1 Corintios 9:5 - Kashibo-Kakataibo Biblia

⁵ A Jesusan aín bana ñuixunun caíscë uni raíri ꞌimainun Nucën ꞌIbu Jesusan xucë́antu ꞌimainun Pedro, acaman aín xanu abë cuanun buáncësaribi oquin cana ꞌënribi ꞌaisa tanquin xanu buánti ꞌain.

Nukën 'Ibu Diosan ain unikama 'inan ain bana

⁵ A Jesusan aín bana ñuixunun caíscë uni raíri 'imainun Nucën 'Ibu Jesusan xucë́antu 'imainun Pedro, acaman aín xanu abë cuanun buáncësaribi oquin cana 'ënribi 'aisa tanquin xanu buánti 'ain.

1 Corintios 9:5 ပူးပေါင်းရင်းမြစ်များ

Mateo 13:55

Ënëx ca carpinteronën bëchicë ꞌicën, ꞌimainun ca aín titax María ꞌicën. Jacobo, José, Simón, Judas acamax ca aín xucën ꞌicën.

Mateo 8:14

Usaquin cabiani Pedronën xubunu cuanxun ca Jesusan Pedronën nachi ꞌitsisan ꞌi racácë mëracëxa.

Marcos 1:30

Atsinia ca Simonan nachia ꞌitsisan ꞌi ꞌinsíanx racatan anu ꞌicë unicaman Jesús —Simonan nachi ca ꞌinsíanxa —quixun cacëxa.

Marcos 6:3

Carpinteroishi ca ënëx ꞌicën, Marían tuá. Ax ca Jacobo ꞌimainun José ꞌimainun Judas ꞌimainun Simón aín xucën ꞌicën. Aín chirabacëcamaribi ca ënu nubë ꞌicën, ¿usa cat? —quiax canancëxa. Usai canani ca aín bana cuaisama tani ami nishacëxa.

Lucas 6:15

Mateo, Tomás, acama ꞌimainun Jacobo, Afleonën bëchicë, ꞌimainun Simón axa judíos unibun rabanan nëëti banacë,

Lucas 8:20

ꞌIcë atu isquin ca unin Jesús cacëxa: —Min titabë ca min xucë́antu ëman ꞌicën. Ca mi istisa tania.

Juan 1:42

Cabianquin ca aín xucën Jesúsnu buáncëxa. Buáncëx bëbaia isquin ca Jesusan bëñachaquin cacëxa: —Mix camina Juanën bëchicë, Simón, a ꞌain. ꞌAíshbi camina Cefas caquin anëcë ꞌiti ꞌain. Cefas quicë bana, ax ca Pedro qui quicë ꞌicën.

Juan 2:12

Usaquin ꞌatancëx ca aín tita ꞌimainun aín xucë́antu ꞌimainun aín ꞌunánmicë unicamabë Jesús Capernaúm ëmanu cuancëxa. Cuanx bëbatancëx ca ꞌitsama nëtë́inshi anu ꞌiacëxa.

Hechos 1:14

A unicamax ca atúxa ꞌicësabi oi ꞌi, Jesusan xucë́antu ꞌimainun aín tita María ꞌimainun bëtsi xanucamabëribi timë́ax ami sinani Nucën Papa Diosbë banacëxa.

Romanos 16:1

Nucën chirabacë, Febe, a ñuiquin cana mitsu cain, ax ca asérabi aín nuitu upí ꞌicën. An ca Cencrea ëmanuxun axa Jesucristomi catamëcë xanucama ꞌaquianxa.

1 Corintios 1:12

Usoquian cacëxun ꞌën sináncëx ca ësa ꞌicën: mitsu raírinëx ca ax isa ꞌën ꞌunánmicë ꞌicë quia. Quimainun ca raírinëxribi ax isa Apolonën ꞌunánmicë ꞌicë quimainun, raírinëxribishi ax isa Pedronën ꞌunánmicë ꞌicë quimainun raírinëxribishi ax isa Cristonën ꞌunánmicë ꞌicë quiax quia.

1 Corintios 7:15

Usa ꞌaínbi ca axa Jesúsmi catamëcëma unin aín xanu Jesúsmi catamëcë ꞌicë ëinsa tanquin ënti ꞌicën. Usaía ꞌicëxbi ca aín xanun ꞌuchama ꞌicën. Usaribi oquin ca axa Jesúsmi catamëcëma xanun aín bënë Jesúsmi catamëcë ꞌicë ëinsa tanquin ënti ꞌicën. Usaía ꞌicëxbi ca aín bënën ꞌuchama ꞌicën. Nucën Papa Dios ca nuxnu nun xanubë ꞌatimonani cuëbícanani tsoti cuëënima.

1 Corintios 7:39

Bënëñu xanu an ca usai uni ꞌiti quicësabi oquin, bamacëma ꞌicë aín bënë ëntima ꞌicën. Aín bënë bamacëbë cuni ca ꞌiisa tani bënuti ꞌicën, Nucën ꞌIbu Jesús cuëëncëbë.

1 Corintios 7:7

ꞌËn sináncëx ca camabi uni ꞌësaribi xanuñuma ꞌiti asábi ꞌicën. Usa ꞌaínbi ca Nucën Papa Diosan achúshi achúshi uni, xanuribi, uisai cara ꞌiti ꞌicë quixun mëníoia.

1 Corintios 7:8

Ësaquin cana mitsu cain, xanuñuma unin xanu bitima ca asábi ꞌicën, ꞌëx ꞌicësaribiti. ꞌImainun ca bënëñuma xanu ꞌimainun casunamëcë xanu bënutima asábi ꞌicën.

Gálatas 1:19

Aribia Nucën ꞌIbu Jesusan aín bana ñuixunun caísa uni raíri isquinmabi cana Jacobo, Nucën ꞌIbu Jesusan xucën, ashi isacën.

1 Timoteo 3:2

Usa ꞌain ca axa Jesucristomi catamëcë unicaman cushi ax ësa uni ꞌiti ꞌicën: Ca ꞌiti ꞌicën, —ꞌaisama ca —quixun unin ñuicëma, xanu achúshiñuishi, upí sinánñu, cuaibë banacëma, upí oquin sináncë ꞌixun ñu ꞌatima ꞌacëma. ꞌIanan ca a isi aia cuëënquin uni bicë ꞌianan Nucën Papa Diosan bana ꞌunánmiti ꞌunáncë ꞌiti ꞌicën.

1 Timoteo 4:3

A unicamax ca axa Nucën Papa Diosmi catamëcë unicaman isa xanu bitima ꞌicë quianan bëtsi bëtsi ñuribi pitima ꞌicë quiax quia, an ꞌináncëxun aín unicama an aín bana ꞌunáncë ꞌixun a —asábi ca —caquin piti oquian camabi ñu Nucën Papa Diosan unio ꞌaínbi.

1 Timoteo 5:2

Min titami ꞌacësaribi oquin camina nuibaquin xanu xënicama ꞌësëti ꞌain. ꞌAnan camina min chirabacëmi ꞌacësaribi oquin xanu xuntacucamaribi ꞌatimaquin sinánquinma upí oquin sinánquin ꞌësëti ꞌain.

Tito 1:6

Axa Jesucristomi catamëcë unicaman cushi ꞌinun camina ësa uni caísti ꞌain: Unin —ꞌaisama ca —quixun ñuicëma ca ꞌiti ꞌicën. Usa ꞌianan ca xanu achúshiñuishi ꞌiti ꞌicën. ꞌIanan ca aín bëchicëcamaxribi upí oquin bana cuacë ꞌiti ꞌicën. Aín bëchicëcamax ca —bana cuacëma ꞌixun ca ꞌaisama ñu ꞌaia —quixuan unin ñuicëma ꞌiti ꞌicën.

Hebreos 13:4

Min xanuma ꞌain camina xanu itsibë ꞌitima ꞌain. Xanu minan ꞌiti bitancëxun camina abë nuibananquin upí oxun ꞌiquinti ꞌain. Aín xanuma ꞌain bënëñuma xanubë ꞌiti ꞌimainun uni itsin xanubë ꞌiti ca Nucën Papa Dios cuëënima. Cuëënquinma ca usa uni ꞌimainun usa xanuribi ꞌuchoquin uisa cara oti ꞌicë usoquin ꞌati ꞌicën.