1 Juan 4:9 - Kashibo-Kakataibo Biblia

⁹ Nucën Papa Diosan ca aratsuishi ꞌicëbi aín Bëchicë ënë menu uni ꞌinun xuacëxa, a cupínu nux ainan ꞌaish nëtë́timoi abë ꞌinun. Usoquian ꞌá ꞌain cananuna ꞌunanin, uisaira oquin cara Nucën Papa Diosan camabi uni nuibatia quixun.

Nukën 'Ibu Diosan ain unikama 'inan ain bana

⁹ Nucën Papa Diosan ca aratsuishi 'icëbi aín Bëchicë ënë menu uni 'inun xuacëxa, a cupínu nux ainan 'aish nëtë́timoi abë 'inun. Usoquian 'á 'ain cananuna 'unanin, uisaira oquin cara Nucën Papa Diosan camabi uni nuibatia quixun.

1 Juan 4:9 ပူးပေါင်းရင်းမြစ်များ

Génesis 22:2

Ësokian kakëxun ka Nukën ꞌIbu Diosan kakëxa: —Min bëchikë Isaac, ami asérabi nuibairakë, a buani kamina kuanti ꞌain matán me Moria kakë anu. Buánxun kamina anu bëbakin, min bëchikë ꞌatankëxun ꞌë rabikin ñuina ꞌakësaribi okin xaroti ꞌain, ꞌën mi uinu ꞌikë matánuxun kaina ꞌati ꞌai kixun ismimainun.

Salmos 2:7

ꞌËx kana uisakin ꞌati kara Diosan sinánxa a ñui kiti ꞌain, an ka ësakin ꞌë kaxa: Mix kamina ꞌën bakë bëchikë ꞌain; usa ꞌaish kamina bërí ꞌën bakë bëchikëira ꞌiti ꞌain.

Marcos 12:6

Usoquin aín unicama xuquinbi ca aira nuibacë aín bëchicë a xucëma ꞌicën. Xuxunmabi ca —ꞌën bëchicë ënë ca usaribi oquin ꞌaquinma upí oquin biquin aín bana cuati ꞌicë —quixun sinánquin aira xuaxa.

Lucas 4:18

Nucën ꞌIbu Diosan xucëx ꞌënu uax ca aín Bëru Ñunshin Upí ꞌëbë ꞌicën. An ca aín Bëru Ñunshin Upí ꞌinánquin cushioquin ñuñuma unicama upí bana anúan atux Nucën Papa Diosnan ꞌi cuëënun ñuixuanan, axa masá nuitucë unicama upí oquin sinánminun ꞌë caxa. ꞌImainun ca sipuacë ꞌaíshbia upitax chiquíncë ꞌinun ꞌimianan bëxuñu unicama bëxuñuma ꞌinun ꞌimianan bëtsi bëtsi ocë unicama bëtsi bëtsi ocëma ꞌiminun ꞌë caxa.

Juan 10:10

Axa mëcamacë unicama, ax ca mëcamanan ꞌaracacë ñuina rëquin ꞌatimoi aia. Usa ꞌaínbi cana ꞌëx a unicaman ꞌacësa oquin ꞌaquinma ꞌëmi catamëtia upitax bucunun unicama ꞌimi uacën, bamatancëxribia xënibua ꞌaínbi Nucën Papa Diosbë ꞌinun.

Juan 14:6

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Juan 3:18

Aín Bëchicëmia catamëcë uni ax ca Nucën Papa Diosan ꞌuchocë ꞌima. Usa ꞌaínbi ca axa ami catamëcëma uni ax aín Bëchicë achúshi ami catamëcëma cupí Nucën Papa Diosan aín ꞌucha cupí castícantishi ꞌicën.

Juan 5:23

a rabicësaribi oquían camabi unin ꞌëribi rabinun. An aín Bëchicë ꞌicë ꞌë rabicëma, an ca ꞌën Papa an ꞌë xuá, aribi rabima.

Juan 6:29

Cacëxun ca Jesusan cacëxa: —Nucën Papa Dios ca cuëënia, mitsúxmi an ënu unun xuá ꞌaínmi ꞌëmi catamënun.

Juan 6:51

ꞌËx cana naínuax uá ꞌaish anúan uni Nucën Papa Diosbë ꞌiti a ꞌain. Usa ꞌain ca axa ꞌëmi catamëcë uni ax ainan ꞌaish xënibua ꞌaínbi Nucën Papa Diosbë ꞌia. Uníxa ainan ꞌaish xënibua ꞌaínbi Nucën Papa Diosbë ꞌinun cana ꞌëx bamatsianxmabi bamati ꞌain.

Juan 6:57

Nucën Papa Dios, an ꞌë xuá, ax ca bamatimoi tsotia. Ax ꞌëbë ꞌain cana an ꞌimicëx ꞌëxribi tsotin. Usaribiti ca ꞌëmi catamëquian an ꞌë picësa uni axribi ꞌën ꞌimicëx ꞌëbë ꞌaish ꞌëx ꞌicësaribiti tsóti ꞌicën.

Juan 8:29

An ꞌë xuá ax ca ꞌëbë ꞌicën. ꞌËn axa cuëëncësabi oquin ꞌacë ꞌicë ca an ꞌëxbi ꞌinun ꞌë ëncëma ꞌicën.

Juan 8:42

Usaquian cacëxun ca Jesusan cacëxa: —Nucën Papa Diosnuax cana ꞌëx ënë menu uacën. ꞌËx cana ꞌëxbi uáma ꞌain, an ca ënu unun ꞌë xuacëxa. Usa ꞌain camina mitsux asérabi Nucën Papa Diosnan ꞌaish ꞌëmi sinántsian.

Juan 9:3

Quixuan cacëxun ca Jesusan cacëxa: —Bëxuñu ca ax ꞌicën. ꞌAíshbi ca aín ꞌucha cupía ꞌicëma ꞌicën, ꞌimainun ca aín tita, aín papan ꞌucha cupíribia ꞌicëma ꞌicën. Nucën Papa Diosan ñu ꞌaia unin isnun ca ax bëxuñu ꞌicën.

Romanos 8:32

An ca —ꞌën Bëchicë ca bamatima ꞌicë —quiquinma nun ꞌuchacama cupía bamanun ënë nëtënu aín Bëchicë xuacëxa. Usa ꞌixun ca aín Bëchicë cupínu nux upitax tsónun nu ꞌimianan anun nu upitax tsóti ñucamaribi nu ꞌinánti ꞌicën.

Hebreos 1:5

Nucën Papa Diosan ca uinu ꞌicë ángelbi cáma ꞌicën: Mix camina ꞌën Bëchicë ꞌaish xënibua ꞌaínbi ꞌëbë ꞌiti ꞌai quixun. ꞌImainun ca uinu ꞌicë ángelbi ñuima, Jesúsëshi ñui, Nucën Papa Dios ësairibi quiacëxa: ꞌËx cana aín Papa ꞌiti ꞌain. Ax ca ꞌën Bëchicë ꞌiti ꞌicën.

1 Juan 3:16

Jesucristo nu nuibati bama cupí cananuna ꞌunanin, usari ca uni nuibati ꞌiti ꞌicë quixun. Usaquin ꞌunánquin cananuna ꞌunanin, Jesucristonën ꞌásaribi oquin cananuna nunribi a ꞌaquincë cupí bamanuxunbi ꞌaquinquin bëtsi uni nuibati ꞌai quixun.

1 Juan 4:10

Ami sináncëxunmabi unicama nuibaquin ca Nucën Papa Diosan, a cupí unin ꞌuchacama tërë́ncë ꞌinuan ënë menuax bamanun aín Bëchicë xuacëxa. Usoquin xuá ꞌain cananuna ꞌunanin, usaira oquin ca Nucën Papa Diosan unicama nuibatia quixun.

1 Juan 4:16

Usa ꞌain cananuna asérabi ꞌunanin, Nucën Papa Diosan ca nu nuibatia quixun. Nucën Papa Dios ax ca an unicama nuibairacë a ꞌicën. Usa ꞌain ca an aín sinan upí ꞌixun uni nuibacë uni ax Nucën Papa Diosbë ꞌicën. ꞌImainun ca Nucën Papa Diosribi a unibë ꞌicën.

1 Juan 5:11

Nucën Papa Dios ca quiacëxa, aín Bëchicëmi catamëcë cupí cananuna an ꞌimicëx ainan ꞌaish xënibua ꞌaínbi abë ꞌiti ꞌai quiax.

1 Juan 5:13

Aín Bëchicëmi catamëcë ꞌaish camina ainan ꞌaish Nucën Papa Diosbë xënibua ꞌaínbi ꞌiti ꞌai quixunmi ꞌunánun cana ënë ñucama mitsu cuënëoxunin.