1 Pedro 2:9 - Kashibo-Kakataibo Biblia

⁹ A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

Nukën 'Ibu Diosan ain unikama 'inan ain bana

⁹ A unicama usa 'aínbi camina mitsux Nucën Papa Diosan ainan 'inun caísa 'ain. Usa 'ixun camina ax cuëëncësabi oquin 'anan aín unicama a ñucáxunin. Camina an 'imicëx upí 'aish aín uni 'ain. Usa 'ixunmi a rabiquin an 'acë ñucama camabi uni ñuixunun ca Nucën Papa Diosan mitsu ainan 'inun caísacëxa. Mitsux bëráma bëánquibucënu nicësa 'iá 'aíshbi camina bërí an 'imicëx xabánu nicësa 'ain, axa mitsubë 'ain.

1 Pedro 2:9 ပူးပေါင်းရင်းမြစ်များ

Salmos 118:27

Nukën ꞌIbu an ka ax Dios ꞌixun; ¡nu pë́kaia! Usa ꞌain kamina fiesta ꞌakin taëokin i pëñan chukúmabu buánti ꞌain anuxun ñuina xaroti, ain mancha ꞌikë anubi kuanti ꞌain.

Salmos 22:30

ꞌËn rëbúnkikamax ka Dios ashi rabianan, a ñui xënibua ꞌaínbi tsóti ꞌikën;

Salmos 33:12

Diosan unikamax ka aín ꞌibua Dios ꞌain kuëënkë ꞌiti ꞌikën, atux ka Diosan kaískë ꞌikën.

Salmos 73:15

ꞌËn atun sinánkësa okin sinánkë uni ꞌixun kana, an min bana ꞌakë unikama ꞌatimokin ꞌën paránkë ꞌitsían.

Isaías 41:8

“Israel unikama ꞌën uni Jacob a ꞌën kaisa aín rëbúnkikama, ꞌimainun Abraham ꞌën uni aín rëbúnkikama: Mitsun kamina ꞌën kakëxun kuakanti ꞌain.

Isaías 42:16

Usakin ꞌanan kana bëxuñu unikama aribi atun ꞌunánkëma bain, buánkin anua niama bain buánti ꞌain. Uankin kana bëánbëankibukë aribi atun ismainubia xabá ꞌinun ꞌimiti ꞌain, ꞌimianan kana me nankë́kë axribia mëníokati upiti rakanun ꞌimiti ꞌain. Ënë ñukama kana, kana ꞌaíma kikínma asérabi ꞌati ꞌain.

Isaías 44:1

Ësai ka Nukën ꞌIbu kiakëxa, bërí kamina ꞌën kakëxun Israel unikama Jacobnën rëbúnki mitsun kuati ꞌain, mitsux kamina ꞌën uni ꞌiti ꞌën kaískë ꞌain.

Isaías 61:6

Anan ka mitsu kati ꞌikën, Nukën ꞌIbun sacerdote ka atux ꞌikë kixun kanan, nukaman Diosan unikama ka atux ꞌikë kixunribi mitsu kati ꞌikën. Mitsun kamina bëtsi menu tsókë unikaman piti nëish tankin pi bukukanti ꞌain, ꞌianan kamina atun ꞌakë ñu upíirabu ꞌaish ichu ichukikë akamaribi tëñuanan mëñuti ꞌain.

Isaías 9:2

Axa ami nishkë unikaman ꞌatimokëxa bëánkibukënu ꞌikësa ꞌia unikama an ka achúshi tirí chaiira isakëxa, iskin ka ñu upí ꞌati ꞌunánkëxa; achúshi tirí pëkikësa ꞌaish upiti tsókë uni an ka axa ꞌatimati tsókë unikama ñu upí ꞌai upiti tsóti ꞌunánmiakëxa.

Malaquías 3:17

Kamabi kushiñuira Dios ax ka ësai kia: ꞌËn kana anua a unikama ꞌënan ꞌitëkënti achúshi nëtë mënion. Usakin ꞌakin kana achúshi unían an ñu mëëkinkë aín bëchikë nuibakë usaribi okin atu ꞌën nuibati ꞌain.

Mateo 4:16

Anu ꞌicë unicamax ainanma ꞌixun Nucën Papa Dios cuëëncësabi oquin ꞌati ꞌunáncëma ꞌaíshbi ca Cristo ucëbë an ꞌunánmicë ꞌiaxa. Ainanma ꞌaish bamati ꞌaíshbi ca Cristo ucëbë an ꞌunánmicëx xabánu ꞌicësa ꞌiaxa.

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

Lucas 1:79

Xucëxun uquin ca axa aín ꞌucha cupí Nucën Papa Diosbë upíma ꞌianan —ꞌën bamati ca ꞌurama ꞌicë —quixun sinani racuëti masá nuituti bëánquibucënu ꞌicësa unicama atun ꞌuchacama tërë́nquin Nucën Papa Diosnan ꞌinun ꞌimianan nuxnu Nucën Papa Diosbë upí ꞌaish ax cuëëncësabi oi ꞌinun nu ꞌimiti ꞌicën. Usai ca Zacarías Nucën Papa Diosan Bëru Ñunshin Upitan sinánmicëx quiacëxa.

Juan 17:19

Atun min bana upí oquin ꞌunánquin mix cuëëncësabi oquinshi ꞌanun cana ꞌën mix cuëëncësabi oquinshi ꞌain.

Hechos 20:28

Usa ꞌain camina mitsun mina ñu ꞌaisama ꞌai bërúancati ꞌain. Bërúancanan camina axa Jesucristomi catamëcë unicamaribia upí ꞌinun bërúanti ꞌain. Nucën Papa Diosan Bëru Ñunshin Upitan ca usoquinmi axa Jesucristomi catamëcë unicama bërúanun mitsu ꞌimiaxa. A unicamax ca axa bama cupí Nucën ꞌIbu Jesucristomi catamëcë ꞌaish aín uni ꞌicën.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Hechos 26:28

Cacëxun ca Agripanën Pablo cacëxa: —Bënë́nquinshi camina ꞌë Cristonën uni ꞌimitisa tanin.

Romanos 9:24

Raírinëxa judíos uni ꞌimainun raírinëxribi judíosma uni ꞌicëbi ca Nucën Papa Diosan ainan ꞌinun nu ꞌimiaxa.

1 Corintios 3:17

Aín Bëru Ñunshin Upí anu ꞌicë unicamax ca Nucën Papa Diosan iscëx upíira ꞌicën. Usa uni camina mitsux ꞌain. Usa ꞌain ca ui unin cara usa unicama sinanamiquin bëtsi bana ñuixunquin ami manumia, a Nucën Papa Diosan uisa cara oti ꞌicë usoquin ꞌati ꞌicën.

Efesios 1:14

Aín Bëru Ñunshin Upí axa nubë ꞌain cananuna ꞌunanin, anúan Nucën Papa Diosan an caíscë aín unicama biti nëtë sënë́ncëbë cananuna aín nëtënu abë ꞌiti ꞌain, ax quiásabi oi. Ax cushiira ꞌixuan nuibaquin ꞌimicëxunu a rabinun ca usai ꞌiti ꞌicën.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Efesios 3:21

Usa ꞌicë ca Cristo Jesús cupí aín unicaman xënibua ꞌaínbi a rabiti ꞌicën. Usaquin ca ꞌati ꞌicën.

Deuteronomio 10:15

Usa ꞌain ka Nukën ꞌIbu nun chaitiokëkama nuibakëxa, nuibakin ka aín rëbúnkikama kaisakëxa, a kananuna nux ꞌain, usa ꞌaish kamina bëtsi ëmanu ꞌikë uni kamasama ënu nux bërí ꞌain.

Deuteronomio 4:20

Usokin a ñukama unio ꞌixun ka Nukën ꞌIbun mitsu Egipto menuax ꞌaisamaira ñu mëëi anuxun manë xaroti ꞌakë anuax ꞌikësai tëmëraiabi Diosan chikínxun ain uni ꞌinun mitsu ꞌimiakëxa, usa ꞌikë ka ain uni ꞌinun nu ꞌimiaxa.

Deuteronomio 7:6

Mitsux kamina ainan ꞌitia Nukën ꞌIbun kaisa a ꞌain; usa ꞌikë ka Nukën ꞌIbu Diosan achúshi ëma upíira ꞌinun mitsu ꞌimiaxa, usa ꞌaish kamina bëtsi menu ꞌikë ëmakamasamaira upíira ꞌinun mitsu ꞌimiaxa.

Filipenses 3:14

Usoquin ꞌatancëxun cananuna uisaira caranuna aín nëtënu abë ꞌaish asérabi asaribi ꞌiti ꞌai quixun isti ꞌain. Isanan cananuna uisaira oquin cara Cristo Jesúsnan ꞌicë Nucën Papa Diosan nu ꞌimiti ꞌicë quixun isti ꞌain.

Colosenses 1:13

Ñu ꞌatima ꞌatishi sinánan nux cuëëncësabi oíshi ꞌiisa taniabi ca Nucën Papa Diosan aín nuibacë Bacë Bëchicënan ꞌinun nu ꞌimiaxa.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

1 Pedro 1:2

An sinánsabi oquin ainan ꞌinun ca Nucën Papa Diosan mitsu caísacëxa. Aín Bëru Ñunshin Upitan ꞌimicëxmi ainanshi ꞌaish ax quicësabi oi ꞌinun mitsu ꞌimianan ca Jesucristo bama cupí mitsun ꞌuchacama tërë́nquin mitsun nuitu upí ꞌimiaxa. Usaími mitsux Nucën Papa Diosan nuibacëx ꞌicësamaira oi chuámarua ꞌaish bucucanti cana cuëënin.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.

1 Pedro 4:11

Uix cara banati ꞌicë, ax ca Nucën Papa Diosan sinánmicësabi oi banati ꞌicën. Uin cara raíri uni ñu ꞌaxunia an ca Nucën Papa Diosan cushiocëxun upí oquin ꞌati ꞌicën. Usoquin camina Jesucristonan ꞌixun, añu ñu caramina ꞌai a Nucën Papa Diosa cuëëntanun ꞌati ꞌain. Ax ꞌApuira ꞌaish cushiira ꞌicë ca camabi unin rabiti ꞌicën, nëtë xënibua ꞌaínbi. Usaquin ca ꞌati ꞌicën.

Apocalipsis 1:6

nuxnu ainan ꞌaish ax ꞌApu ꞌain nuxribi ꞌapu ꞌinun nu ꞌimianan, nux sacerdote an uni itsi a ñucáxuncë ꞌixun aín Papa Dios rabinun nu ꞌimiaxa. A ca camabi unin rabiquin —mixëshi cushi ꞌaish camina mixira cëñútimoi ꞌApu ꞌin —quixun caquin rabiti ꞌicën. Usaquin ca ꞌati ꞌicën.

Apocalipsis 20:6

Uicamax pain cara baísquicë ꞌicë, acamax ca Nucën Papa Diosan ꞌimicëx aín nuitu upíira ꞌaish cuëëinra cuëënti ꞌicën. Bamatëcëntimoi ca xënibua ꞌaínbi Nucën Papa Diosbë ꞌiti ꞌicën. Bamatëcëntimoi ca Nucën Papa Dios ꞌimainun Cristo cuëënquin rabianan abë mil baritian ꞌapu ꞌiti ꞌicën.

Apocalipsis 5:10

Ië́mianan camina atu Nucën Papa Diosbë ꞌapu ꞌinun ꞌimianan judíos sacerdotesa ꞌimiquin an Nucën Papa Diosbë banaquin a rabicë ꞌimian. Usaquinmi ꞌimicëx ca mibë ënë menu ꞌicë unicaman ꞌapusa ꞌiti ꞌain.

1 Samuel 12:22

Nukën ꞌIbu an ka asérabi nukama kaisakëxa. Usa ꞌixun ka uínsaranbi nukama ënuxunma ꞌaia, anbi ka mitsu aín uni ꞌiti kaisakëxa.