1 Pedro 5:5 - Kashibo-Kakataibo Biblia

⁵ Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.

Nukën 'Ibu Diosan ain unikama 'inan ain bana

⁵ Usaribi oquin cana bëná unicama ësaquin cain, mitsun cushicaman bana camina timaquinma cuati 'ain: Nucën Papa Dios ca unia rabíti cuëënima. Usa 'ixunbi ca axa rabícëma unicama nuibaquin 'aquinia. Usa 'ain camina —'ëx cana bëtsi unisamaira 'ai —quixun sinanima camáxbi bëtsin sináncësaribi oquin sinani upiti 'ësëananti 'ain.

1 Pedro 5:5 ပူးပေါင်းရင်းမြစ်များ

Isaías 61:10

¡Uisai karana ꞌëx Nukën ꞌIbumi chuámarua tani kuëënti ꞌain! Diosan ka kuëëira kuëënun ꞌë ꞌimiaxa, usa ꞌixun ka, ¡kamabi ñu kanankin ꞌanun ꞌë ꞌamiaxa! Usa ꞌain kana an xanu biti unían mëníokakin mañuti mañukësa ꞌianan, achúshi xanun birakanuxun mëníokin ain ñu ꞌupíikama pañukë usaribi ꞌain.

Isaías 66:2

¡ꞌËnbi kana kamabi a ñukama ꞌakën, usakin ꞌakëx ka asérabi ñu mërati ꞌiakëxa! ꞌËx min ꞌIbu ꞌaish kana usai kin. Uni ñuñuma ꞌianan axa tëmërai tsókë uni ami kana ꞌëx sinanin, usa ꞌain a unikaman ꞌën bana kikësabiokin upíokin ꞌati ꞌikën.”

Levítico 19:32

Uni apankama mi rapasu ukëbë kamina ax kuaintamainun niruti ꞌain. Usai ꞌi kamina ꞌëx kikësabi oi ꞌiti ꞌain. ꞌËx kana mitsun ꞌIbu a ꞌain.

Lucas 22:26

Atux usa ꞌaínbi camina mitsux usai ꞌitima ꞌain. Uix cara mitsun cushi ꞌicë, ax ca cushima uni ꞌicësaribiti ꞌiti ꞌicën. An uni raíri bana ꞌináncë uni, an ca an aín bana cuacë uni usaribi ꞌixun uni itsi ñu ꞌaxunti ꞌicën.

Romanos 12:10

Camina bëtsibë bëtsibë ꞌaquianani nuibananti ꞌain, mitsun xucë́nbë ꞌicësaribiti. Asamaira ꞌiisa tanquin ꞌatimoquinma camina bëtsi uni isquin upí oquin ꞌaquinti ꞌain.

Romanos 13:14

Usa ñucama ëni camina Nucën ꞌIbu Jesucristonën mitsu usai ꞌinun quixun sinánmicësabi oi ꞌiti ꞌain. Ënë nëtënu ꞌicë ñuishi sináncë uni an ñu ꞌatima ꞌacësaribi oquin ꞌati camina sinántima ꞌain.

Efesios 5:21

Nucën Papa Diosnan ꞌaish camina bëtsibë nishananima an cacëxun aín bana cuati, uni raíribë nuibananti ꞌain.

Filipenses 2:3

Bëtsi uni ꞌaquinti sinánquinma camina minánshi ꞌiti ñu ꞌatima ꞌain. ꞌËx cana bëtsi unisama ꞌai quixun sinani rabíquinma camina —uni raírinëx ca ꞌëx ꞌicësamairai upí ꞌicë —quixun sinánti ꞌain.

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

1 Timoteo 5:1

Uni apan camina ñu catima ꞌain. Ñu caquinma camina min papami ꞌacësaribi oquin uni apan upí banaishi ñuixunquin ꞌësëti ꞌain. Min xucë́nmi ꞌacësaribiquin camina bëná unicamaribi nuibaquin ꞌësëti ꞌain.

Hebreos 13:17

Mitsun cushicaman ca mitsúxmi upiti Jesucristomi sinánun mitsu ꞌaquinia. Usaquin mitsu ꞌaquinuan Nucën Papa Diosan caíscë ꞌixun ca an cacësabi oquin upí oquin ꞌaisa tania, ax cuëëntanun. Usa ꞌain camina aín bana cuaquin atux quicësabi oquin ꞌati ꞌain. Mitsun usaquin ꞌaia isquin ca atun masá nuituquinma cuëënquin mitsu ꞌaquinti ꞌicën. A unicaman bana cuaquinbimi an cacësa oquin ꞌaiama isi ca Nucën Papa Dios cuëëntima ꞌicën.

Santiago 4:6

An nu sinánmicë ñuishi nun ꞌanun ca Nucën Papa Diosan nu ꞌaquintancëxun nuibaquin nua ꞌaquincë usamaira oquin ꞌaquintëcënia. Usa ꞌain ca aín bana ësai quia: “Nucën Papa Diosan ca axa rabícë unicama a timanan axa —ꞌëx cana usa ꞌai —quiax rabícëma unicama nuibaquin ꞌaquinia”.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.

1 Pedro 4:1

Uni ꞌixun ca Cristonën tëmëraquin paë tancëxa. Usa ꞌain camina ꞌunánti ꞌain, mitsúnribi camina —sapi cana tëmëraquin paë tanti ꞌai —quixun sinánti ꞌain. Uin cara Jesucristonan cupí tëmëraquin paë tanxa an ca ñu ꞌatima ꞌai ꞌuchati ëanxa.

1 Pedro 4:5

Mitsu ñuiabi ca ax utëcënquin Cristonën a unicama ꞌimainun camabi uniribi, axa bamacëmacama ꞌimainun bamacëcamaribi —uisa carana ënë unicama oti ꞌai —quixun isti ꞌicën, an ꞌacë ñucama ꞌunánquin.