1 Corintios 9:6 - Kashibo-Kakataibo Biblia

⁶ ¿Axa mitsubë ꞌicë uni raírinën ꞌacësaribi oquin ꞌënribi Bernabébëtan ꞌën mëcënan ñu mëëquinma, Nucën Papa Diosan banaishi ñuixunti cara asábima ꞌitsíanx? Ca asábi ꞌitsíanxa.

Nukën 'Ibu Diosan ain unikama 'inan ain bana

⁶ ¿Axa mitsubë 'icë uni raírinën 'acësaribi oquin 'ënribi Bernabébëtan 'ën mëcënan ñu mëëquinma, Nucën Papa Diosan banaishi ñuixunti cara asábima 'itsíanx? Ca asábi 'itsíanxa.

1 Corintios 9:6 ပူးပေါင်းရင်းမြစ်များ

2 Reyes 6:2

Usa ꞌain kamina nukama Jordán kakë baka kuëbí anu xubu achúshi ꞌati i bitánun nukama xuti ꞌain anu ꞌiti ka ꞌaíma ꞌikë kixun ka kakankëxa. Kakëxun ka —Asábi ka kamina bitsi kuankanti ꞌai —kixun Eliseonën atu kakëxa.

Hechos 11:22

Usaía ꞌicëa ñuia ca axa Jesucristomi catamëcë unicaman Jerusalénuxun cuacëxa. Cuaxun ca Bernabé Antioquíanu cuantánun quixun xuacëxa.

Hechos 13:50

Usa ꞌaínbi ca judíos unicaman Pablocëñun Bernabé ñui ami ꞌatimati banaquin bëtsi bëtsi xanu Nucën Papa Diosmi sináncë ꞌianan —atux ca aín nuitu upí ꞌicë —quixun unin cacë acama ꞌimainun a ëmanu ꞌicë cushi unicamaribi Bërnabé ꞌimainun Pablomia nishnun quixun tsuáquirumiacëxa. Usocëxun ca Pablocëñun Bernabé bëtsi bëtsi oquin aín nëtënuaxa cuanun quixun xuacëxa.

Hechos 14:12

Quitancëx ca Bernabé ñui —ax ca Júpiter ꞌicë —quianan Pablo ñui, an uni bana ñuixuncë ꞌain, —ax ca Mercurio ꞌicë —quiacëxa.

Hechos 18:3

Aquila ax ca Pablonëan ꞌacësaribi oquian an chupa xubu ꞌacë uni ꞌiacëxa. Usa ꞌain ca Pablonën aín xubunu ꞌixun Aquilabëtan chupa xubu ꞌacëxa.

Hechos 4:36

Axa usai ꞌaquianancë unicama achúshi ca Levitan rëbúnqui, José cacë, Chipre nasínu ꞌicë, ꞌiacëxa. Ax ca Jesusan caíscë unicaman Bernabé caquinribi anëcë ꞌiacëxa. A banax ca an masá nuitutiabi cuëënmicë qui quicë ꞌicën.

1 Corintios 11:16

Axa ënë bana cuati cuëbicanáncë unicama cana cain, usai ca xanu ꞌiti ꞌicë quixun cananuna camabi uni cain. Axa Jesucristomi catamëcë unicama timë́cëcamanribi ca —usai ca ꞌiti ꞌicë —quixun sinania.

2 Corintios 11:8

Mitsu bana ñuixunti cupí cana bëtsi ëmacamanuxuan axa Jesucristomi catamëcë unicaman ꞌináncëxun curíqui bian.

1 Tesalonicenses 2:9

Nucën xucë́antu, mitsun camina ꞌunanin, nun cananuna pitiñuma ꞌianan nun curíqui cëñuti rabanan tëmërai atsánquinbi ñu mëëan. Micama uinu ꞌicë uníxbia nu ñu ꞌináncasi bënë́nunma cananuna nëtën ꞌanan, imë́ribi nun cuëëncë ñu biti cupí usoquin ꞌan. ꞌAnan cananuna Jesucristomi catamëti ca uni Nucën Papa Diosnan ꞌiti ꞌicë quixun caquin mitsu bana ñuixuan.