1 Pedro 3:8 - Kashibo-Kakataibo Biblia

⁸ Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.

Nukën 'Ibu Diosan ain unikama 'inan ain bana

⁸ Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti 'ain, atúxa mitsun xucë́nsaribi 'ain. Camina bëtsibë camáxbi nuibanani 'aquianani rabítima 'ain.

1 Pedro 3:8 ပူးပေါင်းရင်းမြစ်များ

Salmos 103:13

Uikaman kara a nuibakin ax kikësabiokin ꞌaia, a unikama ka Diosan unían aín bakë bëchikëkama ꞌakësaribi okin nuibatia;

Mateo 18:33

ꞌËn mi ꞌacësaribi oi camina an mi ribíncë uni a sipuamima upiti abë mëníonanti ꞌian.

Lucas 10:33

Usoquian a rabëtan ratánbiancëbëbi ca Samaria menu ꞌicë uni achúshi a baínribi uaxa. Uquin bai amo racácë isquin ca an cuni a uni nuibaxa.

Hechos 2:1

Usa ꞌain ca Pentecostés cacë nëtë ucëbë Jerusalénu ꞌicë achúshi xubunu timë́ax axa Jesucristomi catamëcë unicama bucüacëxa.

Hechos 27:3

Usaquiani coonx cananuna Sidón cacë ëmanu bëbacën. Anu bëbaxun ca abë upí ꞌixun Julionën Pablo a ëmanua ꞌicë axa abë nuibanancë unicama isanan abë bananan, atun xubunuxun pitánun quixun cacëxa.

Hechos 28:7

Anunu ꞌicë a ꞌurama ca a nasínu ꞌicë Publio cacë uni aín tucuricu aín me ꞌiacëxa. Usa ꞌain ca a unin bitancëxun aín xubunu ꞌinun quixun nu cacëxa. Cacëx anu rabë́ ꞌimainun achúshi nëtën abë ꞌia ca pimianan nu ꞌaquiancëxa.

Hechos 4:32

Usa ꞌain ca axa Jesús ñui quicë bana cuati ami catamëcë unicaman, camaxunbi bëtsin sináncësa oquin sináncëxa. Camaxunbi ca sináncëxa, —ꞌën ꞌaracacë ñucamax ca ꞌënanshima, camabi uninansa ꞌicë —quixun.

Romanos 12:10

Camina bëtsibë bëtsibë ꞌaquianani nuibananti ꞌain, mitsun xucë́nbë ꞌicësaribiti. Asamaira ꞌiisa tanquin ꞌatimoquinma camina bëtsi uni isquin upí oquin ꞌaquinti ꞌain.

Romanos 15:5

Nucën Papa Dios, an aín unicama tëmëraquinbi ëníma ami catamënun ꞌimianan uisa ñu cara ꞌicëbëtanbi atu bërúanquin ꞌaquincë, an Cristo Jesús cuëëncësabi oquin mitsu bëtsibë nishananíma nuibananquin, bëtsin sináncësaribi oquin sinánun ꞌaquinti cana cuëënin.

1 Corintios 1:10

Mitsux Jesucristomi sináncë ꞌaish camina ꞌën xucë́antu ꞌain. Usa ꞌicë cana Nucën ꞌIbu Jesucristo cuëëncësabi oquin mitsu ësoquin cain: Bëtsin sináncësaribi oquin sinani camina bucucanti ꞌain. Masáquin sinani camina bëtsibë nishanancantima ꞌain. Nishananíma nuibananshiti camina camaxunbi bëtsin sináncësa oquinshi sinani upitax bucucanti ꞌain.

1 Corintios 12:26

Nun mëcënaxa paëia ca camabi nun namin tania. Usaribiti ca nun pabitax paëia camabi nun namin tania. Usaribiti cananuna unían —min bu, min bëmána, min pëñan ca upí ꞌicë —quixun cacëx nun namicamabëbi chuámarua tani cuëënin.

Efesios 4:2

Cuamiananima camina upí sinánñu ꞌaish upiti banati ꞌain. Bënëtishi nishíma camina bëtsibë nuibanani ꞌaquiananti ꞌain.

Efesios 4:31

Usa ꞌain camina uinu ꞌicë unibëbi nishanantima ꞌain, uni itsimi camina xuamati nishtima ꞌain, unibë camina ñu canantima ꞌain, uni ñui camina ꞌatimati banatima ꞌain, uisa ñu cara ꞌatima ꞌicë a camina ꞌatima ꞌain.

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Filipenses 2:3

Bëtsi uni ꞌaquinti sinánquinma camina minánshi ꞌiti ñu ꞌatima ꞌain. ꞌËx cana bëtsi unisama ꞌai quixun sinani rabíquinma camina —uni raírinëx ca ꞌëx ꞌicësamairai upí ꞌicë —quixun sinánti ꞌain.

Filipenses 3:16

Usa ꞌain cananuna uisai ꞌinun cara Nucën Papa Diosan nu ꞌunánmiaxa, usai ꞌiti ꞌain.

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

Hebreos 13:1

Mitsux Jesucristonan ꞌaish camáxbi xucë́nsa ꞌaish camina mitsux ꞌicësabi bëtsibë bëtsibë nuibanani ꞌiti ꞌain.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.

Santiago 3:17

Usa ꞌaínbi ca Nucën Papa Diosan sinánmicë unin upí oquinshi sinánquin upí ñu ꞌaia. Ca unibë nishananquinma nuibananquin bëtsi unían cacëxun cuaquin upí oquin bana sinánan uni itsiribi nuibaquin axa ꞌaquinsa ꞌicë ꞌaquinia. Usa unin ca cëmëma ꞌixun paránanquinma aín quicësabi oquin ꞌaia.

Santiago 5:11

Uicaman cara tëmëraquinbi bënë́quinma tanshitia ax ca upí oquinshi sinani cuëënia quixun cananuna ꞌunanin. Mitsun camina Jobnëxa ꞌaisamaira tëmëraibi Nucën ꞌIbu Diosmi catamëa a bana ñuia cuan. Cuacë ꞌixun camina ꞌunáncanin, uisaira oquin cara Nucën ꞌIbu Dios an nuibaquin uni ꞌaquincë ꞌixun a uni ꞌaquiancëxa quixun.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Pedro 2:17

Camabi uni camina upí oti ꞌain. Axa Jesucristomi catamëcë unicama camina nuibati ꞌain. Nucën Papa Diosmi camina racuë́ti ꞌain. Racuë́anan camina mitsun ꞌapu quicësabi oquin ñu ꞌati ꞌain.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.

2 Pedro 1:7

Usaquin sináncë ꞌaish camina bëtsibë nuibananti ꞌain. Usai ꞌiquin camina camabi uni nuibati ꞌain.

1 Juan 3:14

Nux ꞌicësaribitia ax Jesucristomi catamëcë unicama nuibacë ꞌixun cananuna ꞌunanin, nux ainanma ꞌiá ꞌaíshbi cananuna bërí Nucën Papa Diosnan ꞌai quixun. An uni itsiribi nuibacëma uni ax ca Nucën Papa Diosnanma ꞌaish usabi ꞌicën.