1 Pedro 2:10 - Kashibo-Kakataibo Biblia

¹⁰ Bëráma Nucën Papa Dios ꞌunáncëma ꞌiá ꞌaíshbi camina mitsux bërí aín uni ꞌain. An ca mitsu nuibaquin ꞌaquinti ꞌicë quixun ꞌunáncëma ꞌicëbia Nucën Papa Diosan nuibaquin mitsun ꞌuchacama tërë́nxuan ꞌaish camina ainan ꞌain.

Nukën 'Ibu Diosan ain unikama 'inan ain bana

¹⁰ Bëráma Nucën Papa Dios 'unáncëma 'iá 'aíshbi camina mitsux bërí aín uni 'ain. An ca mitsu nuibaquin 'aquinti 'icë quixun 'unáncëma 'icëbia Nucën Papa Diosan nuibaquin mitsun 'uchacama tërë́nxuan 'aish camina ainan 'ain.

1 Pedro 2:10 ပူးပေါင်းရင်းမြစ်များ

2 Samuel 7:24

Min kamina Israel unibunëxa xënibua ꞌaínbi min uni ꞌiti kuëënxun usakin ꞌakën, ꞌanan kamina mix Dios ꞌixun usakin ꞌakë ꞌaish nun Diosribi ꞌiti ꞌain.

Oseas 2:23

Usa ꞌain ka ꞌën me ꞌinánkëx anu tsóti ꞌën unikamax ꞌënanshi ꞌiti ꞌikën; usa ꞌain kana mi kana nuibatima kixun kakin ꞌën Lo-ruhama, kakin anëkin Israelkama nuibati ꞌain, ꞌimainun kana. Lo-amí ꞌën unima kamina ꞌai kixun ꞌën kakë Israelkama bërí kamina ꞌën unikama ꞌai kixun kati ꞌain, kakëxun ka atun mix kamina ꞌën Dios ꞌai kixun ꞌë kati ꞌikën. Kiax ka Dios kiakëxa.”

Romanos 10:19

Ësaquinribi cana sinanin, ¿Judíos unicaman cara a bana Cristo ñuicë cuaquin, uisai quicë cara a bana ꞌicë quixun ꞌunánma ꞌic? ꞌUnántsinxunbia judíos unicaman a bana cuaisama tania oquin ca Nucën Papa Diosan judíos unibu caquin, Moisés ësaquin cuënëomiacëxa: Judíosma unibunëxa mitsun aintsima ꞌicëbi ꞌën ꞌënan ꞌimicëbë camina mitsux nutsi nishti ꞌain. Mitsúnmi a —sinánñuma ca —quixun ñuicë unicama ꞌën ꞌënan ꞌimicëbë camina mitsux ꞌëmi nishti ꞌain.

Romanos 11:30

Mitsux judíosma unibu ꞌixun aín bana ꞌunanima camina Nucën Papa Dios cuëëncësoi ꞌiáma ꞌain. Usai ꞌiáma ꞌicëbi ca judíos unibu ami sinántisama tancë ꞌain Nucën Papa Diosan ainan ꞌinun mitsu ꞌimiaxa.

1 Corintios 7:25

Nucën ꞌIbu Jesusan sinánmicëma ꞌëxbi cana, bënëñuma xanu ꞌimainun xanuñuma uni ñuiquinmi mitsun ꞌë ñucácë a ñui ësai quin, Nucën ꞌIbu Jesusan aín bana unicama ax cuëëncësabi oquin ñuixunti ꞌimicë ꞌaish.

1 Timoteo 1:13

Jesús ñui ꞌatimati bananan ꞌatimaquin sinánquin aín unicama tëmëramianan ꞌatimaquin ñuia ꞌicëbi ca ꞌë aín uni ꞌimiacëxa. ꞌËx Jesucristomi catamëcëma pan ꞌianan ax ca Nucën Papa Diosan Bëchicë ꞌicë quixun ꞌunáncëma ꞌixun usoquin ꞌa ꞌicë ca Nucën Papa Diosan nuibaquin ꞌën ꞌuchacama ꞌë tërë́nxuancëxa.

Hebreos 4:16

Asérabi ca usa ꞌicë quixun ꞌunánquin cananuna ami racuë́quinma, an nu nuibacë Nucën Papa Dios a nun ꞌuchacama tërë́nquin nu ꞌaquinun ñucáti ꞌain, an nu nuibacë cupí. Usaquin cananuna anúnu uisai cara ꞌicë nëtën, nuibaquian nu ꞌaquinun ñucáti ꞌain.