1 Reyes 1:2 - Kashibo-Kakataibo Biblia

² Usa ꞌain ka an ñu mëëxunkë uni raírinën kakëxa: Mix ꞌapu ꞌaish kamina xanu chipash an mi ñu ꞌaxuanan bërúanti barixunun kiti ꞌain, ax ka mi ꞌitsisoi mibëbi uxti ꞌikë kixun ka kakëxa, kakëxun ka ꞌë kamina barixunti ꞌai kixun atu kakëxa.

1 Reyes 1:2 ပူးပေါင်းရင်းမြစ်များ

Génesis 16:5

Usai ami nishia ꞌunánkin ka Sarainën aín bënë Abram kakëxa: —¡Min ꞌucha kupí ka Agarnën ꞌë ꞌatima okin isia! ꞌËnbi kana min xanua ꞌinun mi ꞌinan, usa ꞌaínbi ka bërí achúshi tuáñu ꞌikuani ꞌësamaira ꞌisatania. Usa ꞌain ka Nukën ꞌIbux kiti ꞌikën uix kara ꞌuchaxa kixun nu kati ꞌikën.

2 Samuel 12:3

ꞌaínbi ka uni ñuñuma an oveja ꞌitsama achúshiira maruxun ꞌarakakë ꞌiakëxa. Usakin ꞌarakakëxa kania ka carnero tuára a abëbi ꞌinun ꞌikikin aín bakë bëchikëkamabëbia ꞌinun bërúankëxa; bërúanan ka aín pikë ñubi pimikin, anúan xëakë ñumibi xëamikin aín ꞌuxti anubi ꞌuxmiakëxa. ¡Usakin ꞌakin ka a unin aín ini bëchikë achushira ꞌakësaribi okin kuëëankëxa!

1 Reyes 1:1

ꞌApu David ax ka uni ꞌikësabi kaniakëkë ꞌiakëxa. Usa ꞌixun ka an bërúankë aín unikaman upíokin chupan mapuanan chupa kata ꞌitsa pañumikëxunbi xana tanima aín nami matsikëshi ꞌiakëxa.

1 Reyes 1:3

Ësakin kaxun ka kamabi Israel me kamanua xanu upíira barixuankëxa, barikin ka achúshi xanu chipash Abisag kakin anëkë Sunem kakë ëmanua bibiankin a ꞌapunu buánkankëxa.

Deuteronomio 13:6

Bërí kana achúshi achúshi mitsu kain, min xukë́n apan ꞌianan ꞌanáka, mitsun bëchikë bëbu ꞌianan xanu ꞌianan ami kuëënkë min xanu, ꞌimainun abëmi nuibanairakë uni, ꞌianan mitsun papanbi bëtsin kuanumashi kakëxunbi kamina ꞌatima ꞌain,