1 Pedro 2:21 - Kashibo-Kakataibo Biblia

²¹ Usaími ꞌinun ca Nucën Papa Diosan mitsu aín uni ꞌimiaxa. Cristonën ca ñu ꞌatima ꞌacëma ꞌixunbi mitsu cupí tëmëracëxa. Usaribi oquin camina ñu atima ꞌacëma ꞌaish tëmëraquinbi tanshiti ꞌain.

Nukën 'Ibu Diosan ain unikama 'inan ain bana

²¹ Usaími 'inun ca Nucën Papa Diosan mitsu aín uni 'imiaxa. Cristonën ca ñu 'atima 'acëma 'ixunbi mitsu cupí tëmëracëxa. Usaribi oquin camina ñu atima 'acëma 'aish tëmëraquinbi tanshiti 'ain.

1 Pedro 2:21 ပူးပေါင်းရင်းမြစ်များ

Mateo 10:38

—A ꞌai bamanuxunbi cana Jesúsmi catamëti bana ënquinma ꞌai —quixuan an sináncëma uni ax ca ꞌën uni ꞌitima ꞌicën.

Mateo 11:29

Mitsúxmi cuëënia cana uisari caramina upí ꞌiti ꞌai quixun mitsu ꞌunánmiti ꞌain. Ñu caquinma cana tëmëraquinmami ꞌati sënë́inshi ꞌëx cuëëncësabi oi ꞌinun mitsu ꞌimiti ꞌain. ꞌImixun ꞌën ꞌaquincëx camina upí oquin sinani chuámashirua tani cuëënti ꞌain.

Mateo 16:24

Catancëxun ca aín ꞌunánmicë unicama ësaquin Jesusan cacëxa: —Uix cara ꞌën uni ꞌiisa tania an ca a ꞌai bamanuxunbi ꞌëmi catamëti quicë bana ënquinma ꞌati ꞌicën.

Lucas 24:26

¿A bana quicësabi oi cara Cristo, ax aín Papabë ꞌApu ꞌi cuancëma pan ꞌaish, paë tani tëmërati ꞌiax?

Juan 13:15

Ënëx ca a tanquinmi usaribi oquin ꞌacanun ꞌën mitsu ꞌacë ꞌicën.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Hechos 14:22

A ëmacamanu ꞌiquiani cuanquin ca axa Jesucristomi catamëcë unicama cushioquin Jesucristomi catamëti ënxunma ꞌanun ꞌësëanan nux Nucën Papa Diosnan ꞌaish cananuna uni itsían bëtsi bëtsi ocë ꞌiti ꞌai quixun cacëxa.

Hechos 17:3

Cuënëo bananu ñuicësabi oquin ꞌunánmianan ca —a bana quicësabi oi ꞌiti ꞌaish ca Cristo paë tantancëx bamatancëx baísquiaxa —quixun canan ca —ꞌën mitsu ñuixuncë Jesús abi ca axa uti nun caíncë Cristo ax ꞌicë quixun ñuixuancëxa.

Hechos 9:16

Usoquin ꞌë ñuiquin bana ñuixunquin ca ꞌunánti ꞌicën, uisairai cara ꞌënan cupí tëmëraia quixun.

Romanos 8:29

Ui unicama cara ainan ꞌiti ꞌicë quixun ꞌunánquin ca Nucën Papa Diosan aín Bëchicënëxa aín unicaman cushi ꞌinun atux aín Bëchicë ꞌicësaribiti ꞌinun mëníocëxa.

1 Corintios 11:1

ꞌËx Cristo ꞌiásaribiti ꞌicësaribiti camina mitsúxribi ꞌiti ꞌain.

Efesios 5:2

Nucën Papa Dios cuëëncësabi oquin judíos unin aín ꞌucha cupí rëcë́xa carnero ꞌiásaribiti ca bamatsianxmabi Cristo nu nuibati nun ꞌucha cupí bamacëxa, ami catamëtíshinu ië́nun. Cristonëan nu usoquin nuibacë ꞌain camina mitsúxribi usaribiti bëtsibë bëtsibë nuibananti ꞌain.

Filipenses 2:5

Jesucristonëan ꞌásaribi oquin camina sinánti ꞌain.

1 Tesalonicenses 4:2

Nucën ꞌIbu Jesusan cacësabi oquin nun mitsu cacë bana camina mitsun ꞌunanin.

2 Timoteo 3:12

Asérabi ca axa Cristo Jesús quicësabi oi ꞌiisa tancë unicama unin bëtsi bëtsiocëx tëmërati ꞌicën.

Hebreos 2:10

Nucën Papa Diosan ca camabi ñu ainan ꞌinun uniocëxa. Usoquin ꞌá ꞌaish ca, an aín bana cuacë aín bëchicëcamaxa aín nëtënu abë ꞌiti cuëënia. Usa ꞌixun ca axa uni ꞌaish tëmëranan paë tani bamacë cupíshi Nucën Papa Diosan ainan ꞌinun uni ië́minun Jesucristo ꞌimiacëxa.

1 Pedro 1:20

Cristo ca usai ꞌiti ꞌicë quixun ca camabi ñu unioisama pain ꞌixunbi Nucën Papa Diosan mëníocëxa. Usaquian mënío ꞌain ca aín uti nëtë sënë́ncëbëishi usai ꞌinux Cristo ënë menu uacëxa, mitsúxmi ami catamënun.

1 Pedro 2:24

Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.

1 Pedro 3:9

An mitsu ꞌatimocë unicama camina cupiquin aribi ꞌatimotima ꞌain. Axa mitsumi ꞌatimati banacë unimi camina mitsúxribi ꞌatimati banatima ꞌain. Usai ꞌimi bëtsibë nuibanani upitax bucunun ca Nucën Papa Diosan ainan ꞌinun mitsu caísacëxa.

1 Pedro 4:1

Uni ꞌixun ca Cristonën tëmëraquin paë tancëxa. Usa ꞌain camina ꞌunánti ꞌain, mitsúnribi camina —sapi cana tëmëraquin paë tanti ꞌai —quixun sinánti ꞌain. Uin cara Jesucristonan cupí tëmëraquin paë tanxa an ca ñu ꞌatima ꞌai ꞌuchati ëanxa.

1 Pedro 4:13

Bënë́quinma camina sinánti ꞌain, ami nishquian unin bëtsi bëtsi ocë́xa Cristo tëmërasaribi oquin cananuna nunribi tëmërai quixun. Usaquin sinani camina tëmëraibi cuëënti ꞌain, usaribiti ꞌApuira ꞌaísha Cristo aia isi cuëënux.

1 Juan 2:6

Usa ꞌain ca axa —ainan ꞌaish abë ꞌicë ca Nucën Papa Diosan ꞌë sinánmia —quicë uni, ax Jesucristo ꞌiásaribiti ꞌiti ꞌicën.

1 Juan 3:16

Jesucristo nu nuibati bama cupí cananuna ꞌunanin, usari ca uni nuibati ꞌiti ꞌicë quixun. Usaquin ꞌunánquin cananuna ꞌunanin, Jesucristonën ꞌásaribi oquin cananuna nunribi a ꞌaquincë cupí bamanuxunbi ꞌaquinquin bëtsi uni nuibati ꞌai quixun.

Apocalipsis 12:11

Aín unicama, nucën xucë́antu, ax ca Carnero ꞌicësaribitia unin ꞌucha cupí bama, ami catamëcë cupí atun ꞌucha tërë́ncë ꞌianan aín bana ënquinma sináncë ꞌaish, ñunshin ꞌatimanën ꞌapúan ꞌatima ñu ꞌamicëma ꞌiaxa. Atun ca axa ami nishcë unin bëtsi bëtsi ocëx bamatisa ꞌixunbi Nucën Papa Diosmi sinánti ëncëma ꞌicën.