1 Pedro 1:25 - Kashibo-Kakataibo Biblia

²⁵ Usa ꞌaínbi ca Nucën ꞌIbu Diosan bana xënibua ꞌaínbi usabi ꞌia. Ënë banax ca —Jesucristomi catamëti ca uni Nucën Papa Diosnan ꞌiti ꞌicë —quixuan aín unicaman mitsu ñuixuncë a ꞌicën.

Nukën 'Ibu Diosan ain unikama 'inan ain bana

²⁵ Usa 'aínbi ca Nucën 'Ibu Diosan bana xënibua 'aínbi usabi 'ia. Ënë banax ca —Jesucristomi catamëti ca uni Nucën Papa Diosnan 'iti 'icë —quixuan aín unicaman mitsu ñuixuncë a 'icën.

1 Pedro 1:25 ပူးပေါင်းရင်းမြစ်များ

Isaías 40:6

Achúshi unix ka ësai munuma banai kia: kia kana ꞌën ñukan: “¿Uisai karana ꞌëx munuma banai kiti ꞌain?” Kakëxun ka an ꞌë kaxa. Ënë bana kamina munuma banai kiti ꞌain kixun ka ꞌë kaxa. “Kamabi unix ka xubi kókë usaribi ꞌikën, ¡aín tsóti ax ka ñu ua naënu kotankëxi bëríbi nëtë́kë usa ꞌikën!

Isaías 40:8

Usa ꞌain ka xubi ax ëski chushimainun ro ua axribi chushi xanania, ꞌaínbi ka Nukën ꞌIbu Diosan bana, ax xënibua ꞌaínbi usabi ꞌiti ꞌikën.”

Mateo 5:18

Cana mitsu asérabi cain, naí ꞌimainun mecama cëñúcëma pain ꞌain ca a banacama quiásabi oi ꞌiti ꞌicën. Usai ca ꞌiti ꞌicë quiáxa quiá ꞌain ca achúshi banabi usai ꞌicëma ꞌitima ꞌicën.

Lucas 16:17

Naí ꞌimainun mecama cëñúcëbëbi ca Nucën Papa Diosan bana aín unicaman cuënëo, axëshi —usai ca ꞌiti ꞌicë —quiá ꞌain, usabi ꞌiti ꞌicën.

Juan 1:1

Nucën Papa Diosan ñu unioisama pain ꞌaínbi ca aín Bana ꞌiacëxa. Aín Bana ax ca Nucën Papa Diosbë ꞌiacëxa, ax ca Nucën Papa Diosbi ꞌiacëxa.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

1 Corintios 2:2

Mitsubë ꞌixun cana bëtsi bana ñuixunti sinánquinma, Jesucristo, unin i curúsocënu matáscë, ashi mitsu ñuixunti sinan.

Efesios 2:17

Ax ënë nëtënu utancëxun ca Cristonën bana ñuixunquin, camabi unix ca ami catamëti Nuncën Papa Diosan iscëx upí ꞌiti ꞌicë quixun cacëxa. Usa ꞌain ca judíosma uni, an Nucën Papa Diosan bana ꞌunáncëma, ꞌimainun judíos uni, an Nucën Papa Diosan bana ꞌunáncë ꞌixun a ñuia quicë bana cuati, Cristomi catamëti Nucën Papa Diosnan ꞌia.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Tito 1:3

An mëníosabi oquin ca anúan unicama ënë ñucama ꞌunánti nëtëa ꞌicëbëtan aín unicaman bana ñuixuncëxun camabi unin cuanun mëníoquin, ꞌënribi uni aín bana ñuixunun Nucën Papa Diosan ꞌë caísacëxa. An ca Cristomi catamëtia ainan ꞌinun unicama iëmia.

Hebreos 6:5

Nucën Papa Diosan bana ca upíira upí ꞌicë quixun sinánquin cuanan, Nucën Papa Diosan cushi, anun cana aín nëtënu ꞌiti ꞌai quixun sináncë,

1 Pedro 1:12

Usai Cristo ꞌitia Nucën Papa Diosan ꞌunánmicëxun ca atun isquinmabi, atun rëbúnqui ꞌixun cananuna nun a ñucama isnuxun ꞌai quixun ꞌunáncëxa. A bana Cristo ñui quicë, a ca a Nucën Papa Diosan naínua xucë aín Bëru Ñunshin Upitan ꞌamicëxun aín unicaman mitsu ñuixunia. A bana ca ángelcamanribi uisai quicë cara quixun cuaisa tania.

1 Pedro 1:23

Unishi ꞌinuan aín titan tuacë ꞌaish ca uni bamaia. Usa ꞌaínbi ca axa xënibua ꞌaínbi usabi ꞌiti, aín bana a cuatia Nucën Papa Diosan mitsu bacë́ntëcëncësa ꞌimiaxa.

1 Pedro 2:2

Bërí bacë́ncë tuacën ca anun caninuxun aín titan xuma ꞌati cuëënia. Usaribi oquin camina Nucën Papa Diosan bana upí oquin ꞌunánti cuëënti ꞌain, ainan ꞌaish aín cuëëcësabi oquin ꞌai ami cushicë ꞌinuxun.

2 Pedro 1:19

Usai banaia cuaquin cananuna ꞌunáncën, an Nucën Papa Dios quicë bana uni ñuixuncë unin cuënëo bana quiásabi oi ca Jesucristo ꞌiaxa quixun. Mitsúnmi upí oquin a bana sinánti ca asábi ꞌicën. Lamparinën bëánquibucënuxun pëcacëbëtan cananuna xubunu ꞌicë ñu upí oquin isquinmabi isin. Usaquin isquinbi cananuna barían pëcacëbëtainra upí oquin isin. Usaribi oquin camina a unicaman bëráma cuënëo bana ꞌunánquinbi asérabi mitsun nuitunubi Cristo ꞌicëbëtainra, uisai cara a bana quia quixun upí oquin ꞌunánti ꞌain.

1 Juan 1:1

Ënë mecama unioisama ꞌaínbia aín Papabë ꞌiá axa ënë menu uá, a ñuiquin cananuna ënë quirica mitsu cuënëoxunin. A cananuna aín bana cuanan nun bërúnbi isacën. Nun bërúnbi ñachaquin isanan cananuna nun mëcënanribi ramëacën. Ax bamatimoi tsócë ꞌixuan aín unicamaribi abë ꞌinun ꞌimicë, a ñuiquin cananuna mitsu cain.

1 Juan 1:3

Nuxnu asérabi Nucën Papa Dios ꞌimainun aín Bëchicë Jesucristobë upí ꞌicësaribitimi mitsúxribi nubë Jesucristomi upiti sinánun quixun cananuna nun nu isanan cuacë, ënë ñucama mitsu ñuixunin.

Apocalipsis 14:6

Usa ꞌain cana bëtsi ángelribi isan. Camabi unin cuanun ca naínu nuani munuma banai, Cristo cupí ca unicamax xëníbua ꞌaínbi Nucën Papa Diosnan ꞌiti ꞌicë quiaxa. Camabi menu ꞌicë unicama bëtsi bëtsi unibu, bëtsi bëtsi menu ꞌicë, bëtsi bëtsi banan banacë an cuanun,