1 Pedro 2:17 - Kashibo-Kakataibo Biblia

¹⁷ Camabi uni camina upí oti ꞌain. Axa Jesucristomi catamëcë unicama camina nuibati ꞌain. Nucën Papa Diosmi camina racuë́ti ꞌain. Racuë́anan camina mitsun ꞌapu quicësabi oquin ñu ꞌati ꞌain.

Nukën 'Ibu Diosan ain unikama 'inan ain bana

¹⁷ Camabi uni camina upí oti 'ain. Axa Jesucristomi catamëcë unicama camina nuibati 'ain. Nucën Papa Diosmi camina racuë́ti 'ain. Racuë́anan camina mitsun 'apu quicësabi oquin ñu 'ati 'ain.

1 Pedro 2:17 ပူးပေါင်းရင်းမြစ်များ

Génesis 20:11

ësokian kakëxun ka Abrahamnën kakëxa: —ꞌËn kana ënë menu ꞌikë unikaman Nukën ꞌIbu Dios kikësama oi ꞌikësa sinan, usa ꞌixun ka ꞌën xanu Sara bikin ꞌë ꞌakánti ꞌikë kixun.

Génesis 22:12

Kakëxun ka Nukën ꞌIbu Diosan ángelnën amiribishi kakëxa: —Min bëchikë uisabi oxuma ka ꞌat, bërí ka Nukën ꞌIbu Diosan mixmi asérabi ami sinánkëxun, min nuitu ꞌunánxa min kamina min bëchikë ñuñakima achúshira ꞌikëbi nuibakinma a rabikin ꞌakatsi ꞌian.

Génesis 42:18

usakin sipuaxunbi ka rabë́ ꞌimainun achúshi nëtë ꞌikëbëtan atu kakëxa: —ꞌËx kana Dios kikësabi oi ꞌikë uni ꞌain. Usa ꞌain kamina mitsun ꞌën kakësabiokin ꞌati ꞌain, mitsúxmi nu këmë kuatsinxun ꞌutuni ukë ꞌikëbi:

Éxodo 20:12

Min papan bana kuanan kamina min titan banaribi kuanti ꞌain. Usai ꞌi kamina ꞌëx mitsun Dios ꞌixun ꞌinánkë me anu xënibua. ꞌAínbi tsóti ꞌain.

Proverbios 1:7

Uikamax kara ñu ꞌunánkëira ꞌisatania an ka Diosan bana kikësabiokin ꞌakin; uisai kara a banakama kia usabi okin ꞌati ꞌikën; ꞌaínbi ka an bana kuakëma unikama ax uisabi okin kati kuëënima ꞌianan, uisa bana upibi ꞌunámikin kaisama ꞌikën.

Levítico 19:32

Uni apankama mi rapasu ukëbë kamina ax kuaintamainun niruti ꞌain. Usai ꞌi kamina ꞌëx kikësabi oi ꞌiti ꞌain. ꞌËx kana mitsun ꞌIbu a ꞌain.

Mateo 22:21

Cacëxun ca atun cacëxa: —Ax ca Césarnën bëmánan tanquian ꞌacë ꞌimainun Césarnën anë ꞌicën. Usaquin cacëxun ca Jesusan cacëxa: —Ami mitsun ꞌatia César cuëëncë a ñu camina ꞌati ꞌain, axa mitsun ꞌapu ꞌain. ꞌAnan camina ami mitsun ꞌatia Nucën Papa Dios cuëëncë a ñu ꞌati ꞌain, axa mitsun Papa Dios ꞌain.

Juan 13:35

Micamaxmi bëtsibë nuibanania isquin ca camabi unin, ënë unicamax ca asérabi Jesusan ꞌunánmicë ꞌicë quixun ꞌunánti ꞌicën.

Romanos 12:10

Camina bëtsibë bëtsibë ꞌaquianani nuibananti ꞌain, mitsun xucë́nbë ꞌicësaribiti. Asamaira ꞌiisa tanquin ꞌatimoquinma camina bëtsi uni isquin upí oquin ꞌaquinti ꞌain.

Romanos 13:7

Nucën Papa Dios cuëëncësabi oquin camina ꞌapu buánmiti curíqui buánmicë ꞌinun ꞌinánti ꞌain. Mitsun ëmanu ꞌicë uniribia ꞌapun anëcë ꞌain camina an cacësabi oquin ñu ꞌati ꞌain, mitsun ëmacamaxa upí ꞌinun. Mitsun cushibë cuëbicananquinma camina aín bana cuati ꞌain.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

Efesios 5:21

Nucën Papa Diosnan ꞌaish camina bëtsibë nishananima an cacëxun aín bana cuati, uni raíribë nuibananti ꞌain.

Filipenses 2:3

Bëtsi uni ꞌaquinti sinánquinma camina minánshi ꞌiti ñu ꞌatima ꞌain. ꞌËx cana bëtsi unisama ꞌai quixun sinani rabíquinma camina —uni raírinëx ca ꞌëx ꞌicësamairai upí ꞌicë —quixun sinánti ꞌain.

1 Timoteo 6:1

An uni ñu mëëxuncë uni, ax Jesucristomi catamëcë ꞌixun ca an ñu mëëmicë uni ñuiquinma upíxuinshi ñu mëëxunti ꞌicën, unían Nucën Papa Dios ñuianan aín banaribi ꞌatimaquin ñuiti rabanan.

Hebreos 13:1

Mitsux Jesucristonan ꞌaish camáxbi xucë́nsa ꞌaish camina mitsux ꞌicësabi bëtsibë bëtsibë nuibanani ꞌiti ꞌain.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Pedro 2:13

Nucën ꞌIbu Jesucristomi sináncë ꞌixun camina camaxunbi mitsun ꞌapucama ënë menua unin ꞌapu ꞌimicë, axa quicësabi oquin ñu ꞌati ꞌain. Amiira unicama cushicë ꞌapucëñunbi,

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.

1 Samuel 15:30

—ꞌËx kana ꞌuchan —kiax ka Saúl amiribishi kítëkëankëxa—. Usa ꞌaínbi kana mi amiribishi katëkënin Israel kaman kushi ꞌimainun kamabi unikaman, ax ka asérabi nun ꞌapu ꞌikë kixun mi sinánun kamina ꞌëbë kuanti ꞌain. Usa ꞌain kamina ꞌëbë kuantëkëntankëxun Nukën ꞌIbu rabi kuanti ꞌain kixun ka katëkëankëxa.