1 Juan 3:20 - Kashibo-Kakataibo Biblia

²⁰ Usa ꞌain ca nun —ꞌëx cana upíma ꞌai —quixun sinaniabi Nucën Papa Diosan, an camabi ñu ꞌunáncë ꞌixun, nun sinánribi ꞌunania.

Nukën 'Ibu Diosan ain unikama 'inan ain bana

²⁰ Usa 'ain ca nun —'ëx cana upíma 'ai —quixun sinaniabi Nucën Papa Diosan, an camabi ñu 'unáncë 'ixun, nun sinánribi 'unania.

1 Juan 3:20 ပူးပေါင်းရင်းမြစ်များ

Salmos 90:8

Min kamina nuxnu ꞌuchakëkama ꞌimainun ꞌatimakin ñu ꞌakë akamabi ꞌunanin, usa ꞌain kamina unin isiamabi nun ñu ꞌati sinánkë abi ꞌunanin.

Jeremías 23:24

¿Uix kara ꞌën istimaisakiax unëti ꞌik? ꞌËx kana naíkamë ꞌëonu ꞌianan kamabi menuribi ꞌain. ꞌËx min ꞌIbu ꞌaish kana ësai kin kiax ka Dios kiakëxa.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Juan 8:9

Cuënëomainun ca unicamax Jesús quia cuax —ꞌëx cana ꞌuchañumama ꞌai —quixun sinani cuancëxa. Cuanía mëcócamax pain cuancëbë ca usaribiti bërí canicëcamaxribi cuancëxa. Cuancëbëa Jesúsëshi anu ꞌimainun ca a xanuribi anu ꞌiacëxa.

Hechos 5:33

Quia cuati nishquin ca judíos unibunën ꞌapucaman atu ꞌati sináncë́xa.

Romanos 8:34

¿Uin cara nu ꞌuchoti ꞌic? Cristo bamacëbia Nucën Papa Diosan baísquimicë, an ca aín nëtënu abë ꞌApu ꞌaish aín mëqueu ꞌixun, nu Nucën Papa Dios ñucáxunia. Ñucáxuncë ꞌixun ca an asérabi nu ꞌuchotima ꞌicën.

1 Corintios 4:4

ꞌËn ñu ꞌatima ꞌacë ꞌën chiquinacëma ca ꞌaíma ꞌicë quixun ꞌën sinaniabi ca Nucën ꞌIbu Jesucristonën cuni carana asérabi ñu ꞌaisama ꞌacëma ꞌai quixun ꞌunania.

Tito 3:11

ax upí sinánñu ꞌiá ꞌaíshbi ca bërí usama ꞌicë quixun ꞌunánquin. Aín ñu ꞌaisama ꞌacë sinanaquin ëncëma cupí camina usoquin ꞌati ꞌain.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.

Hebreos 6:13

Nucën Papa Diosbë ca camabi uni ꞌimainun ángelcamaribi sënëníma. Usa ꞌixun ca anbi sinanatëcëntimoquin Abraham cacëxa:

1 Juan 3:19

Nun uni nuibaquin ꞌaquincë ꞌixun cananuna ꞌunánti ꞌain, nun cananuna asérabi ainan ꞌixun Nucën Papa Dios cuëëncësabi oquin ꞌai quixun. Usaquin ꞌunani cananuna bënëtima chuámarua ꞌiti ꞌain.

1 Juan 3:21

ꞌËn nuibacë xucë́antu, nun ñu ꞌatima ꞌacëcama a mëníocë ꞌain cananuna a sinani masá nuitutima Nucën Papa Diosbë banati ꞌain.

1 Juan 4:4

ꞌËn bëchicësa unicama, mitsux camina Nucën Papa Diosnan ꞌain. Nucën Papa Dios axa mitsubë ꞌicë aín cushibëtan sënë́nma ca an ënë nëtënu ꞌicë ñuishi sináncë unicaman cushi ꞌicën. Usa ꞌain ca an Cristo ꞌatimaquin ñuicë unicaman sinanëx mitsun sinánbëtan sënë́nmara ꞌicën.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.