1 Pedro 4:14 - Kashibo-Kakataibo Biblia

¹⁴ Cristonan cupía unin mitsumi nishquin ꞌatimaquin ñuicëxbi camina Nucën Papa Diosan Bëru Ñunshin Upí cushiira, axa mitsubë ꞌain, cuëënti ꞌain. Unían ꞌatimaquin ñuiabi camina mitsun Cristo rabin.

Nukën 'Ibu Diosan ain unikama 'inan ain bana

¹⁴ Cristonan cupía unin mitsumi nishquin 'atimaquin ñuicëxbi camina Nucën Papa Diosan Bëru Ñunshin Upí cushiira, axa mitsubë 'ain, cuëënti 'ain. Unían 'atimaquin ñuiabi camina mitsun Cristo rabin.

1 Pedro 4:14 ပူးပေါင်းရင်းမြစ်များ

1 Reyes 10:8

Ësokin min ñu ꞌakëbë sapi ka min xanukamaxa upiti tsómainun, an mi ñu mëëxunkë min uni ënë kamaribi upíokin sinánkin ñu ꞌai upitani kuëënia, atun ka mi rapasu ꞌixun ñu ꞌunánkëira ꞌixun kakëxun min bana kuatia. Usa ꞌain ka atux kamáxbi kuëënia.

2 Reyes 2:15

Usai ꞌikiania baka sikátëkënkiani kuania isi ka an Dios kikë bana ñuixunkë Jericó ëmanu ꞌikë unikamax kiakëxa: “¡Elíasnua ꞌikë Diosan bëru ñunshin ax ka Eliseonu bërí ꞌikë kiax kikankëxa!” Ësai kikiani kuani ka a bëtanain ami ñanati ꞌikankëxa,

Salmos 89:51

ꞌËn ꞌIbu Dios, ¡ësokin ka axa mimi nishkë unikaman nu ꞌatima oia! ¡Usakin ka min kaískë uni ꞌikëbi uisai kara ꞌia abi ñuibiankin ꞌatima oia!

Isaías 11:2

Usa ꞌain ka Diosan kushi ax ënima a unibëbi ꞌiti ꞌikën, an ka ñu ꞌunánkëira ꞌianan sinánñuira ꞌinun ꞌimianan, usa ka kixun bëtsi ꞌësëanan ñu ꞌaisatankinbi tënëi kushiñu ꞌianan, Diosmi uisa ñukama kara ꞌatima ꞌikë kixun, ꞌunáni rakuënun unikama ꞌunánmiti ꞌikën.

Mateo 5:11

Mitsun ꞌën bana cuacë upí unin mitsu ꞌatima banan canan bëtsi bëtsi onan cëmëi mitsumi manáncëxbi camina chuámarua tani cuëënti ꞌain.

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

Lucas 6:22

Uni ꞌinux Nucën Papa Diosnuax uá ꞌën bana cuacë cupí unin mitsumi nishanan, mitsu cuëënquinma ꞌatimaquin ñuianan, mitsun anëmibi ꞌatimati banacëxbi camina chuámarua tani cuëënti ꞌain.

Juan 15:21

Nucën Papa Dios an ꞌë xuá a ꞌunáncëma ꞌixun ca ꞌënan cupí raíri unin mitsu bëtsi bëtsi onuxun ꞌaia.

Juan 8:48

Usaquian cacëxun ca nishquin judíos unicaman Jesús cacëxa: —Mix camina Samaria menu ꞌicë uni ꞌianan ñunshin ꞌatimañu uni ꞌai quixun nun mi cacë, ënëx ca asérabi ꞌicën.

Juan 9:28

Quia ca fariseo unicaman bëpë́xcucë uni ꞌusánquin cacëxa: —Mixmi aín ꞌunánmicë uni ꞌaínbi cananuna nun Moisésnëan usai nux ꞌinun quixun cuënëo bana ꞌunan.

Juan 9:34

Cacëxun ca fariseo unicaman cacëxa: —Mix camina ꞌuchañubia min tita bacë́an ꞌaish usabi ꞌain. ¿Usa ꞌixunbi caramina min nu bana ñuixuinsa tanin? Usaquin caquin ca bëpë́xcucë uni anuaxa cuantánun quixun chiquíancëxa.

Hechos 13:45

Usaía ꞌitsaira uni timë́cë isi ca judíos unicamax pishui Pablomi nishacëxa. Ami nishi ca —cëmëi ca quia —quiax ꞌatimati Pablomi banacëxa.

Hechos 18:6

Cacëxbi ca aín bana timanan ami ꞌatimati banai ami nishacëxa. Usaía ꞌia ca Pablonën anuax ca cuania quixuan atun ꞌunánun aín chupa tacaquin cacëxa: —Mitsúxbi ꞌiisama tani camina Nucën Papa Diosnan ꞌitima ꞌain. Usaími ꞌicëxbi ca ꞌën ꞌuchama ꞌicën. Mitsúnmi ënë bana cuaisama tancëbëtan cana judíosma unicama ñuixuni cuanin.

Hechos 28:22

Cananuna ꞌunanin, mecama oquin ca axa Jesúsmi sináncë unicama ami nishquin unin ñuia. Usa ꞌain cananuna minmi a uisaira cara a ñucama ꞌicë quixun ñuia cuaisa tanin.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

2 Corintios 12:10

Usa ꞌaish cana Cristo ñuiquin aín bana unicama ñuixuncë cupí uni ꞌëmi ꞌatimati banacë ꞌianan ñuñuma ꞌianan unin bëtsi bëtsi ocë ꞌianan numi uni nishmainun bëtsi ñu cupíribi tëmëraquinbi bënëquinma tanshitin. Usa ꞌaish cushima ꞌixunbi cana Cristonën cushiocëxun ax cuëëncësabi oquin cushiñu ꞌixun ñu ꞌati ꞌain.

2 Corintios 4:10

Uinu caranuna cuani anuax cananuna Jesús ꞌiásaribiti, camabi nëtën tëmërai unin bëtsi bëtsi ocë ꞌain. Usaínu ꞌiabia Jesusan nubë ꞌixun nu ꞌaquinia ca camabi unin isti ꞌicën.

2 Corintios 4:16

Usa ꞌain cananuna masá nuituquinma aín bana ñuitiribi ëniman. Nucën nami axa abiira abi xënibucëbëtanbi ca Nucën Papa Diosan camabi nëtën ami catamëti cuëënun nu cushioia.

Gálatas 1:24

Usaquian ꞌë ñuia cuaquin ca Nucën Papa Dios rabiacëxa.

Hebreos 11:26

Cuëënquin ca sináncëxa, Egiptonu ꞌicë unicamax ñuñu ꞌaish cuëëncësamaira oi cana ꞌëx Nucën Papa Diosmi sináncë ꞌaish tëmëraibi cuëënti ꞌain. Cristonan ꞌicëa unin ꞌatimocëx tëmëraibi aín unicama cuëëncësaribi oi ca Moisés tëmëraibi Nucën Papa Diosan unicamabë ꞌi cuëëancëxa. Ax ca —Nucën Papa Diosan ca ax quicësabi oquin nu ainan ꞌaish aín nëtënu abë ꞌinun ꞌimia —quixun ꞌunani ami catamëti cuëëancëxa.

Santiago 1:12

An uisa ñu cara ꞌicëbëbi bënë́quinma tanshiquin Jesucristomi catamëti ëncëma unicama a ca usaía ax ami sináncë unicama ꞌiti ñuia quiásabi oquin Nucën Papa Diosan aín nëtënu abë ꞌaish chuámarua ꞌaish cuëënun ꞌimiti ꞌicën.

Santiago 5:11

Uicaman cara tëmëraquinbi bënë́quinma tanshitia ax ca upí oquinshi sinani cuëënia quixun cananuna ꞌunanin. Mitsun camina Jobnëxa ꞌaisamaira tëmëraibi Nucën ꞌIbu Diosmi catamëa a bana ñuia cuan. Cuacë ꞌixun camina ꞌunáncanin, uisaira oquin cara Nucën ꞌIbu Dios an nuibaquin uni ꞌaquincë ꞌixun a uni ꞌaquiancëxa quixun.

1 Pedro 2:12

An Nucën Papa Diosan bana ꞌunáncëma unicaman isnun camina mitsux upitax bucuti ꞌain. Usaími ꞌia isi ca atux an ñu ꞌatima ꞌacë uni ꞌacësa oquin mitsu ñui ꞌatimati banacë ꞌaíshbi mitsúnmi upí oquin ñu ꞌaia isá ꞌixun anúan an camabi unin ñu ꞌacë isti nëtën Nucën Papa Dios rabiti ꞌicën.

1 Pedro 3:14

Mitsúnmi ñu upí ꞌacë cupí tëmëraibi camina Nucën Papa Diosan ꞌaquincëx cuëënti ꞌain. Mimia uni ꞌicë́xbi camina racuëti masá nuitutima ꞌain.

1 Pedro 3:16

A sinani masá nuitunuxun ñu ꞌatima ꞌaíma camina chuámashi ꞌiti ꞌain. Usaími mitsux Cristonën ꞌimicëx upitax ꞌia isi ca an mitsu ꞌatimaquin ñuicë unicama —nuxnu quicë bana ax ca cëmë ꞌicë —quixun sinani rabínti ꞌicën.

1 Pedro 4:16

Usaquin ñu ꞌacëma ꞌaíshbi Cristonan ꞌicë cupía unin tëmëramicëxbi camina rabíntima ꞌain. Rabínquinma camina Nucën Papa Dios rabiti ꞌain, mitsúxmi asérabi ainan cupí.

2 Pedro 2:2

A unicaman ꞌaia isquin ca ꞌitsa unin usaribi oquin ñu ꞌatima ꞌati ꞌicën. Atúxa usai ꞌicë cupí ca uni Jesucristo ñuicë bana ñui ꞌatimati banati ꞌicën.