1 Pedro 4:8 - Kashibo-Kakataibo Biblia

⁸ ꞌIanan camina mitsux asérabi nishananima nuibanani upitax bucuti ꞌain. Bëtsi uni nuibacë ꞌixun ca unin a unin ꞌuchacama ñuiquinma manuia.

Nukën 'Ibu Diosan ain unikama 'inan ain bana

⁸ 'Ianan camina mitsux asérabi nishananima nuibanani upitax bucuti 'ain. Bëtsi uni nuibacë 'ixun ca unin a unin 'uchacama ñuiquinma manuia.

1 Pedro 4:8 ပူးပေါင်းရင်းမြစ်များ

1 Corintios 13:1

ꞌËx bëtsi bëtsi banan bananan anun ángel banacë banánribi banacëxbi ca uni nuibacëma ꞌaish ꞌën bana rata tancácësa ñancáishi ꞌicën.

1 Corintios 13:4

An uni raíri nuibacë unin ca bëtsi unia abë upíma ꞌicëbi ami nishquinma upí oquinshi caia. Usa ꞌaish ca bëtsi unibë upí ꞌia. An uni raíri nuibacë uni ax ca bëtsimi nutsima. Ca —bëtsi unibë sënë́nmaira cana ꞌai —quixun sinanima. Ca rabiacatima.

Colosenses 3:14

Ësai ꞌinux camina bëtsibë nuibananti ꞌain. Bëtsibë nuibanancë ꞌaish camina ꞌitsa ꞌixunbi bëtsin sináncësa oquinshi sinánan ꞌën mitsu cacësabi oi ꞌicanti ꞌain.

1 Tesalonicenses 3:12

Mitsúnmi bëráma ꞌicësamairai upitiira bëtsibë nuibananquin raíri uniribi nuibanuan, Nucën ꞌIbu Jesucristonën mitsu ꞌaquinti cananuna cuëënin, usai ꞌiquinmi nun mitsu ꞌacësaribi oquin mitsun camabi uni nuibanun.

2 Tesalonicenses 1:3

Nucën xucë́antu, mitsu sinánquin cananuna nëtë́quinma —asábi ca —quixun caquin Nucën Papa Dios rabin. Mitsux camina bëráma ꞌicësamairai Jesucristomi catamëanan bëtsibë bëtsibë nuibananin. Usaími mitsux ꞌicëbëtan nun Nucën Papa Dios —asábi ca —caquin rabiti ca asábiira ꞌicën, anbi mitsu upíira oquin sinánmicë cupí.

1 Timoteo 1:5

Nucën Papa Dios ca cuëënia aín unicamaxa ësai ꞌinúnu ꞌunánmiti: aín nuitu upí ꞌianan aín ꞌuchacama tërë́ncë ꞌixun ꞌatëcënti sináncëma ꞌianan Jesucristomi asérabi catamëcë ꞌixun unicama nuibati.

Hebreos 13:1

Mitsux Jesucristonan ꞌaish camáxbi xucë́nsa ꞌaish camina mitsux ꞌicësabi bëtsibë bëtsibë nuibanani ꞌiti ꞌain.

Santiago 5:12

ꞌËn xucë́antu, bëtsi banacama cuaquinbi camina ënë banaira sinánti ꞌain. Mitsux camina mitsun bana isa asérabi ꞌicë quixun unin cuanun —naitanbi cuamainun cana mi cain —quianan —menbi cuamainun cana mi cai —quitima ꞌain. Uisa ñubi cara, a ñui camina —cana asérabi mi cai —quiax quitima ꞌain. Usai quima camina asérabi banáinshi banati ꞌain, Nucën Papa Diosan mitsu ꞌuchotima cupí.

Santiago 5:20

camina ꞌunánti ꞌain, ui unin cara usoquin uni ꞌuchañu ꞌicëbi sinanamia, an ca a uni Nucën Papa Diosnan ꞌinun ië́cë ꞌianan aín ꞌuchacama tërë́ncë ꞌinun ꞌimiti ꞌicë quixun. Ashi, Santiago.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

3 Juan 1:2

ꞌËn nuibacë xucën, mix Jesucristomi catamëcë ꞌixun upí oquin sinanimi chuámarua ꞌicësaribitimi min namicamaribi chuámarua ꞌinun cana mi Nucën Papa Dios ñucáxunin.