1 Pedro 1:8 - Kashibo-Kakataibo Biblia

⁸ A isúnmabi camina mitsun Jesucristo sinanin. Usa ꞌain camina a isaxmabi ami sinani chuámarua tani cuëëinra cuëënin, anúnmi uisairai caramina cuëëni quixun nu ñuixunti bana ꞌaíma ꞌaínbi.

Nukën 'Ibu Diosan ain unikama 'inan ain bana

⁸ A isúnmabi camina mitsun Jesucristo sinanin. Usa 'ain camina a isaxmabi ami sinani chuámarua tani cuëëinra cuëënin, anúnmi uisairai caramina cuëëni quixun nu ñuixunti bana 'aíma 'aínbi.

1 Pedro 1:8 ပူးပေါင်းရင်းမြစ်များ

Mateo 10:37

ꞌËn unicaman ca aín papa, aín tita nuibati ꞌicën. Nuibatibi ca atu nuibacësamaira oi ꞌëmi sinánti ꞌicën. Usai ꞌëmi sináncëma ꞌaish ca ꞌën unimasa ꞌicën. Usaribiti ca ꞌëmi sináncësamaira oquian aín bëchicë nuibacë uni ax ꞌën unimasa ꞌicën.

Juan 14:15

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

Juan 14:21

An ꞌën bana ꞌunánquin ax quicësabi oquin ꞌacë uni ax ca axa ꞌëmi asérabi sináncë uni a ꞌicën. Axa ꞌëmi sináncë uni a ca ꞌën Papánribi nuibatia. Usaribi oquin cana ꞌënribi a uni nuibaquin uisaira carana ꞌëx ꞌai quixun ꞌunánminuxun ꞌain.

Juan 14:24

Axa ꞌëmi sináncëma uni ax ca ꞌëx quicësabi oi ꞌima. ꞌËn mitsu cacë bana, ënëx ca ꞌënbi sinanx quicëma ꞌicën. Ax ca Nucën Papa Dios, an ꞌë ënu ꞌinun xuá, an ꞌë sinánmicë ꞌicën.

Juan 16:22

Usaribiti camina mitsux bërí masá nuitutin, ꞌaíshbi camina ꞌë istëcëni cuëënquin chuámashirua tanti ꞌain, uinu ꞌicë unínbi sinanamitisama oi.

Juan 20:29

Cacëxun ca Jesusan cacëxa: —Tomás, bërí camina ꞌë baísquicë isquin, asérabi cana ꞌën Papa Diosnuax uá ꞌai quixun ꞌunanin. An ꞌë isquinmabi, asérabi cana ꞌëx a ꞌai quixun sináncë uni, a ca Nucën Papa Diosan chuámashirua tani cuëënun ꞌimia.

Juan 8:42

Usaquian cacëxun ca Jesusan cacëxa: —Nucën Papa Diosnuax cana ꞌëx ënë menu uacën. ꞌËx cana ꞌëxbi uáma ꞌain, an ca ënu unun ꞌë xuacëxa. Usa ꞌain camina mitsux asérabi Nucën Papa Diosnan ꞌaish ꞌëmi sinántsian.

Hechos 16:34

Usa ꞌixun ca an sipuacë unicama bërúancë unin aín xubunu buánxun Pablocëñun Silas pimiacëxa. Usocëx ca a unibë aín xubunua ꞌicë aín aintsi ꞌibucamaxribi Nucën Papa Diosmi catamëti ainan ꞌaish, chuámashirua tani cuëëancëxa.

Romanos 14:17

Aín ñu picë cupíma ꞌimainun aín ñu picëma cupíma ca uni Nucën Papa Diosbë upí ꞌicën. Aín Bëru Ñunshin Upitan sinánmicë cupíshi ca unin Nucën Papa Diosnan ꞌixun upí ñu ꞌanan, bëtsibë nishananíma nuibananan cuëëni upí oquin sinani tsotia.

Romanos 15:13

Nucën Papa Diosan ca nu ꞌunánmia, an ca nu ꞌaquianan nux xënibua ꞌaínbi abë ꞌitioquin nu ꞌimia quixun. An mitsu ami catamëti cuëëni chuámarua ꞌaish bucunun ꞌimiti cana cuëënin. Mitsux usai ꞌiquin camina aín Bëru Ñunshin Upitan sinánmicëxun Nucën Papa Diosan ca asérabi ax quicësabi oquin ꞌaia quixun upí oquin ꞌunánti ꞌain.

1 Corintios 16:22

Ui unin cara Nucën ꞌIbu Jesucristo sinaníma ax ca Nucën Papa Diosan iscëx ꞌaisama ꞌicën. Nucën ꞌIbu Jesucristo axa uti cana ꞌëx cuëënin.

2 Corintios 1:22

Nux ainan ꞌaish cananuna xënibua ꞌaínbi abë ꞌiti ꞌai quixunu ꞌunánun ca Nucën Papa Diosan aín Bëru Ñunshin Upí nubëa ꞌinun nu ꞌináncëxa.

2 Corintios 12:4

ꞌËn cana ꞌunanin, an ꞌimicëx ca a uni Nucën Papa Diosan nëtënu cuancëxa. Cuanxun ca uinu ꞌicë unínbia ñuitima bana cuacëxa, cuanan ca uinu ꞌicë unínbia chiquinaquin uni ñuixuntima bana cuacëxa.

2 Corintios 4:18

Usa ꞌixun cananuna nun bërúnbi iscë ñu ꞌaisamaira oquin sinánquinma unin iscëma ñu, uni nuibati, cëmëi banatima, upí sinánñu ꞌiti, acama sinanin. Nun bërun nu iscë ñucamax ca cëñúti ꞌicën. Usa ꞌaínbi ca unin aín bërun iscëma, nun nuitu mëúnu sináncë ñucamax, Nucën Papa Dios rabiti, uni ꞌaquinti, acamax cëñútima ꞌicën.

2 Corintios 5:7

A isímabi cananuna ënë nëtënuax ami catamëti ax cuëëncësoi ꞌin.

2 Corintios 9:15

¿Nucën Papa Diosan aín Bëchicë achúshi nu ië́minuxa bamanun xuá, a sinani caranuna uisairai quiti ꞌain? A sinánquin cananuna cuëënquin —asábi ca —caquin ꞌitsaira rabin.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Efesios 3:19

Nun nu camaira ꞌunántisama ꞌicëbimi mitsun, uisaira oquin cara Cristonën mitsu nuibatia quixun, aín cushi an mitsun nuitu upí ꞌimiti axa asérabi mitsubë ꞌain ꞌunánun cana Nucën Papa Dios mitsu ñucáxunin.

Efesios 6:24

Mitsúxmi a manutëcëntimoi Nucën ꞌIbu Jesucristomi catamëcë ꞌicëa, Nucën Papa Diosan nuibaquin mitsu ꞌaquinti cana cuëënin. Ashi, Pablo.

Filipenses 1:25

Asérabi ca usa ꞌicë quixun sinánquin cana ꞌunanin, Jesucristomi upiti sinánun ꞌaquianan ami catamëti cuëënun mitsu ꞌaquinti cupí cana ꞌëora pain ënë menu ꞌiti ꞌai quixun.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

Filipenses 4:4

Mitsux camina Nucën ꞌIbu Jesucristonan ꞌai quixun sinani camina camabi nëtën uisa ñu cara ꞌicëbëbi chuámarua tani cuëënti ꞌain. Usai ꞌinun caxunbi cana mitsu catëcënin, chuámarua ca ꞌican.

Hebreos 11:1

Nun Nucën Papa Dios isquinmabi cananuna asérabi ca anu ꞌicë quixun ꞌunanin. Aín bana ca cëmëma asérabi ꞌicë quixun sinánquin cananuna ꞌunanin, an ca aín quicësabi oquin ꞌati ꞌicë quixun. Usaquin ca axa ami catamëcë unicaman ꞌunania.

Hebreos 11:27

—ꞌËn bërúnbi isquinmabi cana Nucën Papa Dios ca asérabi ꞌëbë ꞌicë quixun ꞌunani —quixun sinani ca Moisés ami catamëti Egipto menuax Madian cacë menu cuancëxa, racuëtima ax cuancëbëa ꞌapu nishtánunbi.

1 Pedro 1:6

Acama sinani camina mitsux uisa ñu cara ꞌicëbëbi bënëtima cuëënin, ënë menu ꞌaish tëmëraibi.

1 Pedro 2:7

Ami catamëcë ꞌixun camina mitsun anun cuëëncë ñu upí sináncësamaira oquin a sinánti ꞌain. Mitsux usai ꞌicëbëbi ca axa ami catamëcëma unicamax Nucën Papa Diosan bana cuënëo ësai quicësa ꞌicën: An maxax xubuacë unían bitancëxun a cuëënquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti.

1 Pedro 5:4

Usoquin ꞌaia ca Jesucristo, unin ꞌacësamaira oquian an aín unicama bërúancë, an utëcënquin mitsu —asábi ca —quixun catancëxun aín nëtënuaxmi xënibua ꞌaínbi abë cuëënun mitsu ꞌimiti ꞌicën. Ënë nëtënuax cuaiquin canania uisa ñu cara ꞌináncëxun bitsia uni cuëëncëbëbi ca an bicë ñu chëquia. Usaía uni ꞌicë ꞌaínbi camina mitsux xënibua ꞌaínbi Nucën Papa Diosbë ꞌaish cuëënti ꞌain.