1 Pedro 2:24 - Kashibo-Kakataibo Biblia

²⁴ Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.

Nukën 'Ibu Diosan ain unikama 'inan ain bana

²⁴ Nun 'uchacama cëñucë 'aíshnu amiribishi ñu 'atima 'atëcënima, ñu upíshi 'ai tsónun ca Cristo nun 'uchacama bicë cupí i curúsocënu bamacëxa. Mitsúxmi ñu 'atima 'ai 'insíncësa 'aíshbi upí 'inun ca ax 'aisamaira oquin paë tënëi bamacëxa.

1 Pedro 2:24 ပူးပေါင်းရင်းမြစ်များ

Génesis 22:6

Usakin aín uni rabë́ katankëxun ka Abrahamnën aín bëchikënën karu tëapaxun nëakë a ꞌiabiankin buámainun; Abrahamnën tsi, këñun aín manë xëtokë upiokin kuënukë bibiani abëbi kuankëxa.

Isaías 53:11

Usai pain ꞌitsaira tëmëratankëxun ka asérabi kana Diosan kakësabiokin ꞌan kixun ꞌunani kuëënti ꞌikën; usa ꞌain ka Nukën ꞌIbun ka upí ꞌixun ꞌitsaira uni ië́miti ꞌikën, ꞌianan ka unikama ꞌatima ñu ꞌai ꞌuchakë kupín ainansa ꞌain, anun tëmërati ꞌikën.

Levítico 16:22

Kakëxun uanxuan ënkëx anu uni ꞌikëma menuax kuani nëtë́kiankin ka chibu an Israel unikaman ñu ꞌatima ꞌakë anu uni ꞌikëmaira me ruá panákë anuira buánti ꞌikën.

Malaquías 4:2

ꞌAínbi ka an ꞌëx kikësabiokin ꞌakë unikama mitsunan, ꞌën ꞌakë ñu upíkama ax. Barin urukin pë́kabëtsinkësa usaribi ꞌiti ꞌikën, an ka mitsu ië́miti ꞌikën. Usakin ꞌakëx kamina kuëëni vaca bakëkama anuxun pimikë xubunuax chikiti chirinkë usairibi ꞌikanti ꞌain.

Mateo 27:26

Quicëbëtan ca Pilatonën Barrabás chiquíanan suntáru rishquimitancëxun i curúsocënu matásnun quixun atu ꞌináncëxa.

Mateo 5:20

Cana mitsu cain, mitsun an Moisésnën cuënëo bana ꞌunáncë unicama ꞌimainun fariseo unicaman ꞌacësamaira oquin Nucën Papa Diosan bana quicësabi oquin ꞌacëma ꞌaish camina ainanma ꞌianan aín nëtënu abë ꞌitima ꞌain.

Mateo 8:17

Isaías quiásabi oquin ca usaquin ꞌacëxa, ësai quicë: “An ca nun ñucë pëxcüanan an nu paëocëcama nu tërë́caxuanxa”.

Marcos 15:15

Quicëbëtan ca Pilátonën unicamabë upí ꞌiisa tanquin Barrabás chiquíanan rishquimitancëxun i curúsocënu matásnun quixun Jesús atu ꞌináncëxa.

Lucas 4:18

Nucën ꞌIbu Diosan xucëx ꞌënu uax ca aín Bëru Ñunshin Upí ꞌëbë ꞌicën. An ca aín Bëru Ñunshin Upí ꞌinánquin cushioquin ñuñuma unicama upí bana anúan atux Nucën Papa Diosnan ꞌi cuëënun ñuixuanan, axa masá nuitucë unicama upí oquin sinánminun ꞌë caxa. ꞌImainun ca sipuacë ꞌaíshbia upitax chiquíncë ꞌinun ꞌimianan bëxuñu unicama bëxuñuma ꞌinun ꞌimianan bëtsi bëtsi ocë unicama bëtsi bëtsi ocëma ꞌiminun ꞌë caxa.

Juan 1:29

Usaquin unicama coónxun ca Juanën Jesús aia isacëxa. Aia isi ca quiacëxa: —Ca is, ënëx ca unin ꞌucha cupí carnero bamati ꞌaínbia ax bamacë cupí Nucën Papa Diosan camabi unin ꞌucha tërë́nti a ꞌicën.

Juan 19:1

Usa ꞌain ca Pilátonën xubunu atsíntëcënquin Jesús rishquinun quixun suntárucama cacëxa.

Hechos 10:35

Usa ꞌixun ca an aín bana cuaquin ñu upíshi ꞌacë unicama camabi menu ainan ꞌimia.

Hechos 10:39

Jesusan Judea menu ꞌicë ëma chucúmaracamanuxun ꞌanan Jerusalénuxunribi ꞌacë ñucama a cananuna nun isacën. Usoquian ñu ꞌacëbi ca i curúsocënu matásquin unin ꞌacëxa.

Hechos 13:29

Usai ca ax ꞌiti ꞌicë quiáxa a ñui cuënëo bana quiásabi oquin ca bamamiacëxa. Usa ꞌain ca i curúsocënua bamacë bitancëxun mapara naëcënu nanxun mëníocëxa.

Hechos 5:30

Aín Bëchicë, mitsun i curúsocënu uni matásmicë, a ca Nucën Papa Dios, a nun rabicësaribi oquin nucën raracaman rabia, an baísquimiaxa.

Romanos 6:11

Usaribiti camina mitsux Cristobë bamacësa ꞌixun mitsun ꞌucha ashiquin ëncë ꞌaish, abë baísquicësa ꞌaish Jesucristo ꞌicësaribiti Nucën Papa Dios cuëëncësabi oíira ꞌiti ꞌain.

Romanos 6:13

Cristonanma ꞌixun uisa ñu cara ꞌatima ꞌicë quixun ꞌunánquinbi ꞌá ꞌaíshbi camina Cristo cupí Nucën Papa Diosan uni ꞌaish usai ꞌiman. Usa ꞌaish camina mitsux Nucën Papa Diosbë ꞌitimoi bamati ꞌiá ꞌaíshbi bërí aín uni ꞌaish ax cuëëncësabi oi ꞌiti ꞌain. Usa ꞌixun camina mitsun mëcën, mitsun taë, mitsun namicama anun ñu ꞌaisama ꞌaquinma Nucën Papa Dios cuëëncë ñuishi ꞌati ꞌain.

Romanos 6:16

Camina upí oquin ꞌunanin, mitsun uni itsi —ꞌëx cana min uni ꞌiisa tani —quixun catancëxun camina aín uni ꞌixun ax quicësabi oquinshi ñu ꞌaxunti ꞌain. Usaribiti ca uni ñunshin ꞌatimanën ꞌapu cuëëncësa oquinshi ꞌacë ꞌaish aín uni ꞌicën. Aín uni ꞌaish ca Nucën Papa Diosbë ꞌitimoi bamati ꞌicën. Usa ꞌaínbi ca uni itsix Nucën Papa Dios cuëëncësabi oquin ꞌacë ꞌaish aín uni ꞌianan an iscëx upí ꞌicën.

Romanos 6:2

Usama ca. Nun ꞌucha cupí Jesucristo bama ꞌain cananuna nux ꞌuchatëcënuxma abë bamacësa ꞌain. Usa ꞌaish cananuna unin bamaquin aín ꞌucha ashiquin ëncësa usaribi ꞌain. ¿Usa ꞌaish caranuna uisa cupí ꞌuchaíshi tsóti ꞌain?

Romanos 6:22

Mitsúnmi ñu ꞌatima ꞌatëcënxunma ꞌanun Nucën Papa Diosan ꞌimicë ꞌixun camina ax cuëëncësabi oquin ꞌain. Usoquin ꞌaia ca Nucën Papa Diosan mitsu an iscëxmi upí ꞌinun ꞌimia. ꞌImianan ca nëtë́timoimi abë ꞌinun mitsu ꞌimia.

Romanos 6:7

Usa ꞌaish cananuna unían bamaquin aín ꞌucha ashiquin ëncësa usaribi ꞌain.

Romanos 7:6

Usai ꞌiá ꞌaíshbi cananuna nun, ax quicësabi oquin ꞌati bana axa quicësabi oquin ꞌacë cupíma, Cristomi catamëtishi ainan ꞌixun aín Bëru Ñunshin Upitan sinánmicëxun bëtsi oquin sinánquin Nucën Papa Dios cuëëncësabi oquinshi ꞌain.

1 Corintios 15:3

Jesusan aín bana ñuixunun caíscë unicaman ꞌë unánmicë bana, a paínmi ꞌunánun quixun cana ësaquin mitsu cacën: Nun ñu ꞌaisama ꞌacë nu tërë́nxunux ca Cristo bamacëxa. Usai ca ꞌiti ꞌicë quiax ca Nucën Papa Diosan bana cuënëo quia.

2 Corintios 6:17

Ësairibi ca Nucën ꞌIbu Diosan bana quia: Axa ꞌëmi sináncëma unicamabë ꞌima ꞌianan camina atun sináncësaribi oi ꞌicantima ꞌain. Usai ꞌiquin camina ꞌëx cuëëncëma ñu ꞌatima ꞌain. Usai ꞌia cana ꞌënan mitsu ꞌimiti ꞌain.

Gálatas 3:13

A bana, usai ca judíos unicama ꞌiti ꞌicë quixun Moisésnën cuënëo, a banacamaxa quicësabi oquiinra ꞌacëma ꞌicë, nu uisa cara oti ꞌicë usoquin ꞌati ꞌixunbi ca Nucën Papa Diosan nu ꞌaquinma, Cristo, nun ꞌucha cupí tëmëramia cupí, nu ami catamëtia uisotima ꞌicën. Camabi unin ꞌucha cupí ca ꞌuchañuira uni ꞌicësari Cristo i curúsocënu bamacëxa, Nucën Papa Diosan bana cuënëo ësai quicësabi oi: “Ui unix cara i curúsocënu matáscë ꞌicë ax ca asérabi ꞌuchañuira ꞌaish Nucën Papa Diosan uisaira cara oti ꞌicë usoquin ꞌacë ꞌiti ꞌicën”.

Efesios 5:9

Nucën ꞌIbu Jesucristonan ꞌaish ca uni upí sinánñu ꞌianan asérabi banáinshi bananan ñu upíshi ꞌaia. Usaribi camina mitsux ꞌiti ꞌain.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Colosenses 2:14

Usa ꞌixun ca Nucën Papa Diosan nun ꞌuchacama tërë́nxunquin, nun nu Moisésnën cuënëo bana quicësabi oquin ꞌacëma ꞌicëbi Cristo i curúsocënu bama cupí, nun ꞌuchacama sinántëcënuxunma nu tërë́nxuancëxa.

Colosenses 2:20

¿Mitsux ꞌuchatëcënuxma Cristobë bamacësa ꞌaíshbi caramina uisa ꞌaish bërámami unin ñuicë ënë nëtënu ꞌicë ñuishi sinánquin rabicësa ꞌitëcënin?

Colosenses 3:3

Mitsun ꞌucha cupía Cristo bama ꞌain camina ꞌuchatëcëntimoi abë bamacësa ꞌain. Usa ꞌaish camina axa baísquitancëx abë ꞌain, mitsúxribi aín Papabë ꞌain, mitsux Cristobë ꞌaish.

Hebreos 10:10

Jesucristo aín Papa Dios cuëëncësabi oi, bamatsianxmabi achúshitishi bama ꞌain cananuna nux Cristo bama cupí Nucën Papa Diosan iscëx nun ꞌucha tërë́ncë ꞌaish asérabi ainan ꞌain.

Hebreos 10:5

Usa ꞌain ca Cristonën ënë nëtënu uquin aín Papa Dios ësaquin cacëxa: Ñuina unin rëxun xaroti cuëënquinma camina ꞌëx uni ꞌaish unicaman ꞌucha cupí bamati mëníon.

Hebreos 12:13

Usa ꞌixunmi mitsun aín cuëëncësa oquin ꞌaia isquin ca raíri uniribi ami catamëti upí oquin ꞌunáncëma ꞌaíshbi a ëníma mitsux ꞌicësaribiti ꞌiti ꞌicën. Usaía atux ꞌinun camina Jesucristomi catamëquin aín cuëëncësa oquin ꞌati ꞌain.

Hebreos 7:26

Usa ꞌaían Jesús axira nun sacerdote ꞌiti ca upíira ꞌicën. Nucën Papa Diosan iscëx upíira ꞌixun ñu ꞌatima ꞌacëma ꞌianan ñu ꞌatima ꞌati sináncëma ꞌianan ax upíira sinánñu ꞌaish ca aín Papabë ꞌApuira ꞌicën.

Hebreos 9:28

Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.

Santiago 5:16

Usa ꞌain camina mitsúnmi min ꞌatimaquin sináncë a ñuixuananquin abëmi Jesucristomi catamëcë uni raíribë mia usa ñucama mëníoxunun Nucën Papa Dios ñucáxuananti ꞌain. Upíira oquin sinánquin ñucácë cupí ca Nucën Papa Diosan upí oquin uni ꞌaquinti ꞌicën.

1 Juan 2:29

Mitsun camina, Jesucristo ax ca asérabi upí ꞌicë quixun ꞌunanin. Usa ꞌixun camina ësaquinribi ꞌunánti ꞌain, an upí ñu ꞌacë unicamax ca Nucën Papa Diosan bëchicë ꞌicë quixun.

1 Juan 3:7

ꞌËn bëchicësa ꞌicë, cana mitsu cain, unin paráncë camina ꞌitima ꞌain. An upí ñu ꞌacë uni ax ca Jesucristosaribi ꞌaish aín nuitu upí ꞌicën.

Apocalipsis 22:2

A bacax ca a ëmanu ꞌicë bai cha anúnbi xobucë ꞌiaxa. A bacax ca ꞌunpax ꞌaíshbi Nucën Papa Diosan cushi anúan uni bamatimoi tsóti, a ꞌiaxa. A baca aín cuëbí rabë́ amo anu ca i achúshi ꞌiaxa. Camabi baritian ca a in mëcën rabë́ ꞌimainun rabë́ oquin tuaxa, ꞌuxë camabi. A bimix i bimisa ꞌaíshbi ca ax anúan uni bamatimoi tsóti, a ꞌiaxa. A i pëchix ca camabi menuax ucë uníxa anun ꞌinsíntëcëntimoi bucuti a ꞌiaxa.