1 Pedro 5:3 - Kashibo-Kakataibo Biblia

³ ꞌApúxa unían ax quicësa oquinshi ꞌanun quiax quicësaribiti camina banatima ꞌain. Usari ꞌíma camina mitsúnmi bana ñuixuncë unicamaxa usaribiti ꞌinun, upíshi ꞌiti ꞌain.

Nukën 'Ibu Diosan ain unikama 'inan ain bana

³ 'Apúxa unían ax quicësa oquinshi 'anun quiax quicësaribiti camina banatima 'ain. Usari 'íma camina mitsúnmi bana ñuixuncë unicamaxa usaribiti 'inun, upíshi 'iti 'ain.

1 Pedro 5:3 ပူးပေါင်းရင်းမြစ်များ

Salmos 33:12

Diosan unikamax ka aín ꞌibua Dios ꞌain kuëënkë ꞌiti ꞌikën, atux ka Diosan kaískë ꞌikën.

Ezequiel 34:4

Mitsux kamina an ñuina bërúankë unia aín ñuina bërúankinbi ꞌinsíanxa kushikëma akamaribi ronkima ꞌanan axa aín taëmi ñuax tatimakë a nëaxunkëma usa ꞌianan, axa amami kiax nëtë́kë a barixun upioxun bëkima rishkikin ꞌatima okë usaribi ꞌain.

Juan 13:15

Ënëx ca a tanquinmi usaribi oquin ꞌacanun ꞌën mitsu ꞌacë ꞌicën.

Hechos 20:28

Usa ꞌain camina mitsun mina ñu ꞌaisama ꞌai bërúancati ꞌain. Bërúancanan camina axa Jesucristomi catamëcë unicamaribia upí ꞌinun bërúanti ꞌain. Nucën Papa Diosan Bëru Ñunshin Upitan ca usoquinmi axa Jesucristomi catamëcë unicama bërúanun mitsu ꞌimiaxa. A unicamax ca axa bama cupí Nucën ꞌIbu Jesucristomi catamëcë ꞌaish aín uni ꞌicën.

1 Corintios 11:11

Usa ꞌaínbi ca axa Jesucristomi catamëcë unicaman ësaquin ꞌunánti ꞌicën, bëbu uni ashi ꞌixunbi ca camabi ñu aín cuëëncësa oquin ꞌatima ꞌicën. Usaribiquin ca xanun ashi ꞌixunbi camabi ñu aín cuëëncësa oquin ꞌatima ꞌicën.

1 Corintios 3:5

¿ꞌËx Pablo ꞌaish carana min sináncëx uisa uni ꞌain? ¿Mitsun sináncëx cara Apolo uisa uni ꞌic? Nucën Papa Diosan nu sinánmicësabi oquin mitsu bana ñuixuncëishi cananuna nux ꞌain. Nun aín bana ñuixunia cuati camina Nucën ꞌIbu Jesucristomi catamëacën.

1 Corintios 3:9

Nucën Papa Dios cuëëncësabi oquin cananuna nucaman mitsu Jesucristomi sinánun aín bana ñuixuancën, unían ñu bëru ꞌapácësaribi oquin. Usa ꞌain ca Nucën Papa Diosan unían ꞌapácë ñu bërua comicësaribi oquin Jesucristomi upiti catamënun mitsu ꞌimia. ꞌImainun ca ësa ꞌicën: Xubuoquin ca unin amia cushiti itácama pain nitsíntancëxun i puruia. Usotancëxun ca aín mascuáncama ꞌaia. Usoquian ꞌacëx ca xubu upí ꞌia. Usaribi oquin ca Nucën Papa Diosan mitsu upí oquin ꞌacë xubu achúshisa ꞌinun ꞌimia.

2 Corintios 1:24

Jesucristomi upiti sinani camina mitsux ami cushicë ꞌain. Mitsúxmi usai ꞌia cananuna nun cacësa oími ꞌinun mitsu caiman. Jesucristomi upiti catamëcë ꞌaíshmi chuámashirua tani cuëëni upitax bucunun quixuinshi cananuna mitsu ꞌaquinsa tanin.

2 Corintios 4:5

Nuxbi ñuiacaquin cananuna unicama bana ñuixuniman. Usoquin cananuna —Jesucristo ax ca Nucën ꞌIbu ꞌicë —quixun unicama bana ñuixunin. Nuxbi ñuiacaquinma cananuna Jesús, an nu nuibacë, an nu sinánmicësabi oquin aín bana mitsu ñuixunin.

Deuteronomio 32:9

usakin ka Nukën ꞌIbu Jacobnën rëbúnkikama, aín uni ꞌiti kaisakëxa.

Filipenses 3:17

ꞌËn xucë́antu, mitsun camina ꞌëx usai ꞌiia ꞌunanin. Usa ꞌain camina ꞌëx ꞌicësaribiti ꞌiti ꞌain. ꞌIanan camina mitsúxribimi usai ꞌinun nux ꞌiia an iscë unicamaxa ꞌicësaribiti ꞌiti ꞌain.

Filipenses 4:9

ꞌËn mitsu ꞌunánmicë banacama quicësabi oquin ꞌanan camina, ꞌën ꞌunánmicëxunmi ꞌacësabi oquin ꞌanan ꞌën mitsu ñuixuncëxunmi cuacë banacama quicësabi oquinribi ꞌanan ꞌën ꞌaiami iscësabi oquin ꞌati ꞌain. Usoquinmi ꞌacëbë ca Nucën Papa Dios, an aín unicama bënëtima chuámarua ꞌinun ꞌimicë, ax mitsubë ꞌiti ꞌicën.

1 Tesalonicenses 1:7

Tëmëraibi usari ꞌi camina mitsux Macedonia menu ꞌicë ꞌimainun Acaya menu ꞌicë axa Jesucristomi catamëcë unicaman cuacëx upíira sinánñu ꞌain. Usaími ꞌia mitsu cuaquin ca —usai ca Jesucristonan unicama ꞌiti ꞌicë —quixun sináncania.

2 Tesalonicenses 3:9

Mitsúnmi nu cupíoquin mitsun piti ꞌimainun mitsun curíqui ꞌináncëxun nun biti ca asábi ꞌitsíanxa. Usa ꞌaínbi cananuna, mitsúnribimi nun ꞌacësaribi oquin ꞌanun, nun cuëëncë ñu binuxun nunbi ñu mëëan.

1 Timoteo 4:12

Usoquin ꞌanan camina mix mëcó unima cupía unin timaquin min bana cuaisama tanti rabanan upí uni ꞌiti ꞌain. Mixmi ꞌicësaribitia axa Jesucristomi catamëcë unicamaxribi upí ꞌinun camina upiti bananan, upitishi ꞌianan, unicama nuibanan, uisa ñu cara ꞌicëbëbi Jesucristomi catamëanan, min xanuma ꞌain xanubë ꞌitima ꞌain.

Tito 2:7

ꞌImainun camina minribi min ꞌaia isquian usaribi oquin unin ꞌanun upí ñuishi ꞌati ꞌain. Atu ꞌësëquin camina amanu amanua sinánquinma upí oquin Nucën Papa Diosan bana quicësabi oquin ꞌunánmiti ꞌain.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.