1 Pedro 1:2 - Kashibo-Kakataibo Biblia

² An sinánsabi oquin ainan ꞌinun ca Nucën Papa Diosan mitsu caísacëxa. Aín Bëru Ñunshin Upitan ꞌimicëxmi ainanshi ꞌaish ax quicësabi oi ꞌinun mitsu ꞌimianan ca Jesucristo bama cupí mitsun ꞌuchacama tërë́nquin mitsun nuitu upí ꞌimiaxa. Usaími mitsux Nucën Papa Diosan nuibacëx ꞌicësamaira oi chuámarua ꞌaish bucucanti cana cuëënin.

Nukën 'Ibu Diosan ain unikama 'inan ain bana

² An sinánsabi oquin ainan 'inun ca Nucën Papa Diosan mitsu caísacëxa. Aín Bëru Ñunshin Upitan 'imicëxmi ainanshi 'aish ax quicësabi oi 'inun mitsu 'imianan ca Jesucristo bama cupí mitsun 'uchacama tërë́nquin mitsun nuitu upí 'imiaxa. Usaími mitsux Nucën Papa Diosan nuibacëx 'icësamaira oi chuámarua 'aish bucucanti cana cuëënin.

1 Pedro 1:2 ပူးပေါင်းရင်းမြစ်များ

Isaías 55:7

Uni ꞌatimakama an ñu ꞌatima ꞌati sinánkin ꞌakë an ka ñu ꞌatima ꞌakë a ënti ꞌikën, ꞌimainun ka uni bana kuakëmakama atúnribi ꞌatimakian sinánkë akama ënti ꞌikën; ëni ami katamëtia ka Nukën ꞌIbun mitsu nuibati ꞌikën, ꞌimainun kamina Diosan nuibanankëira ꞌixun an mitsun ñu ꞌatima ꞌakëkama mëníoxunun ami sinánkin rabikanti ꞌain.’

Isaías 65:22

Usa ꞌain ka bëtsi unin anua bëtsi uni ꞌiti xubu ꞌati ꞌaíma ꞌiti ꞌikën, uni itsin ka bëtsi unin piti ñu ꞌapátima ꞌikën, usa ꞌain ka ꞌën unikama achúshi i ꞌikësai ꞌitsaira baritia tsókanti ꞌikën. ꞌËn kaískë unikamax ka ñu mëi tëëkin ain mëkënan ñu ꞌapáxun pi kuëëni tsókanti ꞌikën.

Daniel 4:1

Ësai ka ꞌapu Nabucodonosor kiakëxa: ꞌëx kana kamabi ëmanu ꞌikë unikama ꞌimainun bëtsi menu ꞌikë unikama ꞌianan bëtsi banan banakë unikama atun menu ꞌikë akamaxa upiti ñuñu ꞌi bukukanti kuëënin kixun ka ꞌapun kirika kuënëomiakëxa.

Daniel 6:25

Usa ꞌain ka ꞌapu Daríonën kamabi menu ꞌikë unikama ꞌimainun bëtsi menu ꞌikë unikama aín banan banakë akama ësakin kakin achúshi kirika kuënëokëxa: ꞌËx kana mitsúxmi ꞌupitax bukuti kuëënin,

Mateo 24:22

Anúan paë tani nëtë́xa cëñúcëbëma ca usabi ꞌi camabi unix bamati ꞌicën. Usa ꞌaínbi ca Nucën Papa Diosan, ainan ꞌinun an caíscë unicama nuibaquin, atu cupí anúan unin paë tanquin tëmërati nëtëcama sënë́nmiti ꞌicën.

Mateo 24:24

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Cana ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan ainan ꞌinun caíscë unicamaribi paránti sinánuxun ꞌaia.

Mateo 24:31

Manë banañu bana ocëbë uquin cana ꞌën ángelcama xuti ꞌain, ꞌënan ꞌinun ꞌën caíscë unicama camabi menua ꞌëbëa ꞌinun ꞌë timëxunun.

Marcos 13:20

Anúan paë tanquin tëmërati nëtë́xa cëñúcëbëma ca usabi ꞌi camabi uni bamati ꞌicën. Usa ꞌaínbi ca Nucën Papa Diosan, ainan ꞌinun an caíscë unicama nuibaquin, atu cupí anúan unin paë tanquin tëmërati nëtëcama sënë́nmiti ꞌicën.

Marcos 13:22

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Canan ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan unicamaribi paránti sinánuxun ꞌaia.

Marcos 13:27

ꞌËx uquin cana ꞌën ángelcama xuquin ꞌënan ꞌinun ꞌën caíscë unicama camabi menua, naínuaribi ꞌëbëa ꞌinun timë́minuxun ꞌain.

Lucas 18:7

¿An usaquin ꞌacë ꞌain cara Nucën Papa Diosan axa ainan ꞌinúan an caíscë aín unicama an nëtë́nbi, imë́bi a ñucácë, acama bërúanquin ꞌaquintima ꞌic? ¿Cara ꞌaquinquinma tënánpati ꞌic? Usama ca.

Hechos 15:18

Usai cana mitsun ꞌIbu Dios an ënë banacama bëráma ñuiá ꞌëx quin.

Hechos 2:23

Usoquian ñu ꞌacëbi camina mitsun unían ꞌináncëxun bixun ꞌaisama uni rabë́cëñun i curúsocënu matásmitancëxun bamamian. Usai ca ꞌiti ꞌicë quixuan, ënë nëtë unitisama pain ꞌain Nucën Papa Diosan mëníosabi oi ca ꞌiaxa.

Hechos 20:32

Bërí cana an bërúanun Nucën Papa Dios mitsu ñucáxunin. An ca nuibaquin mitsu ami cushinun ꞌimianan axa ami sináncë unicama ꞌimicësaribi oquin asérabi ainan ꞌaíshmi ax cuëëncësa oíshi ꞌinun mitsu ꞌimiti ꞌicën.

Romanos 1:5

Jesucristo cupí ca Nucën Papa Diosan nuibaquin nun nu uni aín bana ñuixunun mëníocëxa, camabi menua an Nucën ꞌIbu Jesucristomi catamëquin an cacësabi oquin ꞌacë unicama ꞌinun.

Romanos 1:7

Ënë quirica cana cuënëoxunin, Roma ëmanuaxmi Nucën Papa Diosan nuibaquin ainan ꞌinun caíscë ꞌaish ax cuëëncësabi oi ꞌicë, micamaishi. Nucën Papa Dios ꞌimainun Nucën ꞌIbu Jesucristonën nuibaquin ꞌaquincëxmi chuámarua bucucanti cana cuëënin.

Romanos 11:2

Bëráma ca Israelnën rëbúnqui judíos unibu ainan ꞌinun Nucën Papa Diosan caísacëxa. Usaquin ꞌá ꞌixun ca a unicama —ꞌën unima ca —quiax ami manúcëma ꞌicën. Nucën Papa Diosan bana cuënëo isquin camina ꞌunanin, Nucën Papa Diosbë banai ca Elías Israel unibumi manani ësai quiacëxa:

Romanos 11:28

Nucën Papa Diosan ca unicamax Cristomi catamëtia ainan ꞌimiti ꞌicë quixun sinántisama tancë ꞌaish ca judíos unibunëx ami nishcësa ꞌicën, mitsux paínmi judíosma uni ꞌaíshbi ainan ꞌitámainun. Usa ꞌaínbi ca Nucën Papa Diosan atun rara —mitsun rëbúnqui ca ꞌënan ꞌiti ꞌicë —quixun cá ꞌixun a bana manuquinma judíos unibu nuibatia.

Romanos 15:16

aín bana judíosma unibu ñuixunun quixun ꞌë cacëxa. Nucën Papa Diosan ca axa Jesucristomi catamëcë unicama ainan ꞌinun ië́mia quixun judíosma uniburibi ꞌunánminun ca an ꞌë ꞌimiacëxa. Nucën Papa Diosan ꞌë usaquin ꞌanun casabi oquin cana judíosma unicama, mitsuribi a bana ñuixunin, aín Bëru Ñunshin Upitan sinánmicëxunmi upiti ami catamëquin a rabinun.

Romanos 16:19

Camabi unin ca mitsu, asérabi camina mitsux Jesucristo cuëëncësabi oi ꞌi quixun ꞌunania. Usaquian mitsu ñuicania cuati cana cuëënin. Usa ꞌain cana mitsúxmi ñu ꞌatima ꞌaquinma ñu upíshi ꞌanux upí sinánñu ꞌiti cuëënin.

Romanos 16:26

Nucën Papa Diosan sinánmicëxun ca aín unicaman, Cristo ca uti ꞌicë quixun cuënëocëxa. Usai ca ꞌiti ꞌicë quixun ca Nucën Papa Dios, axa bamatimoi tsócë, an mëníocëxa. A bana cuënëo ꞌicëbi ca uisai quicë cara ax ꞌicë quixun unin ꞌunánma ꞌicën. ꞌUnánma ꞌaínbi ca bërí camabi nëtënu ꞌicë unicaman Cristomi catamëquin aín cuëëncësabi oquin ꞌanuxun ꞌunánti ꞌicën.

Romanos 8:13

Axa ënë nëtënu ꞌicë ñuishi sinani aín cuëëncësa oíshi ꞌicë uni ax ca Nucën Papa Diosnanma ꞌaish abë ꞌitima ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oquin ñu ꞌatima ꞌati ëncë uni, ax cuni ainan ꞌaish Nucën Papa Diosbë ꞌiti ꞌicën.

Romanos 8:33

¿An ainan ꞌinun caíscë unicamaxa an iscëx upí ꞌain cara uin Nucën Papa Dios —min unix ca ꞌuchaxa —quixun cati ꞌic? Usaquin cacëxunbia an —ax ca ꞌuchañuma ꞌicë —quixun cati ca Nucën Papa Dios ꞌicën.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

1 Corintios 6:11

Usa uni camina mitsu raírinëx ꞌiacën. ꞌIá ꞌaínbi ca mitsun ñu ꞌatima ꞌacëcama tërë́ncë ꞌain mitsun nuitu upí ꞌicën. Usa ꞌaish camina Nucën ꞌIbu Jesucristo cupí, Nucën Papa Diosan Bëru Ñunshin Upitan ꞌimicëx, an iscëx ainan ꞌain.

2 Corintios 10:5

Usaribi oquin cananuna unían ꞌatimaquin nu ñuicë bana, ꞌimainun unin anbi sinánquin, Nucën Papa Diosan bana cuaxunma ꞌanun caquin ꞌatimaquin sinánmicë banacamaribi, Nucën Papa Diosan cushínshi ñancáishi ꞌitánun nëtë́nti ꞌain. Usa ꞌain cananuna aín cushínbia ꞌimicëxun Cristo cuëëncësabi oquinshi ꞌati sinanin.

2 Corintios 13:14

Mitsux ꞌuchacëbi Nucën ꞌIbu Jesucristonën nuibaquin ië́micë ꞌicëa Nucën Papa Diosanribi nuibamainuan aín Bëru Ñunshin Upí axribi mitsubë ꞌicëbëmi chuámarua bucucanti cana cuëënin. Ashi, Pablo.

Deuteronomio 7:6

Mitsux kamina ainan ꞌitia Nukën ꞌIbun kaisa a ꞌain; usa ꞌikë ka Nukën ꞌIbu Diosan achúshi ëma upíira ꞌinun mitsu ꞌimiaxa, usa ꞌaish kamina bëtsi menu ꞌikë ëmakamasamaira upíira ꞌinun mitsu ꞌimiaxa.

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

2 Tesalonicenses 2:13

Nucën xucë́antu, usa ꞌaínbia Nucën ꞌIbu Jesucristonën nuibaquin mitsu ainan ꞌimicë cupí cananuna Nucën Papa Dios —asábi ca —ënquinma cati ꞌain. Mecama unioisama pain ꞌixunbi ca Nucën Papa Diosan ainan ꞌinux ië́ti mitsu sinánxuancëxa. Usa ꞌaish camina aín Bëru Ñunshin Upí an ax cuëëncësa oíshi ꞌinun mitsu sinánmicë, a cupí ꞌianan asérabi Jesucristo ñuicë bana sináncë cupí, ainan ꞌain.

2 Timoteo 2:10

An sinánmicëx ca ꞌitsa uni Nucën Papa Diosnan ꞌinux Cristo Jesúsmi sinánti ꞌicën. Acamaxa aín ꞌuchacama tërë́ncë ꞌianan Cristo Jesúsbë ꞌaish xënibua ꞌaínbi Nucën Papa Diosnan ꞌinun cana unían tëmëramicëxunbi tanshiti cuëënquin a bana ñuin.

Tito 1:1

ꞌËx cana Pablo, an Nucën Papa Dios cuëëncësabi oquin ꞌanan Jesucristonëan a ñuiquin aín bana ñuixunun caísa ꞌain. Usa ꞌaish cana ꞌëx, uisai cara a Nucën Papa Diosan ainan ꞌinun caísa unicama Jesucristomi catamëti upí ꞌiti ꞌicë quixun ꞌunánmicë uni ꞌain.

Hebreos 10:22

A cupí nun ꞌuchacama tërë́ncë ꞌaish cananuna uisa ñu cara ꞌaisama ꞌicë quixunu ꞌunánquin mëníocë ꞌaish asérabi ax cuëëncësabi oi ꞌiisa tani Nucën Papa Diosbë banati ꞌain, an ca cuati ꞌicë quixun ꞌunani. Ax Nucën Papa Diosbë banai tabernáculo xubunu atsínux ca sacerdote aín ꞌucha tërë́ncë ꞌianan upiti nashi mëníocacëxa. Usaribiti cananuna Jesucristo cupí chucacësa ꞌaísha nun nuitu, nun sinan upí ꞌain Nucën Papa Diosbë banain.

Hebreos 11:28

Madianuax Egipto menu cuantëcëntancëxun ca Moisésnën —Nucën Papa Diosan ca ax quicësabi oquin asérabi ꞌati ꞌicë —quixun sinánquin, an cacësabi oquin judíos unicaman xubucama ꞌunánti oquin, aín xëcuë ëman carnero imi shimiacëxa, Nucën Papa Diosan ángelnën atun rëcuën bëchicëcama ꞌatin rabanan.

Hebreos 12:24

Anuribi ca ax aín imi ꞌapati bama ꞌixuan an nuxribinu anu ꞌinun mëníocë, Jesús, ax ꞌicën. —Cain, an Abel ꞌacë uni, ax ca cupicë ꞌiti ꞌicë —quiax Nucën Papa Dios quicëbë ca usai ꞌiacëxa. Usa ꞌaínbi ca Jesús bamacë cupí uínbi an ꞌacë uni cupiama ꞌicën. Usoquian Jesús unin ꞌá ꞌixunbi ca aribi cupiquinma uicamax cara ami catamëtia, a aín ꞌucha sinántëcëntimoquin tërënia.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

1 Pedro 1:14

Ainan ꞌixun ax quicësabi oquinshi ñu ꞌaquin camina bëráma Jesucristomi catamëquin Nucën Papa Dios ꞌunáncëma ꞌixunmi cuëë́an ñucama ꞌatëcëntima ꞌain.

1 Pedro 1:19

Usama ca. Judíos unicaman aín ꞌucha cupí uisaíbi ꞌicëma carnero aín upíira rëmia ꞌaínbi ca aín imi ꞌapati Cristo bamacë a cupí mitsun ꞌucha tërë́nquin ainan ꞌinun Nucën Papa Diosan mitsu ië́miaxa.

1 Pedro 1:20

Cristo ca usai ꞌiti ꞌicë quixun ca camabi ñu unioisama pain ꞌixunbi Nucën Papa Diosan mëníocëxa. Usaquian mënío ꞌain ca aín uti nëtë sënë́ncëbëishi usai ꞌinux Cristo ënë menu uacëxa, mitsúxmi ami catamënun.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

2 Pedro 1:2

Mitsux Nucën Papa Dios ꞌimainun Nucën ꞌIbu Jesús an ꞌunánmicë ꞌaíshmi mitsúxmi ꞌicësamaira oi chuámarua ꞌaish bucucanti cana cuëënin.

2 Juan 1:1

ꞌËx axa Jesucristomi catamëcë unicaman cushi ꞌixun cana mixmi Nucën Papa Diosan ainan ꞌinun caíscë xanu ꞌicë, ꞌën asérabi a nuibacë min tuácamacëñun, ënë quirica an Nucën Papa Diosan bana ꞌacë unicamabëtan, mi cuënëoxunin.

2 Juan 1:13

Nucën Papa Diosan atúxribia ainan ꞌinun caíscë min xucënan tuá atúnribi ca bërúanxmi ꞌinun quixun mi ꞌë camia. Ashi, Juan.

Judas 1:2

Nucën Papa Diosan nuibacëxmi mitsun ꞌuchacama tërë́ncë ꞌianan bëtsibë nuibanani chuámarua ꞌaish bucucanti cana cuëënin.