1 Corintios 9:8 - Kashibo-Kakataibo Biblia

⁸ ꞌËnbi ꞌën sinanën sináncëma ca ënë bana ꞌicën. Moisésnën cuënëo banaribi ca usai quia.

Nukën 'Ibu Diosan ain unikama 'inan ain bana

⁸ 'Ënbi 'ën sinanën sináncëma ca ënë bana 'icën. Moisésnën cuënëo banaribi ca usai quia.

1 Corintios 9:8 ပူးပေါင်းရင်းမြစ်များ

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Romanos 3:31

¿Jesucristo cupíshi cana ꞌën ꞌucha tërë́ncë ꞌaish Nucën Papa Diosan iscëx upí ꞌai quixun sinánquin caranuna Nucën Papa Diosan bana Moisésnën cuënëo ax ca cuatima ꞌicë quixun sinánti ꞌain? Usama ca. Jesucristomi catamëtishi cananuna asérabi Nucën Papa Diosan bana quicësabi oíira ꞌiti ꞌai quixun cananuna unicama ñuixunin.

Romanos 3:5

¿Nun nu ax cuëëncësabi oquin ꞌaiama oquin, upí ꞌinun quixun an nu castícania isquian uni raírinën Nucën Papa Dios, ax ca aín sinan upíira ꞌicë quixun ꞌunáncë ꞌain caranuna uisoquin sinánti ꞌain? ¿An nu castícancë cupí ca Nucën Papa Dios upíma ꞌicë quixun caranuna sinánti ꞌain? Usai quicë banax ca unin abi sináncësa ꞌicën.

Romanos 6:19

Mitsúxmi unin sináncësa oquin sináncë ꞌicë cana mitsúnmi cuaisa banáinshi mitsu ñuixunin. Bëráma camina mitsun mëcën, mitsun taë, mitsun namicama anun ñu ꞌatima ꞌatishi sinánquin usoquinshi ꞌacën. Usoquin ꞌá ꞌixunbi camina bërí mitsun mëcën, mitsun taë, mitsun namicama anun ñu upíshi ꞌati sinánquin usoquinshi ꞌati ꞌain, usaquinmi ꞌacëbëa Nucën Papa Dios cuëënun.

1 Corintios 14:34

Axa Jesucristomi catamëcë unicama timë́cë ꞌain ca xanu banatima ꞌicën. Usa ꞌixun ca bëbu uníxa banaiashi cuati ꞌicën, Nucën Papa Diosan bana cuënëo quicësabi oquin.

1 Corintios 7:40

Usa ꞌaínbi ca ꞌën sináncëx bënëñu ꞌaish ꞌicësamairai bënëñuma ꞌaish chuámarua tani cuëënti ꞌicën. ꞌËn sináncëxun ca Nucën Papa Diosan Bëru Ñunshin Upitan usaquin ꞌë sinánmiaxa.

Gálatas 1:11

ꞌËn xucë́antu, mitsúnmi ꞌunánun cana ësaquin mitsu cain, Jesucristo ñui quicë bana ꞌën mitsu ñuixuncë ax ca unínbia sináncë banama ꞌicën.

1 Tesalonicenses 2:13

Nun Nucën Papa Dios cuëëncësabi oquin aín bana ñuixuncëxun cuaquin camina —a banax ca unínbi sináncëma ꞌicën, asérabi Nucën Papa Diosan sinánmicëxun ca nu ñuixuncania —quixun sinan. A banax asérabi ainan ꞌain camina mitsux a cuati Nucën Papa Diosnan ꞌain. Mitsux usai ꞌia ꞌunánquin cananuna nëtë́quinma a —asábi ca —quixun caquin rabin. Mitsúnmi —a banax ca asérabi ꞌicë —quixun cuatia ca Nucën Papa Diosan ainan ꞌinun mitsu ꞌimiaxa.

1 Tesalonicenses 4:8

Usa ꞌain ca, ui unin cara nun mitsu ꞌunánmicë banacama ënë cuaisama tania an, unin banama, Nucën Papa Dios, an aín Bëru Ñunshin Upí nu ꞌináncë, aín bana timaia.