1 Pedro 4:17 - Kashibo-Kakataibo Biblia

¹⁷ An aín bana ꞌacë unibi ca Nucën Papa Diosan uisai cara ꞌia quixun isia. Usa ꞌixun ca an aín bana cuacëma unicama aira atun ñu ꞌatima ꞌacë isquin uisaira cara oti ꞌicë usoquin ꞌati ꞌicën.

Nukën 'Ibu Diosan ain unikama 'inan ain bana

¹⁷ An aín bana 'acë unibi ca Nucën Papa Diosan uisai cara 'ia quixun isia. Usa 'ixun ca an aín bana cuacëma unicama aira atun ñu 'atima 'acë isquin uisaira cara oti 'icë usoquin 'ati 'icën.

1 Pedro 4:17 ပူးပေါင်းရင်းမြစ်များ

Amós 3:2

“ꞌËn kana kamabi menu ꞌikë unikama ꞌakima mitsuishi kaisakën. Usa ꞌikë kana uisa ñu ꞌatimakama kaina ꞌakan usakinbi a kupín mitsu tëmëramiti ꞌain.”

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Lucas 23:31

ꞌËn ñu ꞌatima ꞌacëma ꞌicëbia ꞌë ësoquin ꞌacë ꞌain ca an ñu ꞌatima ꞌacë unicamax atun ꞌë ꞌacësamaira oquin ꞌacë ꞌiti ꞌicën. Usoquian anun ꞌati nëtë ca uti ꞌicën. Usai ca ꞌiti ꞌicë quixun sinani camina bëunan mëscuti inti ꞌain.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

Romanos 2:9

An castícancë ꞌaish ca an ñu ꞌaisama ꞌacë unicama aín ꞌucha cupí, Nucën Papa Diosbë xënibua ꞌaínbi ꞌíma ꞌaisamairai tëmërati ꞌicën. Judíos unibunëxëshia tëmërati ꞌaínbi ca judíosma unibunëxribi aín ꞌucha cupí tëmërati ꞌicën.

Gálatas 3:1

Gálatas unicama, mitsux camina sinánñumasa ꞌain. Unin ꞌucha cupía ax i curúsocënu bama Jesucristo ñuiquin cananuna mitsu upí oquin bana ñuixuancën. Ñuixuncëbi ca uni raírinën bëtsi bana ñuixunquin, Jesucristo ñui quicë bana cuaxunma ꞌanun quixun mitsu paránxa.

Gálatas 5:7

Mitsux camina upiti Jesucristomi sináncën. ¿Ui unin cara Jesusan banami ënun quixun mitsu sinanamiax?

Gálatas 6:10

Usa ꞌain cananuna axa nubë Jesucristomi catamëcë unicama ꞌaquinti ꞌain. ꞌAquianan cananuna ꞌaquinsa ꞌicë uni raíriribi camabi ꞌaquinti ꞌain.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

Hebreos 11:8

Bërámaribi ca Abraham cacë uni aribi ami catamëcë ꞌicë Nucën Papa Diosan cacëxa: —Camina min me ëbiani, bëtsi me ꞌura ꞌicë, anu ꞌi cuanti ꞌain. Min rëbúnquicamanan ca a me ꞌiti ꞌicën. Cacëx ca Abraham uinu cara a me ꞌicë, uisa me cara quixun ꞌunánxmabi, aín me, Ur cacë, anuax cuancëxa, Nucën Papa Diosan ca an cacësabi oquin ꞌati ꞌicë quixun ꞌunani.

Hebreos 2:2

Bëráma ca ángelcaman ꞌaquinmainun Nucën Papa Diosan nucën raracama ñuixunun quixun, Moisés aín bana ꞌináncëxa. Usa ꞌain ca raírinën a bana quicësabi oquin ꞌamainunbia an a bana quicësabi oquin ꞌacëma unicama, a Nucën Papa Diosan atun ꞌucha cupíbi castícancëxa.

Hebreos 2:4

A unicama ca Nucën Papa Diosan uni itsin ꞌacëma ñu ꞌanun ꞌamiacëxa, an aín bana ñuixunia cuacë unicaman, asérabi ca aín bana ꞌicë quixun ꞌunánun. ꞌImianan ca atu bëtsi bëtsi ñua ꞌanun aín Bëru Ñunshin Upí ꞌináncëxa, ax cuëëncësabi oquin.

Hebreos 3:6

Usa ꞌaínbi ca Nucën Papa Diosan unicaman cushi ax aín Bëchicë, Cristo, an aín Papa Dios cuëëncësabi oquin ꞌacë, a ꞌicën. Usa ꞌaish ca Cristo ax nun cushiribi ꞌicën, nun nu ami catamëti ënquinma cuëënquin abë aín nëtënu ꞌiti sináncë ꞌain.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.

1 Pedro 2:8

ꞌImainun ca Nucën Papa Diosan bana ësai quia: A maxáxmi ca uni raírinëx tatíqui chacáti ꞌicën, a maxax chami chacati ca nipacëti ꞌicën. Maxax ñui quicë ꞌaíshbi ca a bana Cristo ñui quicë ꞌicën. An Jesusan bana cuaquinbi asérabi ami catamëquin aín bana quicësabi oquin ꞌacëma ax ca uni maxáxmi tatíqui nipacëcësaribi ꞌicën. Ui unicamax cara usai ꞌiti ꞌicë quixun ca Nucën Papa Diosan bëráma ꞌunáncëxa.