1 Juan 2:12 - Kashibo-Kakataibo Biblia

¹² ꞌËn bëchicësa ꞌicë, cana Jesucristo cupía Nucën Papa Diosan mitsun ꞌuchacama tërë́ncë cupí mitsu quirica cuënëoxunin.

Nukën 'Ibu Diosan ain unikama 'inan ain bana

¹² 'Ën bëchicësa 'icë, cana Jesucristo cupía Nucën Papa Diosan mitsun 'uchacama tërë́ncë cupí mitsu quirica cuënëoxunin.

1 Juan 2:12 ပူးပေါင်းရင်းမြစ်များ

Jeremías 14:7

¡Nukën ꞌIbu Dios nun ꞌuchakë anbi ka nukama ꞌaisama ꞌimia, usa ꞌain ka mix nuibanankë ꞌain min anë ax upíokin rabikë ꞌiti ꞌikën! Usa ꞌaínbi kananuna mix kikësoi ꞌima ꞌitsaira nukamax mimi ꞌuchan.

Lucas 24:47

Usa ꞌain ca aín unicaman Jerusalénuxun pain aín bana ñuitancëxun camabi menu cuanquin ësoquin caquin unicama ñuixunti ꞌicën, Nucën Papa Diosan atun ꞌatima ñu ꞌacëcama tërë́ncë ꞌinuxun ca sinanaquin bëtsi oquin sinánti ꞌicë quixun. Ësaía a ñui cuënëo bana quicë a ñuixuntancëxun ca Jesusan atu cacëxa:

Lucas 5:20

Nanpáquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Min ꞌuchacama ca tërë́ncë ꞌicën.

Hechos 10:43

An Nucën Papa Dios quicë bana uni ñuixuncë unicamaxribi ca Jesús ñui ësai quiacëxa, camabi uni axa aín bana cuati ami catamëcë, a ca aín ꞌuchacama Jesusan tërë́nxunia quixun.

Hechos 13:38

ꞌËn xucë́antu, usa ꞌain camina ꞌunánti ꞌain, Jesús cupíshi ca uni aín ꞌuchacama tërë́ncë ꞌiti ꞌicën. Ca usa ꞌicë quixun cananuna mitsu cain.

Hechos 4:12

Nucën Papa Diosan ca nuxnu nun ꞌuchacama tërë́ncë ꞌaish abë ꞌinúan an nu ië́minun Jesúsëshi ꞌimiaxa. Usa ꞌain ca an Nucën Papa Diosnan ꞌinun nu ië́miti bëtsi uni ꞌaíma ꞌicën.

1 Corintios 6:11

Usa uni camina mitsu raírinëx ꞌiacën. ꞌIá ꞌaínbi ca mitsun ñu ꞌatima ꞌacëcama tërë́ncë ꞌain mitsun nuitu upí ꞌicën. Usa ꞌaish camina Nucën ꞌIbu Jesucristo cupí, Nucën Papa Diosan Bëru Ñunshin Upitan ꞌimicëx, an iscëx ainan ꞌain.

Efesios 1:7

An ca nun ꞌucha cupínu ainanma ꞌicëbi Cristo bama ꞌain, nun ñu ꞌaisama ꞌacëcama tërë́nquin ainan ꞌinun nu ië́miaxa, an nu nuibaquin.

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Colosenses 1:14

Nun ꞌuchacama cupínu abë ꞌitima ꞌicëbi ca aín Bëchicë bamacë cupí Nucën Papa Diosan nun ꞌucha tërë́nquin ainan ꞌinun nu ië́miacëxa.

1 Juan 1:4

Upí oquin sinanimi chuámaishirua tani cuëënun cananuna ënë banacama ësoquin mitsu cuënëoxunin.

1 Juan 1:7

Usa ꞌaínbi cananuna axa ꞌicësaribiti ñu ꞌatima ꞌati sináncëma ꞌianan Nucën Papa Diosbë upí ꞌaish, axa ami catamëcë unicamabëribi upiti nuibananin. Usaínu ꞌia ca an, aín Bëchicë Jesucristo aín imi ꞌapati bama cupí, uisa ñu ꞌai caranuna ꞌuchai, abi nu tërë́nxunia.

1 Juan 1:9

Usa ꞌaínbi cananuna ꞌunánti ꞌain, nun nu nun ꞌuchacama chiquinaxuncëxun ca Nucën Papa Diosan, ax upí ꞌixun ax quicësabi oquin ꞌaquin, nun ꞌuchacama nu tërë́nxunquin upí ꞌinun nu ꞌimiti ꞌicën.

1 Juan 2:1

ꞌËn bëchicësa ꞌicë, cana ñu ꞌatimami ꞌatin rabanan ënë ñucama mitsu cuënëoxunin. Usa ꞌaínbia uinu ꞌicë unix cara ꞌuchaia, a an ñucáxunti ca Nucën Papa Diosbëa ꞌicë Jesucristo, ax ꞌicën. Ax ca uisa ꞌuchañumabi asérabi upíira ꞌicën.

1 Juan 2:21

Mitsúnmi Cristonan ꞌixun ax cuëëncësabi oi ꞌiti ꞌunáncëma cupí cana mitsu caiman. Mitsúnmi a ñucama ꞌunáncë cupí cana mitsu ënë quirica cuënëoxunin. Camina ꞌunanin, Cristonan ꞌixun ax cuëëncësabi oi ꞌiti ꞌunáncë uni ax ca cëmëtima ꞌicën.

1 Juan 2:7

ꞌËn xucë́antu, mitsun ꞌunáncëma bana ñuiquin cuënëoquin cana mitsu caiman. Jesucristomi catamëtabaquinmi cua bana abi cana mitsu ñuixuntëcënin.