëxunkë unikama vaca bënë ꞌanan, vaca bërí kanikë ꞌimainun ꞌitsaira aín oveja ꞌarakakë rënun ꞌamiaxa, usakin ꞌamixun ka anu isa kuanun kixun min bakë bëchikëkama kamiaxa; kamianan kaisa sacerdote Abiatar ꞌimainun Joabnën suntárunën ꞌapu general aribi kamiaxa, ꞌaínbi kaisa Salomón min bakë bëchikë ashi kamikëma ꞌikën.

1 Reyes 1:27

¿Min kaina mix ꞌapu ꞌixunbi an mi ñu mëëxunti ënë pain ax ka ꞌëx ñukëbë ꞌapu ꞌinuxun ꞌaia kixun ꞌë kakima usakin ꞌan?

1 Reyes 1:8

ꞌAínbi ka sacerdote Sadoc, Benaías Joiadá kakë aín bakë bëchikë a ꞌimainun an Dios kikë bana ñuixunkë uni Natán ꞌimainun Simí abëira ꞌapu nuibanankë a ꞌianan an ꞌapu bërúankë suntárukamaxbi Adonías ꞌakinti sinánma ꞌikankëxa.