1 Pedro 5:6 - Kashibo-Kakataibo Biblia

⁶ Usa ꞌain camina aín bana timaima uisa ñu cara ꞌicëbëbi bënëtima Nucën Papa Dios ꞌApuira ami catamëti ꞌain. Usaími ꞌia ca an anúan ꞌati nëtë ucëbëtan uisai cara ꞌiquin tëmëracë ꞌaíshbimi usai ꞌicëmasa ꞌianan asábiira ꞌinun mitsu ꞌimiti ꞌicën.

Nukën 'Ibu Diosan ain unikama 'inan ain bana

⁶ Usa 'ain camina aín bana timaima uisa ñu cara 'icëbëbi bënëtima Nucën Papa Dios 'Apuira ami catamëti 'ain. Usaími 'ia ca an anúan 'ati nëtë ucëbëtan uisai cara 'iquin tëmëracë 'aíshbimi usai 'icëmasa 'ianan asábiira 'inun mitsu 'imiti 'icën.

1 Pedro 5:6 ပူးပေါင်းရင်းမြစ်များ

1 Reyes 21:29

“¿Min kaina Ahab ꞌuchatankëxbia ꞌëmi sinanati usai ꞌia isin? Usa ꞌain kana aín aintsikama ꞌatima okinma upitaxa bukunun ꞌimianan, ax ñukëbëa aín bakë bëchikë ꞌapu ꞌikëbë kunia atun ꞌikënu ꞌaisama ñu ꞌinun ꞌimiti ꞌain.”

2 Reyes 22:19

min kamina masá nuitukin ꞌëmi sinani ꞌën ënë mekama këñunbi anu ꞌikë unikama këñuti sinani, usai ꞌikin kamina min chupabi tukai masá nuituti ꞌën ismainunbi min unikama ꞌimainun min ꞌaintsikama ꞌianan min chaitiokëkama ënë bana kuatima ꞌucha a sinani ꞌian, usaími ꞌia kana ꞌënbi min bana kuan. ꞌËx Dios ꞌaish kana ësai kin.

Salmos 89:13

Min kushi ax ka chaiira ꞌikën; min mëkën mëkeu ꞌikë ax ka kushiira ꞌikën, usa ꞌain kamina axa mimi nishkë unikama kupitanuma ꞌati ꞌain.

Éxodo 10:3

Usa ꞌain ka Moisés ꞌimainun Aarónën anu kuanxun ꞌapu faraón kakëxa: —Ësai ka hebreos unikaman Dios kiaxa: ¿Uínsaran kaina ꞌëx kana Diosmi rakuë́timami kikë a ëni ꞌëmi rakuë́ti ꞌain? ꞌËn unikama kamina, ꞌë rabi kuantanun xuti ꞌain;

Éxodo 3:19

ꞌAínbi kana ꞌën upíokin ꞌunan, Egiptonu ꞌikë ꞌapun ka min aintsikama kuantanun xutima ꞌikën, usai ꞌiabi kana ꞌën mitsua xunun sinánmiti ꞌain.

Éxodo 32:11

Ësai nishi kiabi ka abë banakin Moisésnën Dios ësokin kakëxa: ¿Nukën ꞌIbu uisoti karamina min unibu Egipto menua min kushínbi chikínbëtsinkin bëtankëxun min ami nishkin këñuti ꞌain?

Isaías 40:4

Kamabi me xëxañu ꞌianan bashi ꞌitsañu akamax ka me sapan ꞌinun nataka kikë ꞌiti ꞌikën, bashi tëpan ꞌimainun matá, mekama ax ka aín chairukëkama iskëma ꞌitánun mëníokakë ꞌikën, usai ꞌikëbë ka ꞌitsaira xëxákama ax nëtëtima ꞌimainun ain bashikama ax sapani aín rëbu iskëma ꞌiti ꞌikën.

Daniel 5:22

Usa ꞌaish kamina bërí mix aín bëchikë Belsasar, ꞌaish axa usai ꞌia ꞌunánxi upitax tsókëma ꞌain.

Miqueas 6:8

Ënë ñukama ꞌaxunti ka Dios kuëënima, an ka nukama kaxa uisa ñux kara upí ꞌikën, ꞌimainun uisa ñu nun ꞌaxunti kara ax kuëënia: ax ka ësa ꞌikën, bëtsi unikamabë upí ꞌiti, uisa ñu ꞌakatsi karanuna kia usakinbi ꞌati, ꞌimainun an kakësabiokin ꞌanan ax kikësabiokin ñu ꞌati.

Mateo 23:12

Anbia rabíquin —ꞌëx cana cha ꞌai —quixun sináncë uni a ca Nucën Papa Diosan aín uni raíribë sënë́nmara ꞌimiti ꞌicën. Usonan ca cha ꞌiti sinania ax rabícëma uni a cuni Nucën Papa Diosan cha ꞌimiti ꞌicën.

Lucas 1:52

ꞌImianan ca ꞌapucamaribi ꞌapuma ꞌinun meu onan axa meu ꞌicë unicamaribi meuma ꞌinun ꞌimiaxa.

Lucas 14:11

Usaribi oquin ca anbia rabíquin —ꞌëx cana cha ꞌai —quixun sináncë uni a Nucën Papa Diosan aín uni itsicamabëtan sënë́nmara ꞌimiti ꞌicën. ꞌImainun ca cha ꞌiti sinani rabícëma uni, a cuni Nucën Papa Diosan cha ꞌimiti ꞌicën.

Lucas 18:14

Usa ꞌain cana mitsu cain, fariseo unima, bëtsi uni a usaquin cacëxun aín ꞌuchacama tërë́ncë, ax ca aín xubunu cuani Nucën Papa Diosan iscëx upí ꞌiaxa. Usaribiquin ca an rabíquin —ꞌëx cana bëtsi unibëtan sënë́nma ꞌai —quixun sináncë uni a Nucën Papa Diosan aín uni raíribëtan sënë́nmara ꞌimiti ꞌicën. ꞌImainun ca axa rabícëma uni a cuni Nucën Papa Diosan cha ꞌimiti ꞌicën.

Romanos 5:6

Nucën Papa Diosan nu nuibaquin mëníosabi oi ca, nuxbi nun ꞌucha tërëni ië́tima ꞌaínbi Cristo aín bamati nëtë ucëbë, unicaman ꞌucha tërë́nux bamacëxa.

1 Corintios 10:22

Nucën ꞌIbu Jesús nishmiquin camina ñunshin ꞌatima rabitima ꞌain. Nuxnu cushima ꞌimainun ca axira nubë sënë́nmaira ꞌaish cushi ꞌicën.

Deuteronomio 32:35

Anun usakin ꞌati nëtë ꞌikëbëtan kana anun uisakin karana ꞌaisatani usakin ꞌati ꞌain, anun ka a nëtë sënë́nkëbë ꞌatima okë ꞌiti ꞌikën. Anun usakin ꞌati nëtë ka ꞌurama ꞌikën, ¡ꞌIanan ka basimashi usai ꞌiti ꞌikën!

1 Timoteo 2:6

Camabi uníxa aín ꞌucha tërë́ncë ꞌaish Nucën Papa Diosnan ꞌinun ca ꞌitsianxmabi bamacëxa. Usai ca ꞌiacëxa quixun ca aín unicaman Nucën Papa Diosan mëníosabi oquin unicama ñuixunia.

Tito 1:3

An mëníosabi oquin ca anúan unicama ënë ñucama ꞌunánti nëtëa ꞌicëbëtan aín unicaman bana ñuixuncëxun camabi unin cuanun mëníoquin, ꞌënribi uni aín bana ñuixunun Nucën Papa Diosan ꞌë caísacëxa. An ca Cristomi catamëtia ainan ꞌinun unicama iëmia.

Santiago 4:10

—ꞌËx cana an iscëx ꞌaisamaira ꞌuchañu ꞌai —quixun sinánquinmi cacëxun ca Nucën ꞌIbu Jesucristonën mitsun ꞌuchacama tërë́nquin upíira ꞌaíshmi cuëënun mitsu ꞌimiti ꞌicën.

Santiago 4:7

Usa ꞌain camina Nucën Papa Diosan bana cuati ami catamëti ax cuëëncësabi oishi ꞌiti ꞌain. Usai ꞌiquin camina ñunshin ꞌatimanëan ꞌatima ñu ꞌati mitsu sinánmisa tancëxunbi a ñu ꞌati tënëquin ꞌatima ꞌain. Usai ꞌia ca ñunshin ꞌatimanën ubíoquinma mitsu ënti ꞌicën.

Santiago 5:10

ꞌËn xucë́antu, camina an Nucën ꞌIbu Dios quicë bana uni ñuixuncë unicama ꞌiásaribiti ꞌiti ꞌain. Atun ca tëmëraquinbi bënë́quinma tanshiacëxa.