1 Pedro 5:12 - Kashibo-Kakataibo Biblia

¹² Nucën xucën Silvano, ax ca ꞌën iscëx upiti Jesucristomi sináncë ꞌicën. Usa ꞌain cana an mitsu buánxunun ënë quirica mitsu ꞌaxuan. Ënë quiricanu ꞌësë́anan cana mitsu cain, an mitsu upí oquin cushionan ꞌaquincë cupí camina asérabi ꞌunánti ꞌain, uisaira oquin cara Nucën Papa Diosan mitsu nuibatia quixun. A ënima camina mixmi ꞌicësabi oi ami upiti catamëti ꞌain.

Nukën 'Ibu Diosan ain unikama 'inan ain bana

¹² Nucën xucën Silvano, ax ca 'ën iscëx upiti Jesucristomi sináncë 'icën. Usa 'ain cana an mitsu buánxunun ënë quirica mitsu 'axuan. Ënë quiricanu 'ësë́anan cana mitsu cain, an mitsu upí oquin cushionan 'aquincë cupí camina asérabi 'unánti 'ain, uisaira oquin cara Nucën Papa Diosan mitsu nuibatia quixun. A ënima camina mixmi 'icësabi oi ami upiti catamëti 'ain.

1 Pedro 5:12 ပူးပေါင်းရင်းမြစ်များ

Juan 21:21

A uni isquin ca Pedronën Jesús ñucácëxa: —¿Uisaira cara ënë uni ꞌiti ꞌic?

Hechos 11:23

Xucëx cuanx bëbaquin, Nucën Papa Diosanbia atu judíos uni ꞌicëmabi chuámarua ꞌaísha upí nuituñu ꞌinun ainan ꞌimicë isi ca Bernabé cuëëancëxa. Cuëënquin ca ꞌësëquin cacëxa: —Mitsúnmi bëráma ꞌacë ñu ꞌatëcëníma camina Nucën ꞌIbu Jesús ami ëníma catamëti ꞌain.

Hechos 15:22

Usaía Jacobo quia cuaquin ca Jesusan aín bana ñuixunun caíscë unicama ꞌimainun axa Jesucristomi catamëcë unicaman aín cushicamabëtan sináncëxa, Antioquíanua Bernabé ꞌimainun Pablobë cuantánun cananuna rabë́ uni caísti ꞌai quixun. Usaquin sinánxun ca axa Jesucristomi catamëcë uni rabë́, Judas ꞌicëbi Barsabásribi cacë, acëñun Silas caísacëxa.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Romanos 5:2

Jesucristomi catamëcë cupíshi cananuna uisaira oquin cara Nucën Papa Diosan nu nuibaquin nu ainan ꞌinun ꞌimia quixun ꞌunanin. Usoquin ꞌunani cuëënquin cananuna, nux cananuna Nucën Papa Diosnan ꞌaish aín nëtënu abë ꞌiti ꞌai quixun ꞌunanin.

1 Corintios 15:1

ꞌËn xucë́antu, ꞌën mitsu ñuixuncë Jesucristo ñui quicë bana, anúan unicama ainan ꞌinun Nucën Papa Diosan ië́miti, a bana cana mitsu sinánmitëcëinsa tanin. A bana upí oquin cuati camina Jesucristomi catamëtancëx ax quicësabi oi ꞌin.

2 Corintios 1:19

Nucën Papa Diosan Bëchicë Jesucristo, a ꞌëbëtan Silvano ꞌimainun Timoteonën mitsu ñuixuncë, an ca —cana ꞌatima ꞌai —quixun ꞌunánquinbi —cana ꞌati ꞌai —quixun uni cáma ꞌicën. An ca axa quicësabi oquin ꞌaia.

2 Corintios 1:24

Jesucristomi upiti sinani camina mitsux ami cushicë ꞌain. Mitsúxmi usai ꞌia cananuna nun cacësa oími ꞌinun mitsu caiman. Jesucristomi upiti catamëcë ꞌaíshmi chuámashirua tani cuëëni upitax bucunun quixuinshi cananuna mitsu ꞌaquinsa tanin.

Efesios 3:3

A bana uisai quicë cara quixun unin ꞌunánma ꞌicëbi ca bërí unin ꞌunania. Nucën Papa Diosanbi ca ꞌëribi ꞌunánmiaxa. ꞌItsamashi pain cana an ꞌë ꞌunánmicë bana mitsu ñuixunquin cuënëon.

Efesios 6:21

Mitsúnmi uisai carana ꞌëx ꞌi quixun ꞌunánun ca Tíquiconën minu cuanxun mitsu ñuixunti ꞌicën. Axribi ainan ꞌaish nun nuibacë xucën ꞌixun ca Nucën ꞌIbu Jesucristo ñuiquin upí oquin uni bana ñuixunun ꞌë ꞌaquianxa.

Colosenses 1:7

A bana ca nun nuibacë Epafrasnën, axribi nubëtan uni bana ñuixuncë ꞌixun nux cuancëbëtanmabi ñuixunquin upí oquin mitsu ꞌunánmiaxa.

Colosenses 4:7

Nun nuibacë xucën Tíquico, an upí oquin ꞌë ꞌaquianan ꞌëbëtan Nucën ꞌIbu Jesús ñuiquin uni bana ñuixuncë, an ca mitsu isi cuanxun nun ꞌacë ꞌimainun ꞌëx usai ꞌicëcamaribi mitsu ñuixunti ꞌicën.

Colosenses 4:9

ꞌImainun cana mitsubëa Colosasnu ꞌicë uni Onésimo, axribia Jesucristomi catamëcë ꞌaish nubë nuibanancë, aribi xutin. Usa ꞌain ca a uni rabëtan ënuxun nun ꞌacë ꞌimainun ënuaxnu ꞌicëcama mitsu upí oquin ñuixunti ꞌicën.

1 Tesalonicenses 1:1

ꞌËx Pablo ꞌixun cana Silvano ꞌimainun Timoteobëtan Tesalónica ëmanuaxmi Nucën Papa Dios ꞌimainun Nucën ꞌIbu Jesucristonan ꞌicë, mitsu ënë quirica buánmin. Nucën Papa Dios ꞌimainun Nucën ꞌIbu Jesucristonëan nuibaquin chuámarua ꞌaíshmi bucunun mitsu ꞌaquinti cananuna cuëënin.

2 Tesalonicenses 1:1

ꞌËx Pablo ꞌixun cana Silvano ꞌimainun Timoteobëtan, Tesalónica ëmanuaxmi Nucën Papa Dios ꞌimainun Nucën ꞌIbu Jesucristonan ꞌicë, mitsu ënë quirica buánmin.

Hebreos 13:22

ꞌËn xucë́antu, ꞌën mitsu ꞌësëquin, ꞌitsamashi cuënëoxuncë banacama ënë camina upí oquin sinánquin cuati ꞌain.

1 Pedro 1:13

Usa ꞌain camina Jesucristonan ꞌixun upí oquin sinani ax quicësabi oi ꞌiti ꞌain. ꞌIquin camina Nucën Papa Diosan ca abëmi aín nëtënu ꞌiti mëníocëxa quixun sinani cuëënquin Jesucristo anun uti nëtë caínti ꞌain.

1 Pedro 4:10

Mitsúnmi raíri uni ꞌaquinun ca Nucën Papa Diosan uisa ñu caramina ꞌati ꞌai quixun mitsu ꞌimia. Usa ꞌain camina Nucën Papa Diosan mitsu achúshi achúshi bëtsi bëtsi ñu mëëti ꞌanun ꞌimicë ꞌixun mitsun ñu mëëti upí oquin ꞌati ꞌain.

2 Pedro 1:12

Uisai caramina Nucën Papa Dios cuëëncësabi oi ꞌiti ꞌai quixun ꞌunani camina usai ꞌin. Usaími ꞌiabi cana ënímami mitsux ꞌicësabi oi ꞌinun sinánmitëcënti ꞌain, manúti rabanan.

2 Pedro 2:15

A unicaman ca Nucën Papa Diosan bana quicësabi oquin ꞌaquinma ñu ꞌatima ꞌaia. Usa ꞌaish ca Balaam, Beornën bëchicë, axa ꞌiásaribiti ꞌia. Balaanën ca an Nucën Papa Dios quicë bana uni ñuixuncë uni ꞌixunbi curíqui biti sinánxun ñu ꞌatima ꞌati sináncëxa.

3 Juan 1:12

Camabi unin ca —Demetrio ca upí uni ꞌicë —quixun ñuia. An upí ñu ꞌacë cupí ca ax asérabi usa ꞌicë quixun ca camabi unin ꞌunania. Ax ca aín sinan upí ꞌicë quixun cananuna a ñuiquin asérabi mi cain. Nun bana ca asérabi ꞌicë quixun camina ꞌunanin.

Judas 1:3

ꞌËn nuibacë xucë́antu, Jesucristomi catamëtia ca mitsun ꞌuchacama tërë́nquin ainan ꞌinun Nucën Papa Diosan mitsu ië́miaxa, ꞌë ꞌacësaribi oquin. Usami ꞌicë cana anun nux ië́ti banacama ñuiquin mitsu cuënëoxunti sinan. Usaquin sinánxunbi cana bëtsi bana pain mitsu buánmin, uni raírinëan Nucën Papa Diosan banamabi ñuicë bana a cuaxunma ꞌanun cananmi, Jesucristo ñui quicë bana, a Nucën Papa Diosan unicaman cuacë, ax ca asérabi ꞌicë quixuan camabi unin ꞌunánun, atu canun cana mitsu ënë quirica buánmin.