1 Pedro 3:21 - Kashibo-Kakataibo Biblia

²¹ Nucën Papa Diosan sinánmicëxa Noé manë nuntinu ꞌiruax ië́asa, usaribiti cananuna nuxribi Nucën Papa Diosmi catamëti ꞌunpaxan nashimicë ꞌaish iëtin. Nun namia chuañuma ꞌinun cananuna nashimicë ꞌitima ꞌain. Usai ꞌíma cananuna —Jesucristo baísquia cupía Nucën Papa Diosan nu upí ꞌimicë ꞌaish cananuna nun ꞌuchacama tërë́nce ꞌaish an iscëx upí ꞌai —quixun sinani nashimicë ꞌain.

Nukën 'Ibu Diosan ain unikama 'inan ain bana

²¹ Nucën Papa Diosan sinánmicëxa Noé manë nuntinu 'iruax ië́asa, usaribiti cananuna nuxribi Nucën Papa Diosmi catamëti 'unpaxan nashimicë 'aish iëtin. Nun namia chuañuma 'inun cananuna nashimicë 'itima 'ain. Usai 'íma cananuna —Jesucristo baísquia cupía Nucën Papa Diosan nu upí 'imicë 'aish cananuna nun 'uchacama tërë́nce 'aish an iscëx upí 'ai —quixun sinani nashimicë 'ain.

1 Pedro 3:21 ပူးပေါင်းရင်းမြစ်များ

Mateo 28:19

Usa ꞌain camina mitsun camabi menu cuanquin anu ꞌicë unicama ꞌëmi catamënun sinánmiti ꞌain. Usoquin sinánmiquin camina, ëmi ca catamëtia quixun ꞌunántioquin ꞌën Papa Diosmi sinani, ꞌëmiribi sinánan aín Bëru Ñunshin Upími sinania, nashimiti ꞌain.

Marcos 16:16

Ñuixuncëxun cuatia ꞌëmi catamëtia nashimicë ax ca Nucën Papa Diosan ainan ꞌinun ië́micë ꞌiti ꞌicën. Usa ꞌaínbi ca axa ꞌëmi catamëisama tancë uni ax aín ꞌucha cupí xënibua ꞌaínbi Nucën Papa Diosbëma ꞌiti ꞌicën.

Juan 13:9

Cacëxun ca Simón Pedronën: —Usa ꞌain ca ꞌën taëishi ꞌaxunma ꞌën mëcën rabë́ ꞌimainun ꞌën maxcáribi chucat —quixun cacëxa.

Hechos 16:33

Ñuixuncëxuinshi ca imë́bi an sipuacë unicama bërúancë unin Pablo ꞌimainun Silas anua manë xon ꞌacë aín namicama chucaxuancëxa. Chucaxuncëbë ca an sipuacë unicama bërúancë unibë axa aín xubunu ꞌicëcamaxribi Jesúsmi catamëti nashimicë ꞌiacëxa.

Hechos 2:38

Cacëxun ca Pedronën atu cacëxa: —ꞌAtimoquin sinánxunbi camina sinanaquin, upí oquin Nucën Papa Diosmi sinánti ꞌain. Usai ꞌitancëx camina mitsun ꞌuchacama tërë́ncë ꞌinun Jesucristomi catamëti nashimicë ꞌicanti ꞌain. Usai ꞌicëbëtan ca Nucën Papa Diosan aín Bëru Ñumshin Upí abëmi ꞌinun mitsu ꞌinánti ꞌicën.

Hechos 22:16

Usaími ꞌinúan caíscë ꞌaish camina bënëtishi nirui min ꞌuchacama tërë́nun Nucën ꞌIbu Jesúsmi catamëti nashimicë ꞌiti ꞌain.

Hechos 8:36

Ñuixunbiancëxun ca baca cuëbí ꞌurama cuanquin, a unin Felipe cacëxa: —Ënu ca baca ꞌicën. ¿Anuxun caramina ꞌë nashimitima ꞌain?

Hechos 8:37

Cacëxun ca Felipenën cacëxa: —Asérabi Jesucristo min nuitunënbi sinanimi ami catamëtia cana mi ꞌati ꞌain. Quixuan cacëxun ca a unin Felipe cacëxa: —Jesucristo ax ca asérabi Nucën Papa Diosan Bëchicë ꞌicë quixun cana ꞌunanin.

Romanos 5:14

Usa ꞌaínbi ca Moisés ꞌaíma pan ꞌain Adanën rëbúnquicama ꞌuchatancëx bamacëxa, Adanëxa Nucën Papa Diosan cacësa oi ꞌima ꞌuchásari ꞌimabi. Adán cupía camabi uni ꞌuchacë ꞌaínbi ca axa a caxu uti a cupíira camabi unin ꞌucha tërë́ncë ꞌiti ꞌicën.

1 Corintios 12:13

Nux Cristonën uni ꞌaish cananuna ësa ꞌain: raírinëx judíos uni ꞌimainun raírinëxribi axa griego bana banacë uni ꞌimainun raírinëxribi an ñu uni mëëxuncë uni ꞌimainun cananuna raírinëxribi an uni ñu mëëxuncëma uni ꞌain. Usa ꞌaíshbi cananuna nucamax Nucën Papa Diosan Bëru Ñunshin Upitan sinánmicë ꞌianan Cristonan ꞌaish achúshisa ꞌain. Abënu ꞌinun ca Nucën Papa Diosan aín Bëru Ñunshin Upí nucama ꞌinánxa.

1 Corintios 4:6

ꞌËn xucë́antu, Apolobë ꞌëx ꞌicësaribitimi mitsux bëtsi bana sinanima Nucën Papa Dios quicësabi oíshi ꞌinun cana ënë ñucama ñuiquin mitsu cain. —An mitsu ꞌunánmicë unin ꞌunánmicësamaira oquin ca an nu ꞌunánmicë unin nu ꞌunánmia —quixun camina bëtsi uni catima ꞌain.

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

Gálatas 3:27

Ami catamëtia ainan ꞌicë nashimicë ꞌaish camina unían aín chupa xëni ꞌaisama pëquin chupa ió pañucë usaribi ꞌaish mibëa Cristo ꞌain min nuitu upíira ꞌain.

Efesios 5:26

Aín unicama aín nuitu upí ꞌimiquin ca Cristonën ax aín sinan ꞌaisama ꞌicëbi bëtsi oquin aín sinan upí ꞌimia. Usoquin ca ax quicësabi oquían ꞌanun aín bana ꞌunánmiquin aín unicama aín nuitu upí ꞌaísha chucacësa ꞌinun ꞌimia.

Colosenses 2:12

Mitsun, Nucën Papa Diosan ca bamacëbi Cristo baísquimiacëxa quixun ꞌunánquin, an ca a cushínbi ꞌë ië́miti ꞌicë quixun ꞌunani camina ax ꞌiásaribiti nashimicë ꞌaish Cristobëbi bamacë acëñun maíncëx abëbi baísquiasa ꞌain.

1 Timoteo 1:5

Nucën Papa Dios ca cuëënia aín unicamaxa ësai ꞌinúnu ꞌunánmiti: aín nuitu upí ꞌianan aín ꞌuchacama tërë́ncë ꞌixun ꞌatëcënti sináncëma ꞌianan Jesucristomi asérabi catamëcë ꞌixun unicama nuibati.

1 Timoteo 6:12

Ñunshin ꞌatimanëan ꞌatimamitisa tancëxunbi tënëquin camina Nucën Papa Diosmi catamëcë ꞌixun ax cuëëncësabi oquinshi ñu ꞌati ꞌain. Usoquin ꞌatancëxmi xënibua ꞌaínbi aín nëtënu abë ꞌinun ca an mi caísacëxa. Asérabi cana ꞌëx usai ꞌi quiax camina ꞌitsa unían cuamainun quiacën.

Hebreos 10:22

A cupí nun ꞌuchacama tërë́ncë ꞌaish cananuna uisa ñu cara ꞌaisama ꞌicë quixunu ꞌunánquin mëníocë ꞌaish asérabi ax cuëëncësabi oi ꞌiisa tani Nucën Papa Diosbë banati ꞌain, an ca cuati ꞌicë quixun ꞌunani. Ax Nucën Papa Diosbë banai tabernáculo xubunu atsínux ca sacerdote aín ꞌucha tërë́ncë ꞌianan upiti nashi mëníocacëxa. Usaribiti cananuna Jesucristo cupí chucacësa ꞌaísha nun nuitu, nun sinan upí ꞌain Nucën Papa Diosbë banain.

Hebreos 11:19

Buánquin ca sináncëxa: —ꞌËn bëchicë achúshi, Isaac, aín rëbúnqui ca asérabi ꞌitsaira ꞌiti ꞌicën, Nucën Papa Diosan ꞌë cacësabi oi. Usaía ꞌinun ca bamacëbi baísquimiti ꞌicë —quixun. Usaquin sinánquian Nucën Papa Diosan cacësabi oquin Abrahamnën ꞌati ꞌaíshbi ca Nucën Papa Diosan xucëxun ángelnën Abraham cacëbë Isaac bamati ꞌaíshbi ië́acëxa.

Hebreos 13:18

Cananuna ꞌunanin, ñu ꞌatima ꞌaquinma upí ñuishi ꞌaisa tania ca Nucën Papa Diosan nu upí isia quixun. Usa ꞌicë camina nu Nucën Papa Dios ñucáxunti ꞌain.

Hebreos 9:14

Ñuina rëcë aín imi cupí uni ꞌicësamaira oi cananuna Cristo bama cupí nun ꞌucha tërë́ncë ꞌaish upí ꞌiti ꞌain. Nucën Papa Diosan Bëru Ñunshin Upí, axa usabi ꞌiá ꞌaish usabi ꞌicë, ax abë ꞌain ca Cristo, ax ꞌuchañuma ꞌaíshbi bamatsianxmabi, nun ꞌuchacama tërë́ncë ꞌinun bamacëxa. Xënibua ꞌaínbi abë ꞌitimoinu bamati ꞌicëbi ca nun ꞌuchacama tërë́nquin, ax aín imi ꞌapati bama cupí, Nucën Papa Dios, axa bamatimoi tsócë, a rabinu ax cuëëncësabi oi ꞌinun nu ꞌimia.

Hebreos 9:24

Ax ca tabernáculo, anua Nucën Papa Dios ꞌicë tanquian unin ꞌacë, anuma, anua Nucën Papa Dios ꞌicë anubi atsíancëxa, anuxuan nu Nucën Papa Dios ñucáxuncë anu.

1 Pedro 1:3

Nucën Papa Dios, ax Nucën ꞌIbu Jesucristonën Dios ꞌianan aín Paparibi, a cananuna rabiti ꞌain. An ca nu nuibaquin bamaxbia baísquia Jesucristo an nun ꞌuchacama tërë́ncëxnu bacë́ntëcëncësa ꞌaish, ainan ꞌinun nu ꞌimiaxa, ënë nëtënuax ainan ꞌaíshnu aín nëtënuribi ꞌinun.

1 Pedro 3:16

A sinani masá nuitunuxun ñu ꞌatima ꞌaíma camina chuámashi ꞌiti ꞌain. Usaími mitsux Cristonën ꞌimicëx upitax ꞌia isi ca an mitsu ꞌatimaquin ñuicë unicama —nuxnu quicë bana ax ca cëmë ꞌicë —quixun sinani rabínti ꞌicën.