1 Pedro 4:1 - Kashibo-Kakataibo Biblia

¹ Uni ꞌixun ca Cristonën tëmëraquin paë tancëxa. Usa ꞌain camina ꞌunánti ꞌain, mitsúnribi camina —sapi cana tëmëraquin paë tanti ꞌai —quixun sinánti ꞌain. Uin cara Jesucristonan cupí tëmëraquin paë tanxa an ca ñu ꞌatima ꞌai ꞌuchati ëanxa.

Nukën 'Ibu Diosan ain unikama 'inan ain bana

¹ Uni 'ixun ca Cristonën tëmëraquin paë tancëxa. Usa 'ain camina 'unánti 'ain, mitsúnribi camina —sapi cana tëmëraquin paë tanti 'ai —quixun sinánti 'ain. Uin cara Jesucristonan cupí tëmëraquin paë tanxa an ca ñu 'atima 'ai 'uchati ëanxa.

1 Pedro 4:1 ပူးပေါင်းရင်းမြစ်များ

Isaías 1:16

¡Mitsúnmi ꞌuchakin ꞌakë ñukama a ëni kamina mëníokakanti ꞌain! ¡Mitsúnmi ꞌakë ꞌatima ñukama a kamina, ꞌën istisabi okin ënti ꞌain! ¡ꞌAisama ñumi ꞌakankë akamina ënkanti ꞌain!

Marcos 3:3

Bërúancëxunbi ca aín mëcën bamacë uni Jesusan cacëxa: —Nirucuatsini ca nëri ut.

Romanos 6:11

Usaribiti camina mitsux Cristobë bamacësa ꞌixun mitsun ꞌucha ashiquin ëncë ꞌaish, abë baísquicësa ꞌaish Jesucristo ꞌicësaribiti Nucën Papa Dios cuëëncësabi oíira ꞌiti ꞌain.

Romanos 6:2

Usama ca. Nun ꞌucha cupí Jesucristo bama ꞌain cananuna nux ꞌuchatëcënuxma abë bamacësa ꞌain. Usa ꞌaish cananuna unin bamaquin aín ꞌucha ashiquin ëncësa usaribi ꞌain. ¿Usa ꞌaish caranuna uisa cupí ꞌuchaíshi tsóti ꞌain?

Romanos 6:7

Usa ꞌaish cananuna unían bamaquin aín ꞌucha ashiquin ëncësa usaribi ꞌain.

Gálatas 2:20

ꞌUchatëcënuxunma ashiquin ꞌën ꞌuchacama ëni cana Cristobë bamacësa ꞌain. Usa ꞌaish cana ꞌëshima, Cristo ax ꞌëbë ꞌain, aín cushínbi ax cuëëncësa oíshi ꞌin. Nucën Papa Diosan Bëchicë, axa ꞌë nuibati bamatsianxmabi ꞌën ꞌucha cupí bama, ami catamëti cana ax ꞌëbë ꞌain, ax cuëëncësabi oi ꞌin.

Gálatas 5:24

Cristo nun ꞌucha cupí i curúsocënu bama ꞌain cananuna nun nu ñunshínquin ꞌasaribi oquin ꞌatëcënuxunma ñu ꞌatimacama ëan.

Efesios 6:13

Ñu ꞌatima ꞌanun an sinánmicëxunbi ꞌaquinma ñunshin ꞌatima abáminux cushi ꞌiti cupí camina manutima, uisoquinra cara an mitsu cushioti ꞌicë usaquian Nucën Papa Diosan cushiocë ꞌinux upí oquin sinani ami catamëti ꞌain. Usai cushicë ꞌixúnmi abámicëxuan ñunshin ꞌatimanën mitsu tantëcëncëxbi usabi Nucën Papa Diosmi catamëcë ꞌaish camina uisaíbi ꞌitima ꞌain.

Filipenses 2:5

Jesucristonëan ꞌásaribi oquin camina sinánti ꞌain.

Hebreos 12:3

Tëmëraquin —axa ami sináncëma unicaman ca ꞌëx Jesucristonan ꞌicë cupí ꞌë bëtsi bëtsi oia —quixun sinánquin ami catamëti ëntin rabanan camina —usaribi oquian ami nishquin unin ꞌacëxunbi ca Jesucristonën tanshiacëxa —quixun sinánti ꞌain. Usaquin sinani camina ami catamëtia unin bëtsi bëtsi ocëxun oquin a ënti sinanima ami cushiti ꞌain.

Hebreos 4:10

Uicamax cara ax cuëëncësa oíshi ꞌiti sinani bënë́ti a ëni, ami catamëti Nucën Papa Dios cuëëncësabi oi ꞌia, ax ca Nucën Papa Dios ñucama uniotancëx cuëëansaribi oi ꞌia.

1 Pedro 2:21

Usaími ꞌinun ca Nucën Papa Diosan mitsu aín uni ꞌimiaxa. Cristonën ca ñu ꞌatima ꞌacëma ꞌixunbi mitsu cupí tëmëracëxa. Usaribi oquin camina ñu atima ꞌacëma ꞌaish tëmëraquinbi tanshiti ꞌain.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.