1 Pedro 3:7 - Kashibo-Kakataibo Biblia

⁷ Xanuñu unicamaribi cana ësaquin cain, min xanubë camina upí oquin sinani nuibananti ꞌain. Axa xanu ꞌaish cushima cupíshima, mix ꞌicësaribitia ax Nucën Papa Diosmi catamëcë cupí camina a nuibaquin ꞌaquinti ꞌain, mitsúnmi usoquin ꞌaia isquian Nucën Papa Diosan mitsúnmi a ñucácë bana upí oquin cuati cupí.

Nukën 'Ibu Diosan ain unikama 'inan ain bana

⁷ Xanuñu unicamaribi cana ësaquin cain, min xanubë camina upí oquin sinani nuibananti 'ain. Axa xanu 'aish cushima cupíshima, mix 'icësaribitia ax Nucën Papa Diosmi catamëcë cupí camina a nuibaquin 'aquinti 'ain, mitsúnmi usoquin 'aia isquian Nucën Papa Diosan mitsúnmi a ñucácë bana upí oquin cuati cupí.

1 Pedro 3:7 ပူးပေါင်းရင်းမြစ်များ

Job 42:8

Usa ꞌain kamina bërí ꞌëx mitsumi nishkë a nëtë́tanun, mapai achúshi ꞌimainun rabë́ vaca bërí kanikë këñun mapai achúshi ꞌimainun rabë́ carnero bibiani uinu kara ꞌën uni Job ꞌia anu a buani kuanti ꞌain, anuxun kamina a ñuinakama rëxun ꞌaímai këñutanun xaroti ꞌain. Usakin ꞌakëbëtan ka ꞌën uni Jobnën mitsu ꞌë ñukáxunti ꞌikën, ñukákëxun kana an ꞌë kakësabiokin, mitsu uisabi otima ꞌain, mitsun kamina asérabi ꞌë ñui upiti banaiman, ꞌën uni Job ax kikësai.

Mateo 18:19

ꞌËn unicamaxa ꞌëmi sinani timë́cëbë cana ꞌëx atu nëbë́tsi ꞌain. Rabë́ ꞌimainun achúshia ꞌëmi sinani timë́cëbë cana ꞌëx atu nëbë́tsi ꞌain. ꞌImainuan rabëtaxribi timë́cë ꞌain cana ꞌëx atubë ꞌain. ꞌËx atubë ꞌixun cana añu ꞌati cara asábi ꞌicë quixun ꞌunánmiti ꞌain. Usa ꞌain cana ësaquinribi ꞌën mitsu cain, mitsu rabëtan camina uisaínu ꞌiti cara Nucën Papa Dios cuëënti ꞌicë quixun upí oquin sinántancëxun an mitsu ꞌaxunun ñucáti ꞌain. Ñucácëxun ca an mitsúnmi cacësabi oquin mitsu ꞌaxunti ꞌicën.

1 Corintios 7:3

Nucën Papa Diosan mëníosabi oi ca uni aín xanubë ꞌiti ꞌicën. Usaribiti ca xanu aín bënëbë ꞌiti ꞌicën.

Efesios 3:6

Unin ꞌunánma ꞌaínbi ca a bana ësai quia, judíos unicama ꞌicësaribiti ca judíosma unicama, Cristo Jesús bama cupí ami catamëti Nucën Papa Diosan uni ꞌianan abë aín nëtënu ꞌiti ꞌicën, ax quiásabi oi.

Efesios 4:30

ꞌAtimati banaquin camina Nucën Papa Diosan Bëru Ñunshin Upí masá nuitumiquin rabínmitima ꞌain. Axa mibë ꞌinun ꞌinánquin ca Nucën Papa Diosan mitsu ainan ꞌinun ꞌunántioxa, Jesucristo utëcëncëbëmi aín nëtënu abë ꞌiti oquin.

Efesios 5:33

Usa ꞌaínbi cana mitsu cain, min namimi bërúancësaribi oquin camina mitsun xanuribi nuibaquin bërúanti ꞌain. Usaribi oquin ca xanúnribi ami sinánquin aín bënën bana cuati ꞌicën.

Efesios 6:18

Usai ꞌiquin camina aín Bëru Ñunshin Upitan sinánmicësabi oquin añu caramina ꞌai a ñu ꞌai Nucën Papa Diosbë bananan an mitsu ꞌaquinun ñucáti ꞌain. Usai abë bananux camina atsanima ami manúaxma ꞌianan axa Jesucristomi catamëcë unicamaribi Nucën Papa Dios ñucáxunti ꞌain.

Colosenses 3:19

ꞌImainun camina xanuñu unicama, mitsúnribi mitsun xanu nuibanan, masá sinánquin timatima ꞌain.

1 Tesalonicenses 4:4

Ax ca cuëënia, mitsúnmi xanu bitancëxun masóquinma abë nuibananquin upí oxun ꞌiquinti.

Tito 3:7

Usa ꞌixun cananuna anbia nuibaquin nu ꞌaquinquin upí ꞌimicë cupí, abënu xënibua ꞌaínbi tsóti, a caínti ꞌain.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

1 Pedro 3:1

Xanucama, mitsuribi cana cain, min bënë́an cacëxun cuaquin ꞌatimaquin sinanima camina abë upí ꞌiti ꞌain. Usaími mitsux ꞌicëbë ca min bënë, Cristo ñui quicë bana cuaisama tancë ꞌaíshbi, min cacëxmabi upitax ꞌia isi sinanati ꞌicën,