1 Pedro 4:11 - Kashibo-Kakataibo Biblia

¹¹ Uix cara banati ꞌicë, ax ca Nucën Papa Diosan sinánmicësabi oi banati ꞌicën. Uin cara raíri uni ñu ꞌaxunia an ca Nucën Papa Diosan cushiocëxun upí oquin ꞌati ꞌicën. Usoquin camina Jesucristonan ꞌixun, añu ñu caramina ꞌai a Nucën Papa Diosa cuëëntanun ꞌati ꞌain. Ax ꞌApuira ꞌaish cushiira ꞌicë ca camabi unin rabiti ꞌicën, nëtë xënibua ꞌaínbi. Usaquin ca ꞌati ꞌicën.

Nukën 'Ibu Diosan ain unikama 'inan ain bana

¹¹ Uix cara banati 'icë, ax ca Nucën Papa Diosan sinánmicësabi oi banati 'icën. Uin cara raíri uni ñu 'axunia an ca Nucën Papa Diosan cushiocëxun upí oquin 'ati 'icën. Usoquin camina Jesucristonan 'ixun, añu ñu caramina 'ai a Nucën Papa Diosa cuëëntanun 'ati 'ain. Ax 'Apuira 'aish cushiira 'icë ca camabi unin rabiti 'icën, nëtë xënibua 'aínbi. Usaquin ca 'ati 'icën.

1 Pedro 4:11 ပူးပေါင်းရင်းမြစ်များ

Salmos 145:13

Mix ꞌapu ꞌia ax ka xënibua ꞌainbi mix ꞌapu ꞌiti ꞌikën, usa ꞌain ka kamabi unin rëbúnki ax mix kuëënkësabi oi ꞌiti ꞌikën.

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Jeremías 23:22

ꞌAínbi ka anu ꞌëx ꞌikë anu kuanxun kuni ꞌën bana kuakë ꞌitsíanxa, kuaxun ka ꞌën bana ꞌën unikama ñuixunkë ꞌitsíanxa; usakin ꞌakin ka atun ñu ꞌatima ꞌakëkama ënun ꞌimianan ꞌatimai tsókë akama ënun ꞌimikë ꞌitsíanxa kiax ka kiakëxa.”

Daniel 4:3

An ꞌakë ñux ka chaiirabu ꞌimainun upíira ꞌikën, usa ꞌain ka ax xënibua ꞌaínbi ꞌiti ꞌikën, ꞌimainun ka aín kushi ax xënibua ꞌaínbi këñutima ꞌiti ꞌikën.

Daniel 4:34

Anun ꞌëx usai ꞌiti nëtë a sënë́nkëbëtan kana ꞌëx Nabucodonosor ꞌixun naímiu bësukin isan, iskin kana ꞌën sinan bëtsikë a mëníokakin asábi tan; usai ꞌikin kana Dios manámi ꞌikë a asabika kixun sinánxunkin rabian, ax ka nëtë́tima oi tsotia, aín kushix ka këñutima oi ꞌiti ꞌikën, ax ka kamabi nëtën xënibua ꞌaínbi ꞌiti ꞌikën.

Daniel 7:14

ꞌAmitankëxun ka uni apan an aín kushi ꞌinánkin axa ꞌapu chaiira ꞌi kushiira ꞌinun ꞌimianan, kamabi menu ꞌikë ꞌimainun bëtsi banan banakë unikaman ñu mëëxunkin rabinun ꞌimiaxa. Usa ꞌaish ka aín kushi ax ꞌiásabi kushiira ꞌiti ꞌikën, ꞌimainun ka uínbi ax ꞌapu ꞌikë uínsaranbi masókë ꞌitima ꞌikën.

Mateo 6:13

Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain. Nun ñu ꞌatima ꞌati ꞌicëbi camina nu usa ñu ꞌaxunma ꞌanun nu ië́miti ꞌain. Mix cushiira ꞌaish xënibua ꞌaínbi ꞌApu ꞌicë ca camabi unin mi rabiti ꞌicën. Usai ꞌinun min ꞌimiti cana cuëënin.

Juan 13:31

Chiquíquiania Judas cuancëbëtan ca Jesusan aín ꞌunánmicë uni raíri cacëxa: —Bërí, bamatancëx, ꞌëx baísquicëbëtan ca unin ꞌunánti ꞌicën, ꞌëx cana asérabi Nucën Papa Diosan xuá a ꞌai quixun. ꞌUnánan ca uisaira cushi cara Nucën Papa Dios ꞌicë quixun ꞌunánti ꞌicëen piti ñu marutanun canan, ñn.

Hechos 7:38

Moisés ax ca axa anu uni ꞌicëma menuax Israel unicama nëbë́tsi ꞌianan, aín bashi Sinaí cacë a tanáinuax abë banacë ángelbë ꞌianan nucën raracamabëribi ꞌiá ꞌiacëxa. ꞌIanan ca a aín unicamax usai ꞌiti bana Nucën Papa Diosan ꞌináncë, a ꞌiacëxa. A bana, Israel unicama nun ꞌunánuan cuënëonun ca Nucën Papa Diosan Moisés usaquin cacëxa.

Romanos 12:3

Cristo ñuiquin aín bana unicama ñuixunun Nucën Papa Diosan caíscë ꞌixun cana mitsu cain, camabi unia Cristomi cushicë ꞌinun ꞌaquinun mitsu caíscë ꞌixun camina ui unínbi —ꞌëx cana bëtsi unibëtan sënë́nmaira ꞌiti ꞌai —quixun sinántima ꞌain. Uisa cara Nucën Papa Diosan mi ꞌimia, usa ꞌixun camina —usaishi cana ꞌiti ꞌai —quixun sinánti ꞌain. Sinánñu ꞌixun camina rabíquinma —Nucën Papa Diosan a ꞌanun ꞌë ꞌináncëxuinshi cana ñu ꞌai —quixun sinánti ꞌain.

Romanos 16:27

Nucën Papa Dios, ainshia camabi ñu ꞌunáncë, axëshi ca Dios ꞌicën. A cananuna asérabi cuëënquin nëtë́timoquin rabiti ꞌain, nux Jesucristo cupí ainan ꞌixun. Usoquin cananuna asérabi ꞌati ꞌain. Ashi, Pablo.

Romanos 3:2

Ca asérabi usama ꞌicën. Judíos unibu pain ca Nucën Papa Diosan aín bana ꞌináncëxa. ꞌInánquin ca camabi unin ꞌunánun a bana judíos uni raíri cuënëomiacëxa.

1 Corintios 10:31

Ënëx ca ësa ꞌicën. Ñu piquin, ñu xëaquin, añu ñu caramina ꞌai, usa ñu ꞌaquin camina Nucën Papa Dios cuëënun a sinánquin ꞌati ꞌain.

1 Corintios 12:4

Nucën Papa Diosan ca atúan bëtsi bëtsi ñu ꞌanun quixun aín unicama sinánmiquin usaquian ꞌanun aín cushi ꞌinania. Achúshi ꞌixunbia aín Bëru Ñunshin Upitan ꞌimicëxun ca axa Jesúsmi catamëcë unicaman bëtsi bëtsi ñu ꞌaia.

1 Corintios 3:10

An xubu ꞌati ꞌunáncë unin ca itá upí pain caístancëxun nitsinia. Usaribi oquin cana ꞌën pain mitsu Jesucristomi catamënun ꞌunánmiacën. Usa ꞌain ca uni itsían, ami xubu ꞌati nitsíncë itámia unin i purucësa ꞌitánun mitsu Cristomi catamënun bana ñuixunquin mitsu ꞌunánmia. Usa ꞌain ca uicaman cara mitsu ꞌunánmia an Jesucristo cuëëncësabi oquinshi mitsu ꞌunánminux, bëtsi bana mitsu ñuixunti rabanan bërúancati ꞌicën.

1 Corintios 6:20

Nucën Papa Diosan ca mitsúxmi ainainshi ꞌiti oquin aín Bëchicë bamati oquin mëníocëxa. Ainan ꞌaish camina mitsux cuëëncësa oi ꞌima ax cuëëncësabi oíshi ꞌiti ꞌain. Usa ꞌixun camina mitsun nami ꞌimainun mitsun sinan upí ꞌixun Nucën Papa Dios cuëëncësa oquinshi ñu ꞌati ꞌain. Usaími mitsux ꞌia isquin ca raírinën —upí ca Nucën Papa Dios ꞌicë —quixun ꞌunánti ꞌicën.

2 Corintios 2:17

ꞌItsa unin ca curíqui biti cupíshi Nucën Papa Diosan bana ñuixunquinbi a bana quicësa oquin ñuiquinma bëtsi oquin ñuixunia. Usa ꞌaíshbi cananuna nux a unicamasama ꞌain. Usa ꞌixun cananuna Cristonan ꞌianan Nucën Papa Diosan nu aín bana ñuixunun caíscë ꞌixun, axa cuëëncësabi oquin aín bana unicama ñuixunin.

2 Corintios 9:13

Usoquin mitsun ꞌaquincëxun ca a unicaman —mitsun camina Cristonan ꞌixun aín cuëëncësabi oquin ꞌai —quixun sinánquin Nucën Papa Dios rabiti ꞌicën. Rabianan ca mitsun camina atu ꞌimainun uni raíriribi ñonquinma ñu ꞌinani quixun sinánquin Nucën Papa Dios —asábi ca —cati ꞌicën.

Efesios 1:19

Usaribi oquin cana mitsu ñucáxunin, uisaira cara aín cushi anúan axa ami catamëcë unicama ꞌaquinti a ꞌicë quixunmi mitsun ꞌunánun. A cushínbi ca bamacëbi baísquimixun Cristo aín nëtënu aín mëqueu ꞌaish abë ꞌApu ꞌinun ꞌimiacëxa. A cushíinra ca Nucën Papa Diosan nu ꞌaquinia.

Efesios 4:29

ꞌAtimati banaima upitishi banaquin camina uni Jesucristomia upiti catamënun ꞌaquinti ꞌain. Mitsúxmi usai banaia cuati Jesucristomi upiti catamëtia Nucën Papa Diosan nuibaquin ꞌaquincëx ca cuëënti ꞌicën.

Efesios 5:20

Nucën ꞌIbu Jesucristonan ꞌixun camina usoquian ꞌaquianan, an nu ꞌimicëcama, a sinánquin, Nucën Papa Dios —asábi ca —quixun caquin rabiti ꞌain.

Efesios 6:10

ꞌËn xucë́antu, ënë banaribi cana mitsu ñuixunin. Ax mibë ꞌixúan mi sinánmicësabi oquin ꞌai camina Nucën ꞌIbu Jesucristomi asérabi catamëti ꞌain. Usaími ꞌia ca aín cushínbi mitsu cushioti ꞌicën.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Filipenses 2:11

Usa ꞌain ca camaxunbi —Jesucristo ax ca asérabi camabi menu ꞌicë uni ꞌimainun ñucaman ꞌIbu ꞌicë —quixun cati ꞌicën, Nucën Papa Dios ax ca asérabi Dios ꞌicë quixun ꞌunánquin.

Colosenses 4:6

Unibë banai camina upí oquian sinánun upí sinánñu ꞌaish upitishi banati ꞌain. Usa ꞌixun camina mia ñucácëxun caramina uisoquin cati ꞌain quixun ꞌunánti ꞌain.

1 Tesalonicenses 2:4

Usama ca, Nucën Papa Diosanbi ca asérabi caranuna aín bana uni ñuixunti ꞌai quixun upí oquin ꞌunántancëxun —atun ca asérabi ꞌati ꞌicë —quixun sinánquin aín bana unicama ñuixunun nu cacëxa. Usaquin ꞌanun cacë ꞌixun cananuna an —Jesucristomi catamëti ca uni Nucën Papa Diosnan ꞌinux ië́ti ꞌicë —quixun unicama ñuixunin. Usaquin ꞌaquin cananuna Jesucristo ñuiquin unicama cuëënmiti sinánquinma, Nucën Papa Dios, an camabi unin nuitu ꞌunáncë, axëshia cuëëntanun uni bana ñuixunin.

1 Timoteo 1:17

Usa ꞌain cananuna Nucën Papa Dios, axa usabi ꞌApuira ꞌiá ꞌaish cëñútimoi usabi ꞌiti, a unin aín bërúnbi iscëma, ꞌianan an camabi ñu ꞌunáncë, axëshia Dios, a xënibua ꞌaínbi rabiti ꞌain. Usai ca ꞌiti ꞌicën.

1 Timoteo 6:16

Nucën Papa Dios axëshi ca cëñutima usabi ꞌia. Ax ca uíxbi bëbaquiantisama oquian pëcacë nëbë́tsi ꞌicën. Uínu ꞌicë unínbi ca a isáma ꞌicën. Istisama ca ax ꞌicën, uínbi ca a isima. Ax cushiira cushi ꞌicë ca xënibua ꞌaínbi camabi unicama ꞌimainun ángelcamanribi a rabiti ꞌicën. Usaquin ca ꞌati ꞌicën.

Tito 2:1

Usa ꞌaínbi camina, an upí oquin min bana cuacë unicama a Nucën Papa Dios cuëëncësabi oishía ꞌinun bëtsi bana ñuixunquinma Jesucristo ñuicë banaishi upí oquin ñuixunti ꞌain.

Tito 2:15

ꞌËn mi cacë banacama ënë camina unicama ꞌunánmiti ꞌain. Atúxa, asérabi ca a bana icë quixun sinani racuëtima Jesucristomi cushicë ꞌinun ꞌësëanan camina atúan ꞌaisama ñu ꞌaxunma ꞌanun caquin ꞌësëti ꞌain. Usoquin ꞌaquin camina ui unínbi mi timaquin min bana cuaisama tanun ꞌimitima ꞌain.

Hebreos 13:7

Jesucristo ñuiquin mitsu bana ñuixuncë unicama camina manuquinma sinánti ꞌain. —Atun ca Jesucristomi catamëquin upí ñuishi ꞌaia —quixun sinani camina usaribiti ꞌiti ꞌain.

Hebreos 5:12

Mitsúinra a ñuicë bana a ꞌunáncë ꞌixun uni itsi ꞌunánmisa ꞌaíshbi camina mitsúnmi bëráma cuacë bana Jesucristo ñui quicë, a ꞌunánmitëcë́insa ꞌain. Ënë ñu upí oquin cuacëma ꞌaish camina mitsux tuáratsu ñu iru piisama pain ꞌixun aín titan xuma ꞌacësa ꞌain.

Santiago 1:19

ꞌËn nuibacë xucë́antu, usa ꞌain camina Nucën Papa Diosnan ꞌixun mitsun unían bana ñuia upí oquin pain cuati ꞌain. Cuati camina mitsux munu pain sinántancëx bananan bënëtishi nishtima ꞌain.

Santiago 1:26

Ui unix cara —ꞌëx cana Nucën Papa Diosan bana cuacë ꞌai —quibi sinánxmaishi ꞌaisamairai banaia a unix ca Nucën Papa Diosan bana quicësabi oi ꞌíma cëmëia.

1 Pedro 2:12

An Nucën Papa Diosan bana ꞌunáncëma unicaman isnun camina mitsux upitax bucuti ꞌain. Usaími ꞌia isi ca atux an ñu ꞌatima ꞌacë uni ꞌacësa oquin mitsu ñui ꞌatimati banacë ꞌaíshbi mitsúnmi upí oquin ñu ꞌaia isá ꞌixun anúan an camabi unin ñu ꞌacë isti nëtën Nucën Papa Dios rabiti ꞌicën.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.

1 Pedro 4:10

Mitsúnmi raíri uni ꞌaquinun ca Nucën Papa Diosan uisa ñu caramina ꞌati ꞌai quixun mitsu ꞌimia. Usa ꞌain camina Nucën Papa Diosan mitsu achúshi achúshi bëtsi bëtsi ñu mëëti ꞌanun ꞌimicë ꞌixun mitsun ñu mëëti upí oquin ꞌati ꞌain.

1 Pedro 4:16

Usaquin ñu ꞌacëma ꞌaíshbi Cristonan ꞌicë cupía unin tëmëramicëxbi camina rabíntima ꞌain. Rabínquinma camina Nucën Papa Dios rabiti ꞌain, mitsúxmi asérabi ainan cupí.

1 Pedro 5:11

Camabi unin ca Nucën Papa Dios rabiti ꞌicën, nëtë xënibua ꞌaínbi. Cëñútimoi ca axira cushiira ꞌApu ꞌia. Usai ca ꞌia.

Judas 1:25

Axëshi Nucën Papa Dios ꞌixun Nucën ꞌIbu Jesucristo cupí nu ainan ꞌinun ië́micë, ax ca cushiira ꞌianan upíira ꞌaish ꞌApuira ꞌicën. Ax uisa ñubi uniocëma pan ꞌaish usabi ꞌiá ꞌaish ca ax usabi ꞌia. Usabi ca ax ꞌicën. Ashi, Judas.