1 Juan 2:7 - Kashibo-Kakataibo Biblia

⁷ ꞌËn xucë́antu, mitsun ꞌunáncëma bana ñuiquin cuënëoquin cana mitsu caiman. Jesucristomi catamëtabaquinmi cua bana abi cana mitsu ñuixuntëcënin.

Nukën 'Ibu Diosan ain unikama 'inan ain bana

⁷ 'Ën xucë́antu, mitsun 'unáncëma bana ñuiquin cuënëoquin cana mitsu caiman. Jesucristomi catamëtabaquinmi cua bana abi cana mitsu ñuixuntëcënin.

1 Juan 2:7 ပူးပေါင်းရင်းမြစ်များ

Levítico 19:18

Axa mimi nishkë uni nuibatima ami nishanan kamina axa mibë nuibanankë unikamaishi nuibatima ꞌain. Min ꞌunánkë uni kamina mixmi bërúankakësaribi okin bëruánti ꞌain. ꞌËx kana mitsun ꞌIbu ꞌain.

Levítico 19:34

Mitsúxmi nuibanankësaribi okin kamina aturibi nuibati ꞌain, atux ka mitsusaribi ꞌikën. Mitsux pain kamina atux ꞌikësaribiti Egipto menu ꞌikë uni ꞌaímabi tsóakën. ꞌËx kana mitsun Dios a ꞌain.

Mateo 5:43

Ësai quicë banaribia ñuia camina cuan: “Axa mimi nishcë uni nuibaquinma camina axa mibë nuibanancë unishi nuibati ꞌain”.

Juan 13:34

Mitsun ꞌunáncëma bana ió ënëribi cana axa quicësabi oími ꞌinun mitsu cain, mitsúxbi camina bëtsibë bëtsibë nuibananti ꞌain. ꞌËn mitsu nuibacësaribi oi camina micamax bëtsibë bëtsibë upiti nuibananti ꞌain.

Hechos 17:19

Usai quitancëxun ca Pablo bibianquin matá, Areópago cacë, anu buánxun cacëxa: —Nun nu cuacëma a ñuiquinmi nu cacë bana ënë cananuna upí oquin ꞌunántisa tanin.

Deuteronomio 6:5

Min ꞌIbu Diosmi kamina asérabi kuëëni këmëima sinánti ꞌain, usai ꞌi kamina ami katamëti ax kuëënkësabi ꞌoíshi ꞌiti ꞌain.

Hebreos 6:9

ꞌËn nuibacë xucë́antu, uni raírinën ca Nucën Papa Diosan Bëchicëmi catamëtancëxunbi ënia quixun ñuixunquinbi cananuna ꞌunanin, mitsux camina Jesucristo cupí ainan ꞌinun ië́micë ꞌixun ëncëma ꞌaish asérabi Nucën Papa Diosan upí oquin ꞌaquíncë ꞌai quixun.

1 Juan 2:24

Usa ꞌain camina Jesucristomi catamëtabaquinmi cua a bana manuquinma upí oquin sinánti ꞌain. A bana asérabi sináncë ꞌaish camina abë upí ꞌaish ënima camabi nëtën aín Bëchicë ꞌianan Nucën Papa Diosbëribi ꞌiti ꞌain.

1 Juan 3:11

Jesucristomi catamëtabaquinbimi mitsun cua a bana ca ënëx ꞌicën, bëtsibë bëtsibë cananuna nuibananti ꞌai quicë.

1 Juan 3:2

ꞌËn nuibacë xucë́antu, bërí cananuna Nucën Papa Diosan bëchicë ꞌain. Usa ꞌicëbi ca uisaira caranuna ꞌinuxun ꞌai quixun an nu ꞌunánmicëma pan ꞌicën. Usa ꞌaínbi cananuna ꞌunanin, Jesucristo utëcëncëbëtan cananuna upí oquin uisa cara ax ꞌicë quixun isti ꞌain. A isi cananuna asaribi ꞌiti ꞌain.

1 Juan 3:21

ꞌËn nuibacë xucë́antu, nun ñu ꞌatima ꞌacëcama a mëníocë ꞌain cananuna a sinani masá nuitutima Nucën Papa Diosbë banati ꞌain.

1 Juan 3:23

Axa quicësabi oquin ꞌati bana ax ca ësa ꞌicën, cananuna aín Bëchicë Jesucristomi catamëanan bëtsibë bëtsibë nuibananti ꞌain, an nu cacësabi oi.

1 Juan 4:1

ꞌËn nuibacë xucë́antu, ënë nëtënuxun ca ꞌitsa unin —Nucën Papa Diosan sinánmicëxun cana uni bana ñuixuni —quiquinbi an sinánmicëxunmabi anbia sináncë bana uni ñuixunia. Usa ꞌain camina —Nucën Papa Diosan ca ꞌë sinánmia —quiquian unin ñuicë bana acamaira cuatima ꞌain. Upí oquin pain camina asérabi cara Nucën Papa Diosan sinánmicëxun uni ñuixunia quixun cuati ꞌain.

1 Juan 4:11

ꞌËn nuibacë xucë́antu, Nucën Papa Diosan unicama usaira oquin nuibacë ꞌain cananuna nuxribi usaribiti bëtsi unicamabë nuibananti ꞌain.

1 Juan 4:21

Ënë bana ca Nucën Papa Diosan nu ꞌináncëxa: axa ami sináncë uni ax ca uni itsimiribi sinánti ꞌicën.

1 Juan 4:7

ꞌËn nuibacë xucë́antu, cana mitsu cain, Nucën Papa Diosan sinánmicëxun ca unin uni itsi nuibatia. Usa ꞌain cananuna ainan ꞌaish bëtsibë bëtsibë nuibananti ꞌain. An uni itsi nuibacë unicamax ca Nucën Papa Diosan bëchicë ꞌianan a ꞌunáncë ꞌixun an sináncësa oquin sinania.