1 Pedro 3:4 - Kashibo-Kakataibo Biblia

⁴ Usai ꞌima camina mitsux upí sinánñu ꞌaish bëtsibë nishananima upitishi banati ꞌain. Usai ꞌia isquin ca bëtsin sinánti ꞌicën —a xanux ca aín nuitu upí ꞌicë —quixun. Usai upí ꞌiti ax cuni ca uisa ꞌaíshbi cëñutima. Usai ꞌími mitsux upí ꞌicë isi ca Nucën Papa Dios cuëënia.

Nukën 'Ibu Diosan ain unikama 'inan ain bana

⁴ Usai 'ima camina mitsux upí sinánñu 'aish bëtsibë nishananima upitishi banati 'ain. Usai 'ia isquin ca bëtsin sinánti 'icën —a xanux ca aín nuitu upí 'icë —quixun. Usai upí 'iti ax cuni ca uisa 'aíshbi cëñutima. Usai 'ími mitsux upí 'icë isi ca Nucën Papa Dios cuëënia.

1 Pedro 3:4 ပူးပေါင်းရင်းမြစ်များ

Salmos 51:6

Min kamina asérabi sinan mëninñushi uni a nuibatin, usa ꞌixun kamina ꞌëribi sinan ñuira ꞌinun ꞌimia.

Isaías 11:4

An ka an ꞌakinti ꞌaíma ꞌaia tëmërakë unikama ꞌimainun uni ñuñumakama atun menu ꞌikë akama ꞌakinti ꞌikën. Usa ꞌain ka aín banax achúshi tatsi tuínxun anun bënë́kinshi ñu ꞌakë unikama tëmëramikë usaribi ꞌiti ꞌikën, ꞌimainun ka aín kuëbitan xunkakësa okinshi ꞌatima ñuishi ꞌakë unikama këñunun ꞌimiti ꞌikën.

Isaías 61:1

Nukën ꞌIbun kushi ax ka ꞌëbë ꞌikën, Usa ꞌain ka Nukën ꞌIbun ꞌë kaístankëxun ñuñuma unikama aín bana ñuixunun ꞌë xuaxa, ꞌimainun ka axa bëtsin ꞌatimokëx masá nuitukë, a upíokin kanan axa ñatanbianxun tëmëramikë unikama a chikínun ꞌë xuaxa, ꞌimainun ñatanxun sipunu nankë akamaxribi basiramashi ka chikiti ꞌikën, kakin kuëëminun ꞌë xuaxa;

Mateo 11:29

Mitsúxmi cuëënia cana uisari caramina upí ꞌiti ꞌai quixun mitsu ꞌunánmiti ꞌain. Ñu caquinma cana tëmëraquinmami ꞌati sënë́inshi ꞌëx cuëëncësabi oi ꞌinun mitsu ꞌimiti ꞌain. ꞌImixun ꞌën ꞌaquincëx camina upí oquin sinani chuámashirua tani cuëënti ꞌain.

Mateo 21:5

Sión cacë ëma, anu ꞌicë unicama camina cati ꞌain: Bërí ca mitsun ꞌapu aia, uni chacama ꞌicësaríma ca burro xanun tuánu tsotax aia.

Mateo 23:26

Fariseo uni, bëxuñu unisa camina mix ꞌain. Xanpa aín namë́ pain chucacëx ca aín caxuribi chuañuma ꞌiti ꞌicën. Usaribi oquin camina min nuitu pain upí ꞌinun mëníoti ꞌain, min ꞌacë ñucamaxribi upí ꞌinun.

Mateo 5:5

Axa cëruti banacëma uni ax ca Nucën Papa Diosan ꞌinánti ñucamañu ꞌiti ꞌicën, an cacësabi oi. Usai ca ꞌiti ꞌicë quixun ꞌunani ca chuámarua cuëënia.

Lucas 11:40

Sinánñuma unisa camina mitsux ꞌain. ¿Caramina ꞌunaniman, an ñutë ꞌacë uni an ca aín namë́ ꞌacësaribi oquin aín caxuribi ꞌaia quixun?

Lucas 16:15

ꞌUsáncëxun ꞌunánquin ca Jesusan cacëxa: —Mitsux isamina upí ꞌai quixuan unin isnun quixun camina mitsux cuëëncë ñuishi ꞌain. Usa ꞌaínbi ca Nucën Papa Diosan mitsun nuitu mëúmi sináncë a ꞌunania. Ax isa upí ꞌicë quixuan unin sináncë uni a ca Nucën Papa Diosan aín nuitu ꞌunánquin upíma isia.

Romanos 1:23

Usa ꞌixun ca Nucën Papa Dios, ax cushiira ꞌaish bamatimoi tsócë, a rabiquinma ami manúanan axa bamati ꞌaínbi uni iscësa oquin ñu unionan ñuina pëchiñu ꞌimainun axa men nirícë ñuina, axa men nicë ñuina, acama iscësa oquin —ax ca nun dios ꞌicë —quiquin a rabinuxun unioia.

Romanos 2:29

Axa aín nuitu mëu upiti Nucën Papa Diosmi sináncë uni ax ca asérabi judío uni ꞌicën. ꞌUnántioracacë uni ax ca Moisésnën cuënëosabi oquin aín namishi usoquin ꞌacë cupíma aín nuitu mëu Nucën Papa Diosmi sináncë cupí asérabi judío uni ꞌicën. Usa uni ca unían upí isiamabi Nucën Papa Diosan upí isia.

Romanos 6:6

Cananuna ꞌunanin, Cristonanma pain ꞌixun cananuna ënquinma nux cuëëncësa oquinshi ñu ꞌatima ꞌacën. Usa ñu sinántëcënuxunma cananuna Cristobë bamacësa ꞌixun ꞌuchati sinántëcëntima ꞌain. Uni bamacë an ca ñu ꞌaisama ꞌati sinántëcënima. Usaribi oquin cananuna nux Cristobë bamacësa ꞌixun ñu ꞌatima ꞌatëcënti sinántima ꞌain.

Romanos 7:22

Nun nuitu mëu cananuna asérabi Nucën Papa Dios cuëëncësabi oquin ꞌaisa tanin, axa usaínu ꞌinun quicë bana ca upí ꞌicë quixun ꞌunánquin.

2 Corintios 10:1

ꞌËx Pablo ꞌicë Cristonën sinánmicëxun an ꞌacësaribi oquin mitsu nuibaquin upí oquin cati cana cuëënin. Uni raírinëx caísa quia, ꞌëx mitsubë ꞌaish isana mitsu ñu caíma upitishi banain. Bëtsi ëmanuxun quirica buánmiquin cuni isana ñu caquin cacësa oquin mitsu cain.

2 Corintios 4:16

Usa ꞌain cananuna masá nuituquinma aín bana ñuitiribi ëniman. Nucën nami axa abiira abi xënibucëbëtanbi ca Nucën Papa Diosan camabi nëtën ami catamëti cuëënun nu cushioia.

Gálatas 5:23

rabícëma, aín cuëëncësari ꞌiisa tanquinbi tënëcë. Usa uni ñuia, ax —usai ꞌitima ca —quicë bana ca ꞌaíma ꞌicën.

Efesios 4:2

Cuamiananima camina upí sinánñu ꞌaish upiti banati ꞌain. Bënëtishi nishíma camina bëtsibë nuibanani ꞌaquiananti ꞌain.

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

Colosenses 3:3

Mitsun ꞌucha cupía Cristo bama ꞌain camina ꞌuchatëcëntimoi abë bamacësa ꞌain. Usa ꞌaish camina axa baísquitancëx abë ꞌain, mitsúxribi aín Papabë ꞌain, mitsux Cristobë ꞌaish.

1 Tesalonicenses 4:11

Camina upítaxëshi bucuquin uni raíri ubíoquinma mitsun ñu mëëtishi mitsúnbi ꞌai bucuti ꞌain, nun mitsu cacësabi oi.

2 Tesalonicenses 3:12

Usa unicama cananuna Nucën ꞌIbu Jesucristonën nu sinánmicësabi oquin ꞌësëquin cain, atun cuëëncë ñu binuxun ca uni itsi ubíoquinma atúnbi ñu mëëti ꞌicë quixun.

1 Timoteo 2:2

Usonan ca camabi nëtënu ꞌicë ꞌapucama ꞌimainun ꞌapun anëcë unicamaribi Nucën Papa Dios ñucáxunti ꞌicën, nuxnu upí sinánñu ꞌianan ubíonananima chuámashirua ꞌaish ax cuëëncësabi oi ꞌi bucunun.

2 Timoteo 2:25

Usa ꞌixun ca ami nishquinma an Nucën Papa Diosan bana cuaisama tancë unicama munu upí oquin ꞌësëquin ꞌunánmiti ꞌicën. ꞌUnánmiquin ca —Nucën Papa Diosan ꞌimicëx ca sinanati Jesucristomi catamëti ꞌicë —quixun sinánti ꞌicën.

Tito 3:2

Uinu ꞌicë unimibi ca ꞌatimati banatima ꞌicën. Bëtsi unibë cuëbicanancëma ꞌianan ca upí sinánñu uni ꞌaish rabiti cuamianantima ꞌicën.

Santiago 1:21

Usa ꞌain camina ñu ꞌatima ꞌaisamaira oquinmi mitsun ꞌacë a ëanan uisa ñucama cara ꞌaisama ꞌicë ënti ꞌain. A ënquin camina ami cuacë Nucën Papa Diosan bana a mitsun nuitu mëu racanaquin upí oquin sinánti ꞌain. Mitsúnmi cuacë bana ënë́xa quicësabi oquin, Jesucristomi catamëcë ꞌixun, ꞌacë ꞌaish camina Nucën Papa Diosnan ꞌinux ië́canti ꞌain.

1 Pedro 1:23

Unishi ꞌinuan aín titan tuacë ꞌaish ca uni bamaia. Usa ꞌaínbi ca axa xënibua ꞌaínbi usabi ꞌiti, aín bana a cuatia Nucën Papa Diosan mitsu bacë́ntëcëncësa ꞌimiaxa.

1 Pedro 3:15

Usai ꞌíma camina min nuitu mëu —Cristo ca asérabi ꞌën ꞌibu ꞌicë —quixun sinani ami catamëti ꞌain. Unin mitsu —uisa cupí caramina Jesucristomi catamëquin abë tsoti sinani —quixun ñucácëxun anun cati bana ꞌunáncë camina ꞌiti ꞌain. Usa ꞌixun camina cëruti rabíquinma upí oquinshi cati ꞌain.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”