1 Pedro 1:22 - Kashibo-Kakataibo Biblia

²² Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

Nukën 'Ibu Diosan ain unikama 'inan ain bana

²² Aín Bëru Ñunshin Upitan 'imicëx Jesucristomi catamëti ax cuëëncësabi oi 'iquin axa mitsux 'icësaribiti Jesucristomi catamëcë unicamabë upiti nuibananuxun camina ñu 'atima 'ati ashiquin ëan. Usa 'aish camina bërí 'icësamaira oi asérabi cuëënquin upí oquinra sinani atubë nuibananti 'ain.

1 Pedro 1:22 ပူးပေါင်းရင်းမြစ်များ

Juan 15:17

Usa ꞌain cana mitsu catëcënin, camina bëtsibë bëtsibë nuibananti ꞌain.

Juan 15:3

Micaman ꞌën mitsu ñuixuncë bana cuacë cupí camina mitsun nuitu mëníocë ꞌaish upí ꞌain.

Juan 17:17

Usa ꞌain camina min sináncësaribi oquin sinánan min bana quicësabiira oíshi ꞌinun atu ꞌimiti ꞌain.

Juan 17:19

Atun min bana upí oquin ꞌunánquin mix cuëëncësabi oquinshi ꞌanun cana ꞌën mix cuëëncësabi oquinshi ꞌain.

Hechos 15:9

Nuxnu judíos ꞌicëa nu ꞌimicësaribi oquin ca Nucën Papa Diosan judíosma unicama Jesucristomi catamëcë cupí aín ꞌuchacama tërë́nquin aín sinan upí ꞌimiaxa.

Hechos 6:7

Usa ꞌain ca amiribi amiribia, Jesús ax ca asérabi Cristo ꞌicë quixun Jerusalénuxun cuacocancëbë, ami sinani Nucën Papa Diosnan ꞌi unicamax ꞌitsacëxa. Usai ꞌicëbë ca judíos sacerdotecamaribi ꞌitsaxira Jesúsmi catamëacëxa.

Romanos 1:5

Jesucristo cupí ca Nucën Papa Diosan nuibaquin nun nu uni aín bana ñuixunun mëníocëxa, camabi menua an Nucën ꞌIbu Jesucristomi catamëquin an cacësabi oquin ꞌacë unicama ꞌinun.

Romanos 2:8

Usaquin ꞌimianan ca uicamax cara ami sinántisama tanan aín bana quicësabi oquin ꞌaisama tanquin, atux cuëëncësa oquinshi ñu ꞌatima ꞌaia, a unicama Nucën Papa Diosan ami nishquin castícanti ꞌicën.

Romanos 8:13

Axa ënë nëtënu ꞌicë ñuishi sinani aín cuëëncësa oíshi ꞌicë uni ax ca Nucën Papa Diosnanma ꞌaish abë ꞌitima ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oquin ñu ꞌatima ꞌati ëncë uni, ax cuni ainan ꞌaish Nucën Papa Diosbë ꞌiti ꞌicën.

2 Corintios 6:6

Usa ꞌixun ñu ꞌaisama ꞌati sinánquinma Nucën Papa Diosan bana ꞌunáncë ꞌixun ami nishíma unibë asérabi upí ꞌianan Nucën Papa Diosan Bëru Ñunshin Upitan sinánmicë ꞌianan, paránquinma asérabi uni nuibanan

Gálatas 3:1

Gálatas unicama, mitsux camina sinánñumasa ꞌain. Unin ꞌucha cupía ax i curúsocënu bama Jesucristo ñuiquin cananuna mitsu upí oquin bana ñuixuancën. Ñuixuncëbi ca uni raírinën bëtsi bana ñuixunquin, Jesucristo ñui quicë bana cuaxunma ꞌanun quixun mitsu paránxa.

Gálatas 5:5

Usa ꞌaínbi cananuna nun, ami catamëti ënquinma aín Bëru Ñunshin Upitan ꞌimicëx cananuna Nucën Papa Diosan iscëx upí ꞌiti ꞌai quixun sinanin.

Gálatas 5:7

Mitsux camina upiti Jesucristomi sináncën. ¿Ui unin cara Jesusan banami ënun quixun mitsu sinanamiax?

Efesios 4:3

Nucën Papa Diosan Bëru Ñunshin Upitan ꞌaquincëx camina bëtsin sináncësaribi oquin sinani achúshi sinánsa ꞌaish, ëníma bëtsibë bëtsibë nuibananti ꞌain. Usai ꞌiti sinani camina usaíbi ꞌiti ꞌain.

Filipenses 1:9

Usa ꞌain cana mitsu nuibaquin Nucën Papa Dios mitsu ñucáxunin, mitsúnmi ꞌacësamaira oquinmi upí sinánñu ꞌixun ax cuëëncësabi oquin ꞌati ꞌunánquin uni nuibanun.

1 Tesalonicenses 3:12

Mitsúnmi bëráma ꞌicësamairai upitiira bëtsibë nuibananquin raíri uniribi nuibanuan, Nucën ꞌIbu Jesucristonën mitsu ꞌaquinti cananuna cuëënin, usai ꞌiquinmi nun mitsu ꞌacësaribi oquin mitsun camabi uni nuibanun.

2 Tesalonicenses 1:3

Nucën xucë́antu, mitsu sinánquin cananuna nëtë́quinma —asábi ca —quixun caquin Nucën Papa Dios rabin. Mitsux camina bëráma ꞌicësamairai Jesucristomi catamëanan bëtsibë bëtsibë nuibananin. Usaími mitsux ꞌicëbëtan nun Nucën Papa Dios —asábi ca —caquin rabiti ca asábiira ꞌicën, anbi mitsu upíira oquin sinánmicë cupí.

2 Tesalonicenses 2:13

Nucën xucë́antu, usa ꞌaínbia Nucën ꞌIbu Jesucristonën nuibaquin mitsu ainan ꞌimicë cupí cananuna Nucën Papa Dios —asábi ca —ënquinma cati ꞌain. Mecama unioisama pain ꞌixunbi ca Nucën Papa Diosan ainan ꞌinux ië́ti mitsu sinánxuancëxa. Usa ꞌaish camina aín Bëru Ñunshin Upí an ax cuëëncësa oíshi ꞌinun mitsu sinánmicë, a cupí ꞌianan asérabi Jesucristo ñuicë bana sináncë cupí, ainan ꞌain.

1 Timoteo 1:3

ꞌËx Macedonia menu cuantámainunmi Efeso ëmanu bërúnun quixun cana mi can, anuxunmi an Nucën Papa Dios cuëëncësabi oquin ꞌunánmiquinma bëtsi bana uni ñuixuncë unicama usoquin ꞌaxunma ꞌanun quixun canun.

1 Timoteo 1:5

Nucën Papa Dios ca cuëënia aín unicamaxa ësai ꞌinúnu ꞌunánmiti: aín nuitu upí ꞌianan aín ꞌuchacama tërë́ncë ꞌixun ꞌatëcënti sináncëma ꞌianan Jesucristomi asérabi catamëcë ꞌixun unicama nuibati.

1 Timoteo 4:12

Usoquin ꞌanan camina mix mëcó unima cupía unin timaquin min bana cuaisama tanti rabanan upí uni ꞌiti ꞌain. Mixmi ꞌicësaribitia axa Jesucristomi catamëcë unicamaxribi upí ꞌinun camina upiti bananan, upitishi ꞌianan, unicama nuibanan, uisa ñu cara ꞌicëbëbi Jesucristomi catamëanan, min xanuma ꞌain xanubë ꞌitima ꞌain.

1 Timoteo 5:2

Min titami ꞌacësaribi oquin camina nuibaquin xanu xënicama ꞌësëti ꞌain. ꞌAnan camina min chirabacëmi ꞌacësaribi oquin xanu xuntacucamaribi ꞌatimaquin sinánquinma upí oquin sinánquin ꞌësëti ꞌain.

2 Timoteo 1:14

Aín Bëru Ñunshin Upí an nubë ꞌixun nu sinánmicë, an ꞌaquincëxun camina Nucën Papa Dios cuëëncësabi oíshi ꞌianan Jesucristo ñuicë banaishi ñuixunti ꞌain.

Hebreos 11:8

Bërámaribi ca Abraham cacë uni aribi ami catamëcë ꞌicë Nucën Papa Diosan cacëxa: —Camina min me ëbiani, bëtsi me ꞌura ꞌicë, anu ꞌi cuanti ꞌain. Min rëbúnquicamanan ca a me ꞌiti ꞌicën. Cacëx ca Abraham uinu cara a me ꞌicë, uisa me cara quixun ꞌunánxmabi, aín me, Ur cacë, anuax cuancëxa, Nucën Papa Diosan ca an cacësabi oquin ꞌati ꞌicë quixun ꞌunani.

Hebreos 13:1

Mitsux Jesucristonan ꞌaish camáxbi xucë́nsa ꞌaish camina mitsux ꞌicësabi bëtsibë bëtsibë nuibanani ꞌiti ꞌain.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

Hebreos 6:10

Nucën Papa Dios, an ca aín sinan upí ꞌixun, mitsúnmi aín unicama nuibaquin upiti bucunun ꞌaquianan bëríribi usoquin mitsun ꞌaia, manuquinma sinania.

Hebreos 9:14

Ñuina rëcë aín imi cupí uni ꞌicësamaira oi cananuna Cristo bama cupí nun ꞌucha tërë́ncë ꞌaish upí ꞌiti ꞌain. Nucën Papa Diosan Bëru Ñunshin Upí, axa usabi ꞌiá ꞌaish usabi ꞌicë, ax abë ꞌain ca Cristo, ax ꞌuchañuma ꞌaíshbi bamatsianxmabi, nun ꞌuchacama tërë́ncë ꞌinun bamacëxa. Xënibua ꞌaínbi abë ꞌitimoinu bamati ꞌicëbi ca nun ꞌuchacama tërë́nquin, ax aín imi ꞌapati bama cupí, Nucën Papa Dios, axa bamatimoi tsócë, a rabinu ax cuëëncësabi oi ꞌinun nu ꞌimia.

Santiago 1:21

Usa ꞌain camina ñu ꞌatima ꞌaisamaira oquinmi mitsun ꞌacë a ëanan uisa ñucama cara ꞌaisama ꞌicë ënti ꞌain. A ënquin camina ami cuacë Nucën Papa Diosan bana a mitsun nuitu mëu racanaquin upí oquin sinánti ꞌain. Mitsúnmi cuacë bana ënë́xa quicësabi oquin, Jesucristomi catamëcë ꞌixun, ꞌacë ꞌaish camina Nucën Papa Diosnan ꞌinux ië́canti ꞌain.

Santiago 4:8

Asérabi upiti ami sinani Nucën Papa Diosbë banaquin camina an nuibaquin sinánmicëxun, ax ca mitsubë ꞌicë quixun mitsun nuitu mëu upí oquin ꞌunánti ꞌain. An ñu ꞌaisama ꞌacë unicama, cana mitsu cain: Unia aín mëcën chuañuma ꞌinun mëchucacësaribiquin ca min sinan upí ꞌinun min ñu ꞌatima ꞌacëcama ën. —Nucën Papa Diosnan cana ꞌai —quicë ꞌixunbi ainanma unicaman ꞌacësaribi oquin ënë menu ꞌicë ñuishi sináncë unicama, mitsúxribi ca sinanat, Nucën Papa Dios cuëëncësabi oíshimi ꞌinun.

1 Pedro 1:2

An sinánsabi oquin ainan ꞌinun ca Nucën Papa Diosan mitsu caísacëxa. Aín Bëru Ñunshin Upitan ꞌimicëxmi ainanshi ꞌaish ax quicësabi oi ꞌinun mitsu ꞌimianan ca Jesucristo bama cupí mitsun ꞌuchacama tërë́nquin mitsun nuitu upí ꞌimiaxa. Usaími mitsux Nucën Papa Diosan nuibacëx ꞌicësamaira oi chuámarua ꞌaish bucucanti cana cuëënin.

1 Pedro 2:17

Camabi uni camina upí oti ꞌain. Axa Jesucristomi catamëcë unicama camina nuibati ꞌain. Nucën Papa Diosmi camina racuë́ti ꞌain. Racuë́anan camina mitsun ꞌapu quicësabi oquin ñu ꞌati ꞌain.

1 Pedro 3:1

Xanucama, mitsuribi cana cain, min bënë́an cacëxun cuaquin ꞌatimaquin sinanima camina abë upí ꞌiti ꞌain. Usaími mitsux ꞌicëbë ca min bënë, Cristo ñui quicë bana cuaisama tancë ꞌaíshbi, min cacëxmabi upitax ꞌia isi sinanati ꞌicën,

1 Pedro 3:20

Bamacëma pain ꞌixun ca a unicaman Nucën Papa Dios cuëëncësabi oquin ꞌaisama tancëxa. Noénëan aín manë nunti ꞌamainun ca unicama aín ñu ꞌatima ꞌacëcama ënun quixun Nucën Papa Diosan caíancëxa. Caíncëxunbia aín ñu ꞌatima ꞌacë ëncëma ꞌicëa aín patsan bacan cëñumainun ca ꞌitsamashi ocho uníxëshi manë nunti mëu atsini ië́acëxa.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.

1 Pedro 4:17

An aín bana ꞌacë unibi ca Nucën Papa Diosan uisai cara ꞌia quixun isia. Usa ꞌixun ca an aín bana cuacëma unicama aira atun ñu ꞌatima ꞌacë isquin uisaira cara oti ꞌicë usoquin ꞌati ꞌicën.

1 Pedro 4:8

ꞌIanan camina mitsux asérabi nishananima nuibanani upitax bucuti ꞌain. Bëtsi uni nuibacë ꞌixun ca unin a unin ꞌuchacama ñuiquinma manuia.

2 Pedro 1:7

Usaquin sináncë ꞌaish camina bëtsibë nuibananti ꞌain. Usai ꞌiquin camina camabi uni nuibati ꞌain.

1 Juan 3:11

Jesucristomi catamëtabaquinbimi mitsun cua a bana ca ënëx ꞌicën, bëtsibë bëtsibë cananuna nuibananti ꞌai quicë.

1 Juan 3:23

Axa quicësabi oquin ꞌati bana ax ca ësa ꞌicën, cananuna aín Bëchicë Jesucristomi catamëanan bëtsibë bëtsibë nuibananti ꞌain, an nu cacësabi oi.

1 Juan 4:12

Nucën Papa Dios ca uinu ꞌicë unínbi isáma ꞌicën. Usa ꞌaínbinu nux bëtsibë bëtsibë nuibanancëbë ca ax nubë ꞌicën. Nubë ꞌixun ca an ꞌacësaribi oquinu unicama nuibanun nu ꞌimia.

1 Juan 4:20

An —ꞌëx cana Nucën Papa Diosmi sinani ami catamëti —quicë ꞌaíshbi ami nishquin uni itsi nuibacëma ꞌaish ca a uni cëmëia. Usa ꞌixun ca a isquinbi uni itsi nuibaquin sináncëma ꞌixun a iscëma, Nucën Papa Dios, aribi sinanima.

1 Juan 4:7

ꞌËn nuibacë xucë́antu, cana mitsu cain, Nucën Papa Diosan sinánmicëxun ca unin uni itsi nuibatia. Usa ꞌain cananuna ainan ꞌaish bëtsibë bëtsibë nuibananti ꞌain. An uni itsi nuibacë unicamax ca Nucën Papa Diosan bëchicë ꞌianan a ꞌunáncë ꞌixun an sináncësa oquin sinania.

Apocalipsis 2:4

Mitsúxmi usa ꞌicëbi cana ësaquin mitsu cain, mitsux camina ꞌëmi catamëtabati ꞌitsaira ꞌëmi sináncën. Usai ꞌiá ꞌaíshbi camina bërí usai ꞌima.