1 Reyes 1:10 - Kashibo-Kakataibo Biblia

¹⁰ kamikinbi ka an Dios kikë bana uni ñuixunkë Natán ꞌianan Benaías ꞌimainun an aín papa ꞌapu David bërúankë aín suntárukama ꞌimainun aín xukë́n Salomón akama kamiama ꞌikën.

1 Reyes 1:10 ပူးပေါင်းရင်းမြစ်များ

2 Samuel 12:24

Usaia ꞌikë ꞌain ka David aín xanu Betsabé, nitë́xëti masá nuitukë a upíokin sinánmikin nitë́xëaxma ꞌinun kixun kakëxa. Ësakin kax abë ꞌikian aín nami ꞌakëx tutankëx ka achúshi bëbu tuá bakë́ankëxa, bakënkë ꞌikë ka Davidnën Salomón kakin anëakëxa. Usakin anëkë ꞌikë ka Diosan a tuára nuibakëxa,

1 Reyes 1:11

Usa ꞌain ka usaía banakë kuaxun Natánën Betsabé Salomónnën tita a kakëxa: —¿Min karamina Adonías Haguitnën tuá axa ain papa David nun ꞌIbu an kuanuma unëax ax isa ꞌapu ꞌia kiax kikë a ꞌunaniman?

1 Reyes 1:19

Usa ꞌixun kaisa an ñu mëëxunkë unikama vaca bënë ꞌanan, vaca bërí kanikë ꞌimainun ꞌitsaira aín oveja ꞌarakakë rënun ꞌamiaxa, usakin ꞌamixun ka anu isa kuanun kixun min bakë bëchikëkama kamiaxa; kamianan kaisa sacerdote Abiatar ꞌimainun Joabnën suntárunën ꞌapu general aribi kamiaxa, ꞌaínbi kaisa Salomón min bakë bëchikë ashi kamikëma ꞌikën.

1 Reyes 1:26

Usakin ꞌakinbi ka ꞌë kamianan sacerdote Sadoc ꞌimainun Benaías, Joiadá aín bakë bëchikë aribi kaima ꞌianan min bakë bëchikë Salomón abi kamikëma ꞌikën.

1 Reyes 1:8

ꞌAínbi ka sacerdote Sadoc, Benaías Joiadá kakë aín bakë bëchikë a ꞌimainun an Dios kikë bana ñuixunkë uni Natán ꞌimainun Simí abëira ꞌapu nuibanankë a ꞌianan an ꞌapu bërúankë suntárukamaxbi Adonías ꞌakinti sinánma ꞌikankëxa.