1 Pedro 2:25 - Kashibo-Kakataibo Biblia

²⁵ Carneronëxa ꞌibuñuma ꞌaish ꞌicësari camina mitsux ꞌiacën. Usa ꞌiá ꞌaíshbi camina sinanati Cristomi catamëan. Amia catamëcëxuan aín ꞌibun carnero bëruancësa oquin ca an upími ꞌinun mitsu bërúanquin ꞌaquinia.

Nukën 'Ibu Diosan ain unikama 'inan ain bana

²⁵ Carneronëxa 'ibuñuma 'aish 'icësari camina mitsux 'iacën. Usa 'iá 'aíshbi camina sinanati Cristomi catamëan. Amia catamëcëxuan aín 'ibun carnero bëruancësa oquin ca an upími 'inun mitsu bërúanquin 'aquinia.

1 Pedro 2:25 ပူးပေါင်းရင်းမြစ်များ

Salmos 80:1

An Israel unikama bërúankë; an ka Israelnën rëbúnkikama achúshi ñuina aín ꞌibun bërúankësa okin bërúanti ꞌikën, mix anu ꞌikë anu ka querubinkama ax ꞌikën, ¡usa ꞌain kamina bërí nukaman ñukákëxun kuati ꞌain!

Isaías 40:11

ꞌIanan ka an ñuina bërúankë unían aín ñuina bërúankin; aín ñuinakama nuibakin aín shikami okin ꞌikúkin bixun tuianan, axa bërí bakënkëkamaribi bëruinra okë usaribi okin ꞌaia.

Isaías 53:5

ꞌAínbi ka nun bana kuakëma kupí ax bëtsi bëtsi okin mëëkë ꞌiti ꞌikën, usokin ka nun ꞌuchakama kupí ꞌati ꞌikën; axa usai tëmërakë ꞌain kananuna nux upitax tsótin, ꞌianan kananuna rishkikin aín nami tëakan ꞌain uisabi ꞌikëma upiti tsóti ꞌain.

Isaías 53:6

Kamabi nukamax kananuna ovejakama nëtë́kësa ꞌinun, nukamax achúshi achúshinëx nun kuëënkësoishi niakën, ꞌaínbi ka Nukën ꞌIbun ainansa ꞌikë nun ñu ꞌatima ꞌakëkama kamabi nukamanua mëníokëxa.

Jeremías 23:2

Nukën ꞌIbu Israel unikaman Dios an ka aín unikama ꞌakinkë ꞌapukama ësokin kaia: “Mitsun kamina ꞌën kaískë unikama bërúankinma abístanun abámian. Usa ꞌain kana ꞌën uisakin kaina ñu ꞌaisama ꞌan usakinbi mitsu tëmëramiti ꞌain. ꞌËx kana Dios ꞌaish ësai kin.

Ezequiel 34:6

Usakin ꞌakëx ka amami amami kuani aín bashikama ꞌimainun matá me kamanu kuani ꞌianan, mekamanu kuani abisi nëtë́akëxa, usai ꞌiabi ka uínbi ami sinánkin ꞌakinuxun baritisama tankëxa.

Ezequiel 37:24

ꞌËn uni David aín rëbúnki achúshinëx ka ꞌapu ꞌianan, an atu bërúankë uni achúshishi ꞌiti ꞌikën, usa ꞌixun ka an Diosan bana kikësabiokin ꞌati ꞌikën.

Mateo 18:12

Ësaribi oquin ca Jesusan cacëxa: —Ca ësa ꞌicën. ¿Cien carneroñua ꞌaínbia achúshi amanu cuani nëtëtia cara unin a baritima ꞌic? Raíri noventa y nueve an matá menuxun pasto piia ëbianxun ca axa nëtë́cë a bariti ꞌicën, ¿usa cat?

Mateo 9:36

Uinu cara Jesús ꞌicë anubi ca ꞌaisamaira uni ꞌiacëxa. Usai ꞌia an atu Nucën Papa Dios ñuiquin ꞌunánmianan ami sinánun ꞌaquinti ꞌaíma ꞌain ca axa piánancë ñuinacan ubíocëxa ꞌaracacë ñuina, an a bërúanti aín ꞌibu ꞌaíma ꞌain, bënëti sináncasmai ꞌicësaribiti ꞌiacëxa. Usaia ꞌia atu isquin ca Jesusan a unicama nuibacëxa.

Hechos 20:28

Usa ꞌain camina mitsun mina ñu ꞌaisama ꞌai bërúancati ꞌain. Bërúancanan camina axa Jesucristomi catamëcë unicamaribia upí ꞌinun bërúanti ꞌain. Nucën Papa Diosan Bëru Ñunshin Upitan ca usoquinmi axa Jesucristomi catamëcë unicama bërúanun mitsu ꞌimiaxa. A unicamax ca axa bama cupí Nucën ꞌIbu Jesucristomi catamëcë ꞌaish aín uni ꞌicën.

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,

Hebreos 3:1

ꞌËn xucë́antu, mitsux ainanshi ꞌinun Nucën Papa Diosan ꞌimicë ꞌixun camina, Nucën Papa Diosan a ñuiquin unicama ñuixunun ënë nëtënu xuá ꞌixuan an aín unicama Nucën Papa Dios ñucáxuncë, Cristo Jesús, a uisa uni cara ꞌiacëxa quixun upí oquinra ꞌunánti ꞌain.

Hebreos 5:2

Usa ꞌixun ca axribi uni ꞌicëa ñunshin ꞌatimanën ꞌapun ñu ꞌatima ꞌanun quixun tancëxun ꞌunan ꞌixun uni itsi usaribiti ꞌia ꞌaquinti ꞌunania. An ca, —usa ñu ꞌati ca ꞌaisama ꞌicë —quixun ꞌunánquinma an ñu ꞌacë unicama ꞌimainun, —usa ñu ꞌati ca ꞌaisama ꞌicë —quixun ꞌunánquinbi ꞌacë unicama aribi, ami nishquinma atux upí ꞌinun ꞌaquinti ꞌicën.

1 Pedro 3:20

Bamacëma pain ꞌixun ca a unicaman Nucën Papa Dios cuëëncësabi oquin ꞌaisama tancëxa. Noénëan aín manë nunti ꞌamainun ca unicama aín ñu ꞌatima ꞌacëcama ënun quixun Nucën Papa Diosan caíancëxa. Caíncëxunbia aín ñu ꞌatima ꞌacë ëncëma ꞌicëa aín patsan bacan cëñumainun ca ꞌitsamashi ocho uníxëshi manë nunti mëu atsini ië́acëxa.

1 Pedro 5:4

Usoquin ꞌaia ca Jesucristo, unin ꞌacësamaira oquian an aín unicama bërúancë, an utëcënquin mitsu —asábi ca —quixun catancëxun aín nëtënuaxmi xënibua ꞌaínbi abë cuëënun mitsu ꞌimiti ꞌicën. Ënë nëtënuax cuaiquin canania uisa ñu cara ꞌináncëxun bitsia uni cuëëncëbëbi ca an bicë ñu chëquia. Usaía uni ꞌicë ꞌaínbi camina mitsux xënibua ꞌaínbi Nucën Papa Diosbë ꞌaish cuëënti ꞌain.