1 Pedro 2:1 - Kashibo-Kakataibo Biblia

¹ Usa ꞌain camina Nucën Papa Diosnan ꞌixun ñu ꞌatimacama, cëmëti, uni paránti, nutsiti, unibë ñuiananti, acama ënti ꞌain.

Nukën 'Ibu Diosan ain unikama 'inan ain bana

¹ Usa 'ain camina Nucën Papa Diosnan 'ixun ñu 'atimacama, cëmëti, uni paránti, nutsiti, unibë ñuiananti, acama ënti 'ain.

1 Pedro 2:1 ပူးပေါင်းရင်းမြစ်များ

Salmos 32:2

Chuámarua ka uni ꞌatima ñu ꞌati sinánkëma ax ꞌikën, usa ꞌikë ka Nukën ꞌIbun a ꞌatimokin isima.

Salmos 34:13

Mix ꞌatimai banakë a kamina ënti ꞌain, usai ꞌi kamina min kuëbitan këmëi banatima ꞌain.

Salmos 37:1

An ꞌatima ñu ꞌakë unikama rabanan nëëti kamina nishtima ꞌain, ꞌianan kamina uni ꞌatima kaman ñu ꞌakëbëbi atumi nutsitima ꞌain;

Salmos 73:3

ꞌËx kana ꞌatima sinánñu unikama ꞌimainun axa rabiakakë unikama ñuñu ꞌia, isi atumi xuamati nishakën.

Proverbios 24:19

An ñu ꞌatima ꞌakë unikaman uisa ñu kara ꞌakëbëbi kamina ami nishtima ꞌain, ꞌianan kamina an bana kuakëma unikaman ñu ꞌaiabi a istisama tani nutsitima ꞌain,

Mateo 15:7

Mitsux camina cëmë ꞌain. Isaíasnëan mitsu ñuiquin cuënëo bana ca ësai quia:

Mateo 23:28

Usaribi camina mitsux ꞌain. Mitsúnmi bëtsi bëtsi ñu ꞌacë cupía unin mitsu upí isti ꞌixunbi camina mitsun nuitu upíma ꞌixun atu paranin.

Mateo 24:51

Uquin ca usai ꞌia isquin ꞌatimonan anu an uni paráncë unicama ꞌicë anua ꞌinun ꞌimiti ꞌicën. Anuax ca anu ꞌicë unicamax paë tani bënëti inti ꞌicën.

Mateo 7:5

Mitsun pain mitsun bëru xamë́nu ꞌicë i mo a bitancëxun camina upí oquin isquin bëtsi uni aín bëru xamë́nu ꞌicë i sani chamaratsu bixunti ꞌain.

Marcos 12:15

Cacëxun ca Jesusan —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin cacëxa: —ꞌËmi manánuxun ꞌëx caraisna uisai qui cuacatsi quixun camina ꞌë usoquin cain. Uisa cara isnun ca ꞌapu buánmiti manë curíqui achúshi ꞌë bëxun.

Lucas 11:44

Mitsux camina cëmë́ntapun ꞌain. Anu uni maíncë meesaribi camina mitsux ꞌain. A me ꞌunánti ocëma ꞌain ca uni raírinëx anun niquin —uni bamacë ca anu maíncë ꞌicë —quixun ꞌunanima. A meesaribi camina mitsux ꞌain. Unían mitsun nuitu ꞌunánquinma upíisa quixun sináncë ꞌaíshbi camina mitsun nuitu mëú upíma ꞌain. Usai mitsux ꞌiti cuëënquinma ca uisa cara oti ꞌicë usoquin Nucën Papa Diosan mitsu ꞌati ꞌicën.

Lucas 12:1

Usomainun ca ꞌaisamaira uni timëcamëꞌëoi tsitsirui anu niti ꞌaíma ꞌain bëtsibë bëtsibë chácanancëxa. Usaía ꞌimainun ca Jesusan aín ꞌunánmicë unicama cacëxa: —Fariseo unibu atux anun pán chamiti ñusa ꞌicë usaribi ꞌitin rabanan camina bërúancati ꞌain. Ësai quiquin cana ësoquin mitsu cain, bana ñuixunquin ca atun ꞌatimaquin unicama parania. Usaquinribi camina mitsun ꞌatima ꞌain.

Lucas 6:42

¿Mitsun bëru xamë́nu ꞌicë i mo mëníoquin bicëma ꞌixun caramina uisa cupí —i sani chamaratsu min bëru xamë́nu ꞌicë camina ꞌë bimiti ꞌai —quixun bëtsi uni cati ꞌain? Mitsun pain mitsun bëru xamë́nu ꞌicë i mo a bitancëxun camina upí oquin isquin bëtsi uni aín bëru xamë́nu ꞌicë i sani chamaratsu bixunti ꞌain.

Juan 1:47

Cabianquin buáncëxa Natanael aia isi ca Jesús quiacëxa: —U unix ca asérabi Israel uni upí ꞌicën, uni paráncëma ca ux ꞌicën.

Romanos 1:29

Usa ꞌixun ca uisa ñucamax cara ꞌatima ꞌicë acama ꞌaia, bëtsi uni ꞌatimonan, ainanmabi uni itsin ñu biisa tanan, aín xanuma ꞌaínbi xanubë ꞌianan, xanúxmabi bëtsi unibë ꞌianan, bëtsi uni ꞌicësamaira oi ñuñu ꞌiisa tania. ꞌIanan ca uni ꞌaisa tanan, bëtsibë cuëbicanánan, uni itsi paránan, uni itsimi ꞌatimati banaia. Usa ꞌaish ca a unicamax ꞌaisamairai banai uni itsimi manania.

1 Corintios 14:20

ꞌËn xucë́antu, tuáratsunën sináncësa oquin camina sinántima ꞌain. Ñu ꞌatima ꞌati ꞌunáncëma ꞌaísha tuáratsu ꞌicësaribiti camina ꞌiti ꞌain. ꞌIananbi camina bëtsi ñucama sinánquin uni apanën upí oquin sináncësabi oquin sinánti ꞌain.

1 Corintios 5:8

Usa ꞌixun cananuna nun ꞌása oquin ꞌatimaquin sinánquinma upí oquinshi sinánan cëmë ꞌixun uni paránquinma, —nun ꞌucha tërë́ncë ꞌaíshnu Nucën Papa Diosnan ꞌinun ca Cristo bamacëxa —quixun sinánti ꞌain. Usa ꞌixun cananuna ñu ꞌaisama ꞌati sinanima asérabi Cristomishi sinani ax cuëëncësabi oíshi ꞌiti ꞌain.

2 Corintios 12:20

ꞌËn mitsu isi cuanxun iscëxbi sapi camina ꞌën sináncësama ꞌicanti ꞌai quixun cana sinanin, ꞌëxribi mitsun sináncësama ꞌimainun. Usa ꞌixun cana sinanin, mitsux sapi camina nutsi cuamianani cuëbicananan, bëtsibë bëtsibë nishánancë ꞌianan, bëtsimi manáncë ꞌianan, minainshi ñu ꞌati sinánan bëtsi unibë ñuianancë ꞌianan, rabiacaquin upí oquin sináncëma uni ꞌain.

Efesios 4:31

Usa ꞌain camina uinu ꞌicë unibëbi nishanantima ꞌain, uni itsimi camina xuamati nishtima ꞌain, unibë camina ñu canantima ꞌain, uni ñui camina ꞌatimati banatima ꞌain, uisa ñu cara ꞌatima ꞌicë a camina ꞌatima ꞌain.

1 Tesalonicenses 2:3

Nun cananuna Jesucristo ñuiquin bëtsi oquin uni bana ñuixuncëma ꞌain. ꞌImainun cananuna ꞌatimaquin sinanx banaquin uni paráncëma ꞌain.

1 Timoteo 3:11

An axa Jesucristomi catamëcë unicama ꞌaquincë unin xanux ca —upí xanu ca —quixuan camabi unin ꞌunáncë ꞌiti ꞌicën, ca cëmëi bëtsimi manáncëma ꞌiti ꞌicën, paë́ncëma ꞌianan ca aín ñu ꞌati upí oquin ꞌacë ꞌiti ꞌicën.

Tito 2:3

Xanu apáncama camina usaribi oquin cati ꞌain, ami sinani ca Nucën Papa Dios cuëëncësabi oi upí nuituñu ꞌiti ꞌicë quixun. Bëbu ꞌimainun xanunbi ca cëmë bana ñuitima ꞌicën. Ca paë́ntima ꞌicën. Atúan aín sinan upí ꞌixun ñu upí ꞌaia isquin ca atun xanu tuácama ꞌimainun atun ñe xutacamanribi usaribi oquin ꞌati ꞌicën.

Hebreos 12:1

A unicamaxa ꞌiásaribiquin ca nubë ꞌicë ꞌitsa unin tëmëraquinbi —Nucën Papa Diosan ca asérabi aín quicësabi oquin nu ꞌaquinti ꞌicë —quixun ꞌunánquin ami catamëquin ënima. Atúxa ꞌicësaribiti ꞌinuxun cananuna an nu ꞌatimaquin sinánmicë a ñucama ëanan an usabi ꞌitioquin nu ꞌatima ꞌimicë ñucamaribi ënti ꞌain. Acama ënquin cananuna bënë́quinma añu ñu ꞌën ꞌati cara Nucën Papa Dios cuëënia quixun sinánquin upí oquin ꞌati ꞌain. Cuai bëtsibë upiti abáti cupí ca unin an ië́ocë ñu nania, usaribiquin cananuna upí oquin nun ꞌati ñu ꞌanuxun, uisa ñun cara nu ꞌatimaquin sinánmia, a ënti ꞌain.

Santiago 1:21

Usa ꞌain camina ñu ꞌatima ꞌaisamaira oquinmi mitsun ꞌacë a ëanan uisa ñucama cara ꞌaisama ꞌicë ënti ꞌain. A ënquin camina ami cuacë Nucën Papa Diosan bana a mitsun nuitu mëu racanaquin upí oquin sinánti ꞌain. Mitsúnmi cuacë bana ënë́xa quicësabi oquin, Jesucristomi catamëcë ꞌixun, ꞌacë ꞌaish camina Nucën Papa Diosnan ꞌinux ië́canti ꞌain.

Santiago 3:14

Usa ꞌaínbi camina mitsux unimi nishcë ꞌianan uni itsimi sinánanima nutsi mixëshi ñuñu ꞌiti cuëëncë ꞌixun, rabiacáquin —ꞌëx cana ñu ꞌunáncë ꞌai —quixun sinántima ꞌain. Usaquin sináncë ꞌaish ca min bana cëmëcë ꞌicën.

Santiago 4:11

ꞌËn xucë́antu, cana mitsu cain, Jesucristomi sináncë ꞌaish camina axribia ami sináncë unicamabë ñuianantima ꞌain. Axa abëa Jesucristomi sináncë uni ñui —ax ca ꞌaisama ꞌicë —quicë uni ax ca —Nucën Papa Diosan banax ca ꞌaisama ꞌicë —quicësa ꞌicën. Usai qui camina mitsux Nucën Papa Diosan bana quicësabi oquin ꞌaíma a banax ca cuatima ꞌicë quicësa ꞌain.

Santiago 4:5

Nucën Papa Diosan bana cuënëo ax ca ësai quia: “Nucën Papa Diosan ca ainan ꞌicë nu ñuñaia. Usa ꞌain ca an nubë ꞌinun nu ꞌináncë aín Bëru Ñunshin Upí ax bëtsi ñu ꞌaquinmanu ax cuëëncësa oquinshi ꞌati cuëënia”. A banax ca asérabi ꞌicën. Usa ca ax ꞌicë quixunu ꞌunánti oquin ca Nucën Papa Diosan aín uni usoquin cuënëomiacëxa.

Santiago 5:9

ꞌËn xucë́antu, Nucën Papa Diosan anun camabi uni aín nuitu ꞌunánquin uisoquin cara ñu ꞌaxa quixun isti nëtë ꞌurama ꞌain, camina mitsúxmi an ꞌuchocëma ꞌinun, uni raíribë ñuianani nishanantima ꞌain.

1 Pedro 2:16

Mitsun upí ñuishi ꞌai camina ꞌapucamami racuë́tima ꞌain. Usa ꞌaíshbi camina —ꞌëx cana camabi unin iscëx upí uni ꞌai —quixun sinánquin amo cëmëanan ñu ꞌatima unë́xun ꞌati sinántima ꞌain. An asérabi Nucën Papa Dios cuëëncësabi oquinshi ꞌacë unisa camina ꞌiti ꞌain.

1 Pedro 2:22

Cristonën ca uisa ñu ꞌatimabi ꞌama ꞌicën. ꞌAnan ca uisaquinbi uni paránma ꞌicën.

1 Pedro 3:10

Ësaribi ca Nucën Papa Diosan bana cuënëo quia: Ax upitax tsótisa tancë unix ca ñu ꞌaisama ñui banaima ꞌianan cëmëi banatima ꞌicën.

1 Pedro 4:2

Usa ꞌixun ca axa Jesucristomi sináncëma unin sináncësa oquin sinanima Nucën Papa Dios cuëëncësa oishi ꞌia, anúan bamati nëtëa ꞌitámainun.

1 Pedro 4:4

Usai ꞌiquinmi atubëtan ñu ꞌatëcëniama oquin ca unin —uisa cupí cara nubë niquinbi nu ëanxa —quixun sinánquin mitsu ꞌatimaquin ñuia.

Apocalipsis 14:5

Ënë unicamax ca aín nuitu asérabi upí ꞌaish cëmëi banacëma ꞌaish anu Nucën Papa Dios ꞌicë aín bëmánon ꞌia.