1 Pedro 4:9 - Kashibo-Kakataibo Biblia

⁹ Min xubunua aia camina bëtsi uni biisama tani bëtsi sinánquinma upí oquinshi biti ꞌain.

Nukën 'Ibu Diosan ain unikama 'inan ain bana

⁹ Min xubunua aia camina bëtsi uni biisama tani bëtsi sinánquinma upí oquinshi biti 'ain.

1 Pedro 4:9 ပူးပေါင်းရင်းမြစ်များ

Génesis 24:19

ꞌInánkëxun xëai sënënia ishi ka Rebecanën kakëxa: —Min camellokamaribi kana ꞌumpax bixunti ꞌain, an kuëënkësokian xëanun.

Romanos 12:13

Axa Cristomi catamëcë uni ñuñuma ꞌaish ꞌaquinsa ꞌicë camina min ñu raíri ꞌinánti ꞌain. ꞌInánan camina axa min xubunu bëbacë uniribi pimianan anua ꞌuxtiribi ꞌinánti ꞌain.

Romanos 16:23

ꞌËx cana Gayonën xubunu ꞌin. Ënë xubunu ca axa Jesucristomi catamëcë unicama timëtia. Gayo, anribi Jesucristonan ꞌixun ca bërúanxmi ꞌinun mitsu canun quixun ꞌë caxa. Erasto, an ënë ëmanu ꞌicë curíqui anun uni cupíoti a bërúancë uni, a ꞌimainun nucën xucën, Cuarto, anribi ca mitsúxmi bërúanx ꞌinun quixun mitsu canun ꞌë caxa.

2 Corintios 9:7

Usa ꞌain camina mitsúnbi mitsun nuitu mëu upí oquin sinántancëxun ꞌinánti ꞌain. Sinánquinbi ꞌinántisama tanquin camina ꞌinántima ꞌain. Usaribi oquin camina uni itsían mi cacëxuinshi ꞌinántima ꞌain. Nucën Papa Diosan ca an asérabi cuëënquin uni ñu ꞌináncë uni a nuibatia.

Filipenses 2:14

Usa ꞌain camina añu ñu caramina ꞌai a ñui quianan cuëbicanánquinma nëtë́xuinshi ꞌati ꞌain,

1 Timoteo 3:2

Usa ꞌain ca axa Jesucristomi catamëcë unicaman cushi ax ësa uni ꞌiti ꞌicën: Ca ꞌiti ꞌicën, —ꞌaisama ca —quixun unin ñuicëma, xanu achúshiñuishi, upí sinánñu, cuaibë banacëma, upí oquin sináncë ꞌixun ñu ꞌatima ꞌacëma. ꞌIanan ca a isi aia cuëënquin uni bicë ꞌianan Nucën Papa Diosan bana ꞌunánmiti ꞌunáncë ꞌiti ꞌicën.

Tito 1:8

Usai ꞌiquinma ca a isi aia cuëënquin uni biti ꞌicën. Añu ñucamax cara upí ꞌicë ashi ꞌati ca sinánti ꞌicën. Upí oquin sináncë ꞌixun ñu ꞌatima ꞌacëma ca ꞌiti ꞌicën. Nucën Papa Diosan bana quicësabi oi ca ꞌaisama ñu ꞌaíma upíshi ꞌiti ꞌicën.

Filemón 1:14

Usa ꞌixunbi cana mi ñucácëma pain ꞌixun a bërúncëma ꞌain. ꞌËx cuëënquinbi, ꞌën mi ñucácëxunmabimi mix cuëënquin a ꞌë ñu ꞌamixunti cana sinanin.

Hebreos 13:16

Rabianan camina uni raíri ꞌaquinquin ñu upí ꞌati manutima ꞌain. Ñuñuma uniribi camina nuibaquin min ñu mësú ꞌinánti ꞌain. Unían usaquin ꞌaia isi ca Nucën Papa Dios cuëënia.

Hebreos 13:2

Mitsun ꞌunáncëma unibi camina mitsun xubunu bëbaia cuëënquin biti ꞌain. Usai ꞌiquin ca raírinën ꞌunánquinmabi ángel, unisaribi ꞌicë, biacëxa.

Santiago 5:9

ꞌËn xucë́antu, Nucën Papa Diosan anun camabi uni aín nuitu ꞌunánquin uisoquin cara ñu ꞌaxa quixun isti nëtë ꞌurama ꞌain, camina mitsúxmi an ꞌuchocëma ꞌinun, uni raíribë ñuianani nishanantima ꞌain.