1 Reyes 1:1 - Kashibo-Kakataibo Biblia

¹ ꞌApu David ax ka uni ꞌikësabi kaniakëkë ꞌiakëxa. Usa ꞌixun ka an bërúankë aín unikaman upíokin chupan mapuanan chupa kata ꞌitsa pañumikëxunbi xana tanima aín nami matsikëshi ꞌiakëxa.

1 Reyes 1:1 ပူးပေါင်းရင်းမြစ်များ

Génesis 18:11

Usa ꞌaínbi ka Abraham ax uni apan kaniakëkë ꞌimainun ka aín xanu Sara axribi xanu apan kaniakëkë ꞌiakëxa usa ꞌaish ka Sara bërámabi aín pëi machakë sënë́nkë ꞌiakëxa.

Génesis 24:1

Usa ꞌain ka Abraham ax kaniakëkë ꞌikë, Nukën ꞌIbu an ꞌati kamabi ñu sinánxunkë ꞌiakëxa.

2 Samuel 5:4

Treinta baritiañu ꞌixun ꞌapu ꞌikin pëua ꞌaish, ka David cuarenta baritia ꞌimi ꞌapu ꞌiakëxa:

1 Reyes 1:15

Ësokin kakëx ka Betsabé ꞌapu David isi kuanx anua ꞌikë aín xubu kata itsi anu atsíankëxa. Usa ꞌain ka Abisag sunamita ax ꞌapu xënira ꞌain, anuxun añu ꞌaxúnti kara kuëënia a ꞌaxuni anu ꞌiakëxa.

1 Reyes 1:2

Usa ꞌain ka an ñu mëëxunkë uni raírinën kakëxa: Mix ꞌapu ꞌaish kamina xanu chipash an mi ñu ꞌaxuanan bërúanti barixunun kiti ꞌain, ax ka mi ꞌitsisoi mibëbi uxti ꞌikë kixun ka kakëxa, kakëxun ka ꞌë kamina barixunti ꞌai kixun atu kakëxa.

Salmos 90:10

Anun tsótimi nu ꞌinánkë ax ka setenta baritiashi ꞌikën; usa ꞌaínbi ka uix kara kushipain ꞌikë ax kuni ochenta; baritia ꞌimi tsóti ꞌikën, ꞌaínbi kananuna ꞌitsabaritia tëmërakin ñu mëi atsanin. ¡Usai ka nux ꞌikësaribiti baritia kamax, bënëtishi inutia!

Lucas 1:7

Usa ꞌain ca Elisabet tuáñuma xanu ꞌianan a rabëtaxbi xëniira ꞌiacëxa.