1 Juan 4:8 - Kashibo-Kakataibo Biblia

⁸ Nucën Papa Dios ax ca an unicama nuibairacë a ꞌicën. Usa ꞌain ca an bëtsi uni nuibacëma uni ax Nucën Papa Dios ꞌunáncëma ꞌicën.

Nukën 'Ibu Diosan ain unikama 'inan ain bana

⁸ Nucën Papa Dios ax ca an unicama nuibairacë a 'icën. Usa 'ain ca an bëtsi uni nuibacëma uni ax Nucën Papa Dios 'unáncëma 'icën.

1 Juan 4:8 ပူးပေါင်းရင်းမြစ်များ

2 Corintios 13:11

ꞌËn xucë́antu, chuámashi camina ꞌicanti ꞌain. Añu ñucama cara ꞌaisama ꞌicë camina mëníoquin sinántëcëntima ꞌain, ꞌën mitsu cacë banacama cuati camina bëtsin sináncësabi oquin sinani nishananíma nuibananishi ꞌicanti ꞌain. Usai ꞌia ca Nucën Papa Dios, an aín unicama nuibaquin bënëtima chuámarua ꞌinun ꞌimicë, ax mitsubë ꞌiti ꞌicën.

Efesios 2:4

Usai ꞌiá ꞌicëbi ca Nucën Papa Diosan nu ꞌaisamaira nuibaquin,

Hebreos 12:29

ax upíira ꞌixun ca rëquiruquin tsin ꞌacësaribi oquin ñu ꞌaisamacama cëñuti ꞌicë quixun sinánquin.

1 Juan 1:5

Jesucristonënbia nu pain ꞌunánmia ꞌixun cananuna ënë bana mitsu ñuixunin: Nucën Papa Dios an ca asérabi upíira ꞌixun ñu upíshi ꞌaia. An ca unë́xun ñu ꞌaima. Usa ꞌain ca uisa ꞌuchabi anu ꞌaíma ꞌicën.

1 Juan 2:4

Usa ꞌaínbi ca uix cara —ꞌën cana ainan ꞌixun Nucën Papa Dios ꞌunani —quibi aín bana quicësabi oi ꞌima, a uni cëmë ꞌicën. Usa ꞌaish ca cëmëishi banaia.

1 Juan 2:9

Uix cara —ꞌëx cana ainan ꞌaish Nucën Papa Diosbë upí ꞌai —quibi nuibatíma uni itsimi nishia, ax ca Nucën Papa Diosnanma pain ꞌicën.

1 Juan 3:10

Ënëx ca ësa ꞌicën. Ui unin cara ñu upí ꞌaima ax ca Nucën Papa Diosnanma ꞌicën, ui unin cara uni itsiribi nuibatima axribi ca Nucën Papa Diosnanma ꞌicën. Usa ꞌain cananuna uinu ꞌicë unix cara Nucën Papa Diosan bëchicë ꞌicë quixun ꞌunánan uinu ꞌicë unix cara ñunshin ꞌatimanën ꞌapunan ꞌicë quixun ꞌunánti ꞌain.

1 Juan 3:6

Usa ꞌain ca uix cara ainan ꞌaísha, a ëníma abë ꞌicëa Nucën Papa Diosan sinánmicë ꞌicë, a unin ñu ꞌatima amiribi amiribi ꞌaima. An ñu ꞌatima amiribi amiribi ꞌacë uni ax ca ami catamëcëma ꞌianan uisa cara ax ꞌicë quixun Jesucristo ꞌunáncëma ꞌicën.

1 Juan 4:16

Usa ꞌain cananuna asérabi ꞌunanin, Nucën Papa Diosan ca nu nuibatia quixun. Nucën Papa Dios ax ca an unicama nuibairacë a ꞌicën. Usa ꞌain ca an aín sinan upí ꞌixun uni nuibacë uni ax Nucën Papa Diosbë ꞌicën. ꞌImainun ca Nucën Papa Diosribi a unibë ꞌicën.

1 Juan 4:7

ꞌËn nuibacë xucë́antu, cana mitsu cain, Nucën Papa Diosan sinánmicëxun ca unin uni itsi nuibatia. Usa ꞌain cananuna ainan ꞌaish bëtsibë bëtsibë nuibananti ꞌain. An uni itsi nuibacë unicamax ca Nucën Papa Diosan bëchicë ꞌianan a ꞌunáncë ꞌixun an sináncësa oquin sinania.