1 Pedro 5:8 - Kashibo-Kakataibo Biblia

⁸ Paru ꞌinúan cuëë́rui aín piti bari nicësa, usaribiti ca ñunshin ꞌatimanën ꞌapu, uni ñu ꞌatima ꞌanun quixun sinánmianan Nucën Papa Diosmi sinánti ënminuxun bari nitsia. Usa ꞌain camina mitsua paránti rabanan bërúancati ꞌain.

Nukën 'Ibu Diosan ain unikama 'inan ain bana

⁸ Paru 'inúan cuëë́rui aín piti bari nicësa, usaribiti ca ñunshin 'atimanën 'apu, uni ñu 'atima 'anun quixun sinánmianan Nucën Papa Diosmi sinánti ënminuxun bari nitsia. Usa 'ain camina mitsua paránti rabanan bërúancati 'ain.

1 Pedro 5:8 ပူးပေါင်းရင်းမြစ်များ

Job 2:2

Usai anu ukë ka Diosan uinuax kara aia kixun ꞌunanxunbi ñukákëxa: —¿Uinuax kaina mix aín? Kixuan kakëxun ka ñunshin ꞌatimanën kakëxa: —ꞌËx kana kamabi mekama oi kuaínbëkini nitsin.

Salmos 104:21

ꞌImainun ka paru ꞌinúan aín piti ñuina bitankëx kuëëtia; usai ꞌikin ñukákëxun ka Diosan aín piti ꞌinania.

Proverbios 20:2

Achúshi ꞌapu nishkë ax ka paru ꞌinúan kuëërui banakë usaribi ꞌikën; uin kara nishmia aka nishkin uisa kara okatsia usakin ꞌati ꞌikën.

Isaías 50:8

ꞌË ꞌurama ka an ꞌë ꞌakinkin bërúankë ax ꞌikën: ¿Uix kara ꞌën isana usakin ñu ꞌa kiax ꞌëmi këmëi banati ꞌik? ¡Usa ꞌain ka uix kara ꞌëmi ꞌatimati banaia ax ka ëbëtan ꞌapunuxun bana mënioi kuanti ꞌikën! ¿Uin kara ꞌën isana ñu ꞌatima ꞌa kiax këmëishi ꞌëmi manánti sinanin? ¡Uin kara usakin sinania an ka ꞌutankëxun usakin kamina ñu ꞌa kixun ꞌë kati ꞌikën!

Jeremías 2:15

¿Uisa kupín kara axa ami nishkë unikama paru ꞌinuánëxa, aín piti ñu binux kuëëkë usa kuatsini ukin, Israel unikama bëara buinkankëx? Axa atumi nishkë unikaman aín me ꞌatima onan; aín ëmakamaribi nënkin xarokë ꞌain ka achúshi unirabi anu bëruama ꞌikën.

Daniel 6:24

Usokin ꞌan ka an Daniel ñankaíshibi ꞌuchokë unikama ꞌapun bana kikësabiokin atun xanu ꞌimainun atun bakë bëchikëkama këñunbi bëakëxa, bëkë ka anua paru ꞌinúankama ꞌikë kini anu nikankëxa, nia ka paru ꞌinúankaman anua atux bukukë anu pakëkëmaishi atunu ꞌirukin bikin xoñuma rakankin piakëxa.

Oseas 13:8

Usakin ꞌai kana xaëón aín xanuxa aín tuákama nëtë́miax anun rabanan në́kë usai ꞌikin, ꞌën aín shikan tukapati ꞌain. Usakin ꞌakin kana paru ꞌinúanën ꞌakësokin ꞌakin anuxunbi pikin këñuti ꞌain; ꞌanan kana raëkëma ñuinanën ꞌakësa okinribi anuxunbi ꞌati ꞌain.

Joel 3:16

Uínsaran kara Dios munuma banai kaná banakësari aín bashi Sión kakë anuax ꞌianan Jerusalénnua ꞌia kuakania anun ka naíkamë ꞌëo ꞌimainun mekama shaíkiti ꞌikën. ꞌAínbi ka Diosan Israel unikama ami katamëtia ꞌakinti ꞌikën.

Amós 1:2

Uínsaran kara Nukën ꞌIbu Dios ax Sión kakë aín bashi anuax banaia anun ka Jerusalénnuax kaná banakësaribi banai kiti ꞌikën, kia kuakëbë ka an ñuina bërúankë unikaman anuxun aín ñuina pimikë pasto ꞌimainun ka Carmelo kakë ain bashi rëbunua ꞌikë xëxá rëbukama axribi ëskiti ꞌikën.

Amós 3:4

paru ꞌinuánëxa ninuax kuëërukë ax kara aín piti ñuina biaxa ꞌikë ꞌiti ꞌikën. Usa kat; paru ꞌinuán tuá axa kininuax kurukikë ax kara aín piti ñuina biaxa ꞌikë ik usa kat;

Amós 3:8

Uínsaran kara paru ꞌinúan kuëruia anun kara ¿uix rakuë́ti bërëima ꞌiti ꞌik? Ka rakuë́ti ꞌikën. ¿Uin kara Dios kamabi kushiñu axa kuërukësa ꞌinun banakëbëtan tënëti ꞌik? Uínbi ka ꞌatima ꞌikën.

Mateo 13:39

An chucu ꞌapácë uni asaribi ca ñunshin ꞌatimanën ꞌapu ꞌicën. Anun bimi biti nëtë ñuiquinbi cana ꞌëx utëcënti nëtë ñui quian. An bimi bicë unicama asa ca ángelcama ꞌicën.

Mateo 24:42

Uisa nëtën carana min ꞌIbu ꞌaish ꞌëx utëcënti ꞌai quixun ꞌunánquinmabi camina upí oquin sinánquin —ꞌën ꞌibu ca uti ꞌicë —quixun ꞌunani cuëënquin caínti ꞌain.

Mateo 25:41

Usaquin catancëxun cana axa ꞌën mëmiu ꞌicë unicama cati ꞌain: Mitsux ꞌën unibuma ꞌaish ca ꞌë ꞌura cuantan. Cuanx ca manë tsi anua aín ꞌapubë ñunshin ꞌatimacama ꞌinun mënío anu ꞌitan.

Mateo 4:1

Nashimicë ꞌicë ca Nucën Papa Diosan Bëru Ñunshin Upitan Jesús anu uni ꞌicëma menu cuanti sinánmiacëxa, anuxun ca ñunshin ꞌatimanën ꞌapun ñu ꞌatima ꞌamicatsi quixun ꞌati ꞌicë quixun ꞌunánquinbi.

Mateo 4:11

Usoquian cacëx ca ñunshin ꞌatimanën ꞌapu Jesús ëbiani cuancëxa. Cuancëbëtan ca Nucën Papa Diosan ángelcaman uxun Jesús ꞌaquiancëxa.

Marcos 4:15

Anúan uni nicë me iru anu nipacëcë ñu bëru asaribi ca bëtsi bëtsi uni ꞌicën. Usa ꞌixuan Nucën Papa Diosan bana cuacëbëbi bënëtishi uxun ca ñunshin ꞌatimanën ꞌapu, Satanás, an sinánxma ꞌinun a cuacë banacama a manumia.

Lucas 21:34

Usa ꞌain camina mitsux cuëëncë ñuishi ꞌanan paë́anan ënë nëtënu ꞌicë ñucamaishi sináncë ꞌitin rabanan bërúancacë ꞌiti ꞌain. Usai bërúancacëma ꞌaish camina mitsúnmi sináncëbëmabi ꞌëx ucëbë ꞌë isi rabínti ꞌain.

Lucas 21:36

Usa ꞌain camina ꞌëx uti nëtë caini, ꞌën mitsu cacë ñucama ënë́xa ꞌicëbëbi ꞌëmi catamëti ëníma ꞌëmi cushicë ꞌinuxun, nëtë camabi Nucën Papa Dios ñucáti ꞌain. Usai ꞌi, ꞌëx utëcëncëbë ꞌën bëmánanuax añu ꞌuchañumabi ꞌinuxun camina Nucën Papa Dios ñucáti ꞌain.

Lucas 22:31

Usaquin catancëxun ca Jesusan Simón Pedro cacëxa: —Simón, ñunshin ꞌatimanën ꞌapu, Satanásnën ca mitsu ꞌatimamitisa tanquin an usaquin ꞌanúan ënun quixun Nucën Papa Dios ñucáxa. Usa ꞌixun ca xanúan ñu bimi tacaquin shaícacësaribi oquin mitsu tanti ꞌicën.

Juan 8:44

Mitsun papax ca ñunshin ꞌatimanën ꞌapu ꞌicën. Ainan ꞌixun camina axa cuëëncësa oquinshi ꞌaisa tanin. An ca nëtë ióñubi uni ꞌati sináncëxa. Ax ca cëmë ꞌaish axa ꞌiásabi cëmëia. Cëmëi ca an sináncësa oquinshi sinani banaia. Ainra ca cëmë́ntapun ꞌixun unían uni itsi cëmëquin paránun ꞌimia.

2 Corintios 2:11

Usoquin manucëma ꞌicë ca ñunshin ꞌatimanën ꞌapu, Satanás, an nu ꞌatimaquin sinánmiquin ꞌatimamiti ꞌicën. Usa ca ax ꞌicë quixun cananuna ꞌunan. An usoquin nu ꞌatimaquin sinánmiti rabanan cananuna aín ꞌucha manui a unibë upí ꞌiti ꞌain.

Efesios 4:27

Nishtancëxunbimi manuiama ca ñunshin ꞌatimanën mitsu masá sinánmiquin mitsun nuitu upíma ꞌimiti ꞌicën. Usaquian ꞌatin rabanan camina mitsun nishcë bënë́nquinshi manuti ꞌain.

Efesios 6:11

Ñunshin ꞌatimanëan paránquin mitsu ñu ꞌatima ꞌamitisa tancëxbi camina an mitsu ꞌibuati rabanan uisoquinra cara an mitsu cushioti ꞌicë, usaquin Nucën Papa Diosan cushiocë ꞌinux upí oquin sinani ami catamëti ꞌain.

1 Timoteo 2:15

Usa ꞌaínbi ca uinu ꞌicë xanun cara tuáñu ꞌianan Jesucristomi catamëcë ꞌixun, bëtsibë nuibananquin upí sinánñu ꞌixun ꞌatima ñu sinánquinma, tuáñu xanúan ꞌati ñucama upí oquin ꞌaia, a xanux Nucën Papa Diosan upí oquin ꞌaquincë ꞌiti ꞌicën.

1 Timoteo 2:9

Usaribiti ca axa Jesucristomi catamëcë xanucamaxribi ax tanxëshi mëníocati ꞌicën, ꞌaisamaira cupícë ñu, chupa, curi, ꞌimainun perla, acama ca pañutima ꞌicën. Aín buribi ca unin isnun quixun ꞌaisamaira oquin mëníotima ꞌicën.

1 Timoteo 3:11

An axa Jesucristomi catamëcë unicama ꞌaquincë unin xanux ca —upí xanu ca —quixuan camabi unin ꞌunáncë ꞌiti ꞌicën, ca cëmëi bëtsimi manáncëma ꞌiti ꞌicën, paë́ncëma ꞌianan ca aín ñu ꞌati upí oquin ꞌacë ꞌiti ꞌicën.

1 Timoteo 3:2

Usa ꞌain ca axa Jesucristomi catamëcë unicaman cushi ax ësa uni ꞌiti ꞌicën: Ca ꞌiti ꞌicën, —ꞌaisama ca —quixun unin ñuicëma, xanu achúshiñuishi, upí sinánñu, cuaibë banacëma, upí oquin sináncë ꞌixun ñu ꞌatima ꞌacëma. ꞌIanan ca a isi aia cuëënquin uni bicë ꞌianan Nucën Papa Diosan bana ꞌunánmiti ꞌunáncë ꞌiti ꞌicën.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.

Tito 1:8

Usai ꞌiquinma ca a isi aia cuëënquin uni biti ꞌicën. Añu ñucamax cara upí ꞌicë ashi ꞌati ca sinánti ꞌicën. Upí oquin sináncë ꞌixun ñu ꞌatima ꞌacëma ca ꞌiti ꞌicën. Nucën Papa Diosan bana quicësabi oi ca ꞌaisama ñu ꞌaíma upíshi ꞌiti ꞌicën.

Tito 2:12

Nucën Papa Diosan ca nu ꞌunánmia, nux aín uni ꞌaish cananuna abë upí ꞌaish ax cuëëncëma ñu ꞌati ëni, upíshi ꞌianan axa ami sináncëma unicamaxa ꞌicësai ꞌiti sinanima, ꞌianan ami cushicë ꞌixun, añu ñucama nun ꞌati cara cuëënia ashi ꞌati ꞌai quixun.

Tito 2:2

Uni apan, anpan mëcócama, ax ca paë́ncëma ꞌianan upí oquin sinánquin ñu ꞌanan ñu ꞌaisama ꞌacëma ꞌiti ꞌicën. ꞌIanan ca Nucën Papa Diosan bana quicësabi oi ꞌianan bëtsibë nuibanan an uisa ñu cara ꞌicëbëbi bënë́quin Nucën Papa Diosmi catamëti ëntima ꞌicën.

Tito 2:4

Xanu apáncaman ca ësai ꞌiquin aín tuá ꞌimainun aín ñe xutacamaribi ësaía ꞌinun ꞌunánmiti ꞌicën: atun bënë nuibanan ca atun tuáribi nuibaquin bërúanti ꞌicën.

Tito 2:6

Usaribi oquin camina uni bënácamaribi upí oquin sinánquian ñu upíshi ꞌanun cati ꞌain.

Santiago 4:7

Usa ꞌain camina Nucën Papa Diosan bana cuati ami catamëti ax cuëëncësabi oishi ꞌiti ꞌain. Usai ꞌiquin camina ñunshin ꞌatimanëan ꞌatima ñu ꞌati mitsu sinánmisa tancëxunbi a ñu ꞌati tënëquin ꞌatima ꞌain. Usai ꞌia ca ñunshin ꞌatimanën ubíoquinma mitsu ënti ꞌicën.

1 Pedro 1:13

Usa ꞌain camina Jesucristonan ꞌixun upí oquin sinani ax quicësabi oi ꞌiti ꞌain. ꞌIquin camina Nucën Papa Diosan ca abëmi aín nëtënu ꞌiti mëníocëxa quixun sinani cuëënquin Jesucristo anun uti nëtë caínti ꞌain.

1 Pedro 4:7

Anúan ënë menu ꞌicë ñucama cëñúti nëtë ca ꞌuramatia. Usa ꞌain camina camabi nëtën upí oquin sinani Nucën Papa Diosbë banati ꞌain.

Apocalipsis 12:10

Usaía ꞌicëbëtan cana Nucën Papa Diosan nëtënuaxa ësai munuma banaia cuan: —An ami catamëcë unicama, nucën xucë́antu, ꞌatimaquin ñuiquin nëtë́quinma nëtë́nbi ꞌimë́bi Nucën Papa Dios manóncë, ax ca ënua chiquíncë ꞌicën. Usa ꞌain ca bërí an aín cushínbi ainan ꞌinun uni ië́micë, Nucën Papa Dios, ainshi asérabi aín ꞌApu ꞌixun, aín unicama bërúanan Cristo atun ꞌIbu ꞌinun ꞌimiaxa.

Apocalipsis 12:12

Ñunshin ꞌatimanën ꞌapu a Nucën Papa Diosan aín nëtënua chiquíncë ꞌain, camina a nëtënu ꞌicëcama, mitsux cuëënti ꞌain. Mitsu usaquin canan cana axa menu ꞌicëcama ꞌimainun axa parúnpapanu ꞌicëcama ësaquin cain: Nucën Papa Diosan aín nëtënua chiquíncë ꞌaish ca ñunshin ꞌatimanën ꞌapu ꞌaisamairai nishaxa, anun an ñu ꞌati nëtë ca ꞌitsama ꞌicë quixun ꞌunani. Nishquian ñu ꞌacëbëtan camina ꞌaisamaira masá nuituquin tëmërati ꞌain.

Apocalipsis 12:9

Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.

Apocalipsis 20:10

Usoquin cëñuanan ca ñunshin ꞌatimanën ꞌapu, an unicama paráncë, a ꞌianëmëꞌëosa manë tsi, anuaxa azufreribi rëquirucë, anu ꞌinun niaxa. Anua ꞌitsa maxcáñu ꞌianan ꞌitsa matúxcañu ñuinacanꞌëo a ꞌimainun bëtsi ñuinacanꞌëo an Nucën Papa Dios rabiquinma ñuinacanꞌëo rabinun quixun unicama paráncë, anu atux ꞌicë ca ñunshin ꞌatimanën ꞌapuribi anu niaxa. Anuxun ca acaman nëtë́nbi imë́bi xënibua ꞌaínbi nëtë́timoquin paë tanquin tëmërati ꞌicën.

Apocalipsis 20:2

Ubútancëxun ca a ángelnën capë́sa ꞌaíshbi pianancë ñuinacanꞌëo chaira, an bëráma runusa ꞌixun Nucën Papa Diosan uniotabatia uni paran ꞌixun camabi menu ꞌicë uni paráncë, ñunshin ꞌatimanën ꞌapu Satanás, a biquin mil baritia niaxma ꞌinun manë risin nëaxa.

Jueces 14:5

Usa ꞌain ka Sansón aín papa kabiani abë Timná kakë ëma anu kuankëxa. Kuanibi ka aín papabë ënanankiani ëma ꞌurama uvas ꞌapákë ꞌikë anúan kuankëbë ka achúshi ꞌinúan në́kë ami në́kuatsini pikatsikiax uakëxa.