1 Reyes 1:13 - Kashibo-Kakataibo Biblia

¹³ Anu kuanxun kamina min ꞌapu David ësokin kati ꞌain: Mix ꞌapu ꞌixun kamina sinanatëkëntima okin, ꞌën tuá Salomón isa mix ꞌia ꞌain, axribi ꞌapu ꞌi tsóbunuxun ꞌaia kixun ꞌë kakën. ¿Usa ꞌaínbi kara Adonías ax isa ꞌapu ꞌiti ꞌikë kiax kin?

1 Reyes 1:13 ပူးပေါင်းရင်းမြစ်များ

1 Reyes 1:11

Usa ꞌain ka usaía banakë kuaxun Natánën Betsabé Salomónnën tita a kakëxa: —¿Min karamina Adonías Haguitnën tuá axa ain papa David nun ꞌIbu an kuanuma unëax ax isa ꞌapu ꞌia kiax kikë a ꞌunaniman?

1 Reyes 1:14

Usakinmi min ꞌapu kakëbë kana ꞌëxribi atsínkin min kakësaribi okin kati ꞌain.

1 Reyes 1:17

Kakëxun ka xanuxun kakëxa: —Min kamina ꞌapu ꞌixun sinanatëkëntima okin Diosan ismainunbi ꞌën tuá Salomón isa mix bamakëbë ꞌapu ꞌi aia kixun ꞌë kakën.

1 Reyes 1:24

Natánën ꞌapu ñukákëxa: —¿Mix ꞌapu ꞌixun kaina Adonías mix ñukëbë axribi ꞌapu ꞌinun kan?

1 Reyes 1:30

usa ꞌain kana bëráma sinanatëkëntima okin min israel unikama Diosan ismainunbi kakën, a kana bërí nëtënbi ꞌati ꞌain: min tuá Salomón ax ka ꞌëx ꞌia ꞌain, axribi bërí ꞌapu ꞌiti ꞌikën.

1 Reyes 1:35

Usa ꞌain kamina bërúanxun anua unun bëti ꞌain, bëkëx ka anu ꞌëx ꞌikë ënu ax ꞌi tsóbuti ꞌikën, ꞌën kana ax ka Israel kamanan ꞌianan Judánu ꞌikë unikaman ꞌapu ꞌiti ꞌikë kiax kiakën.

1 Reyes 1:48

ësai kiakëxa: “Israelkaman Dios ax ka upíokin rabikë ꞌiti ꞌikën, usa ꞌixun ka ꞌën bakë bëchikë achúshi ꞌënbi ismainun ꞌapu ꞌimiaxa, usakin rabikin ꞌaia kana isan kixun ka, Jotamnën ñuixunkin atu kakëxa.”

1 Reyes 2:12

Usokian aín papa Davidnën ꞌapu ꞌixun aín aintsikama ꞌakian ꞌain ka aín bakë bëchikë Salomón axribi atun ꞌapu ꞌixun kamabi Israel unikama ꞌitsa baritia ꞌakiankëxa.

Isaías 9:7

Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.