1 Juan 2:5 - Kashibo-Kakataibo Biblia

⁵ Usa ꞌaínbi ca an aín bana quicësabi oquin ꞌacë uni ax ëníma upiti Nucën Papa Diosmi sinania. Usa ꞌixun cananuna ꞌunanin, nux cananuna asérabi ainan ꞌai quixun.

Nukën 'Ibu Diosan ain unikama 'inan ain bana

⁵ Usa 'aínbi ca an aín bana quicësabi oquin 'acë uni ax ëníma upiti Nucën Papa Diosmi sinania. Usa 'ixun cananuna 'unanin, nux cananuna asérabi ainan 'ai quixun.

1 Juan 2:5 ပူးပေါင်းရင်းမြစ်များ

Salmos 105:45

usakin ꞌakëxuan a tanti banakama ꞌimainun, an ꞌunánmikë banakama kikësabiokin ꞌanun ka usakin ꞌakëxa. ¡Usa ꞌain kananuna ashi rabiti ꞌain!

Proverbios 8:32

Usa ꞌain kamina bërí mitsux uni bënábu ꞌixun ꞌën kakëxun kuati ꞌain; kuati kamina ꞌëx ꞌikësaribiti ꞌi chuámarua ꞌikanti ꞌain.

Ezequiel 36:27

ꞌImianan kana ꞌën Bëru Ñunshin mitsu ꞌinánkin ꞌën bana a tantikama kikësaibimi ꞌinun mitsu ꞌimiti ꞌain,

Lucas 11:28

Cacëxun ca Jesusan cacëxa: —Usa ꞌaínbi ca an Nucën Papa Diosan bana cuanan a bana quicësabi oquin ꞌacë uni, axira ꞌën titaxa cuëëncësamaira oi cuëënti ꞌicën.

Juan 14:21

An ꞌën bana ꞌunánquin ax quicësabi oquin ꞌacë uni ax ca axa ꞌëmi asérabi sináncë uni a ꞌicën. Axa ꞌëmi sináncë uni a ca ꞌën Papánribi nuibatia. Usaribi oquin cana ꞌënribi a uni nuibaquin uisaira carana ꞌëx ꞌai quixun ꞌunánminuxun ꞌain.

Juan 14:23

Cacëxun ca Jesusan cacëxa: —Uix cara ꞌëmi sinania, ax ca ꞌëx quicësabi oi ꞌiti ꞌicën. Usai ꞌia ca ꞌën Papan nuibati ꞌicën. An nuibacëbë cana ꞌën Papabë ꞌëxribi a unibë ꞌiti ꞌain.

Juan 15:5

ꞌËx cana uvas aín i rarasaribi ꞌain. Aín pëñánsaribi camina mitsux ꞌain. Usa ꞌaish camina ꞌëmi catamëanan ꞌëmi upiti sinánan ꞌëx mibë ꞌain, min sinan ꞌën sinánsaribi ꞌaish ꞌëx cuëëncësabi oquin ꞌanan ꞌën bana quicësabi oi ꞌiti ꞌain. ꞌËx mitsubëma ꞌain camina ꞌëx cuëëncësa oi ꞌitima ꞌain.

Juan 6:56

Ui unix cara ꞌëmi catamëti ꞌën nami pianan ꞌën imi xëacësa ꞌicë, ax ca ꞌëbë ꞌicën, ꞌëxribi cana abë ꞌain.

Romanos 8:1

Usa ꞌain ca uicamax cara Cristo Jesús abë ꞌicë, acama Nucën Papa Diosan ꞌuchoima. Usa unicamax ca Cristonanma uni ꞌicësai ax cuëëncësarishi ꞌima, Nucën Papa Diosan Bëru Ñunshin Upitan sinánmicësabi oi ꞌia.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

2 Corintios 5:17

Usa ꞌain ca uinu ꞌicë unix cara Cristomi catamëtia ax Cristobë ꞌaish bëtsi uni ꞌicën. Usa ꞌixun ca bëráma ꞌacësa oquin sinántëcënima. Bëtsi oquin ca sinania.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Santiago 2:22

Nucën Papa Diosan a cacësabi oquin Abrahamnën ꞌá cupí camina ꞌunanin, Abrahamnëx ca asérabi Nucën Papa Diosmi catamëcë ꞌiacëxa quixun. Usa ꞌixun an cacësabi oquin ꞌacë ꞌaish ca Abraham asérabi ax ꞌicësamaira oi Nucën Papa Diosmi sináncëxa.

1 Juan 3:24

Axa aín bana quicësabi oi ꞌicë unicamax ca Nucën Papa Diosbë ꞌicën, ꞌimainun ca axribi atubë ꞌicën. An nu ꞌináncë aín Bëru Ñunshin Upí ax nubë ꞌain cananuna asérabi ꞌunanin, Nucën Papa Dios ca nubë ꞌicë quixun.

1 Juan 4:17

Usa ꞌixun cananuna an nu nuibaquin sinánmicë ꞌixun ax cuëëncësa oquin Nucën Papa Diosmi upiti sinánan unicama nuibatin. Usa ꞌaish cananuna nux ënë nëtënuax asaribi ꞌaish, anuan Jesucristo utëcënti nëtën nux masá nuituti rabíntima ꞌain.

1 Juan 4:18

Usa ꞌain ca an Nucën Papa Diosmi sinánan bëtsi uniribi nuibacë uni, ax ami ꞌuchacëma ꞌaish unimi racuëtima. Anuan Jesucristo utëcënti nëtë́nribi ca racuë́tima ꞌicën. Usa ꞌaínbi ca unix asérabi bëtsi unibë nuibanancëma ꞌaish racuëti ꞌatimaquin sinani bënëtia. Usa unin ca upiti nuibananti ꞌunanima.

1 Juan 5:2

Usa ꞌain cananuna ꞌunanin, nux ami sinánquin Nucën Papa Dios quicësabi oquin ꞌacë ꞌaish cananuna aín bëchicëcamamiribi sinani quixun.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.

2 Juan 1:6

Asérabi Nucën Papa Diosmi sináncë unin ca axa quicësabi oquin ꞌaia. Aín banax ca quia, camina bëtsibë bëtsibë nuibananti ꞌai quiax. Jesucristomi catamëtabaquinmi cua, abi ca a bana ꞌicën.

Apocalipsis 12:17

Usai ꞌia isi ca ñuina chaira capë́sa ax ꞌaisamairai xuamati xanumi nishaxa. Nishi ca a xanun rëbúnqui raíri, an Nucën Papa Diosan bana quicësabi oquin ꞌacë ꞌianan an Jesucristomi sinánti ëncëma, a unicamabë ꞌacanani cuanxa.

Apocalipsis 14:12

Usa ꞌain ca Nucën Papa Diosan unicama, an aín bana quicësabi oquin ꞌanan Jesúsmi catamëcë, acaman uisai cara ñu ꞌicëbë tëmëraquinbi asérabi ami sinánti ëntima ꞌicën.