1 Corintios 9:24 - Kashibo-Kakataibo Biblia

²⁴ Camina ꞌunanin, cuai ca uni uix pain cara bëbati ꞌicë isnux, camáxbi abatia. Camáxbi abácëbëtanbi ca ax paían bëbacë ainshi ñu bitsia. Usaribiquin camina Jesucristobë tsóti sinani cuëënquin ax quicësabi oquinshi ꞌati ꞌain.

Nukën 'Ibu Diosan ain unikama 'inan ain bana

²⁴ Camina 'unanin, cuai ca uni uix pain cara bëbati 'icë isnux, camáxbi abatia. Camáxbi abácëbëtanbi ca ax paían bëbacë ainshi ñu bitsia. Usaribiquin camina Jesucristobë tsóti sinani cuëënquin ax quicësabi oquinshi 'ati 'ain.

1 Corintios 9:24 ပူးပေါင်းရင်းမြစ်များ

Salmos 19:5

anuax ka bari achúshi uni ꞌain xubunuax mëratiñu ꞌaish kuëëni ꞌikësai ꞌianan, achúshi uni abáti ꞌunan axa kuëëni abákësa kiani kuania.

Eclesiastés 9:11

Ënë nëtënua kana bëtsi ñuribi isan: akaman ka kushiira abákë anbi bëtsi kananima, ꞌianan ka ax ꞌakanantimi rakuëma unínbi ꞌakanankin kananima; ꞌimainun ka ax sinan ñuira unikama axi ka pitiñu ꞌima ꞌianan ka an bënë́kinshi ñu ꞌunánkë unikama axi ñuñuira ꞌima, ꞌimainun ka ñu ꞌunáinrakë unibi kamaxunbira unin kuëënima; usa ꞌain ka a ñukama uínsaran kara ax usai ꞌiti nëtë ꞌikëbë pakëtia nëtë anuinshi unin biti ꞌikën.

Romanos 6:16

Camina upí oquin ꞌunanin, mitsun uni itsi —ꞌëx cana min uni ꞌiisa tani —quixun catancëxun camina aín uni ꞌixun ax quicësabi oquinshi ñu ꞌaxunti ꞌain. Usaribiti ca uni ñunshin ꞌatimanën ꞌapu cuëëncësa oquinshi ꞌacë ꞌaish aín uni ꞌicën. Aín uni ꞌaish ca Nucën Papa Diosbë ꞌitimoi bamati ꞌicën. Usa ꞌaínbi ca uni itsix Nucën Papa Dios cuëëncësabi oquin ꞌacë ꞌaish aín uni ꞌianan an iscëx upí ꞌicën.

1 Corintios 9:13

Camina ꞌunanin, Nucën Papa Diosan mëníosabi oquin ca anuxun a rabiti xubunuxun an ñu ꞌacë unicama ꞌimainun sacerdotecamanribi Nucën Papa Dios rabiquin ꞌacë ñuina aín nami paná piia.

1 Corintios 9:23

Jesucristomi catamëtia Nucën Papa Diosan ainan ꞌinun ië́minun cana unicama bana ñuixunin, Jesucristomi catamëcëbë atubë cuëënuxun.

1 Corintios 9:26

Amanu amanu sinánquinma cana Jesucristo cuëëncësabi oquin upí oquin ꞌati sinanin. Bëxuñu uníxa abati amo amotan cuancësari cana ꞌiisama tanin, ꞌimainun cana unia suñubë mëëanancësa ꞌiisama tanin.

Gálatas 2:2

Nucën Papa Diosan ꞌë sinánmicësabi oi Jerusalénu cuanx bëbax cana anu ꞌicë axa Jesucristomi catamëcë unin cushicamabëshi banacën. Banaquin cana ꞌën judíosma unicama Jesucristo ñuiquin ñuixuncë banacama ñuixuancën, usaquin cana unicama ca quixun caquin. ꞌËn usaquin bana ñuixunti cara atun sináncëx asábi ꞌicë quixun ꞌunánuxun cana ꞌën judíosma uni ñuixuncë banacama chiquinaquin cacën, ꞌën uni ñuixuncë bana axa ꞌëx cëmëi banacësa ꞌaish ñancáishi ꞌitin rabanan.

Gálatas 5:7

Mitsux camina upiti Jesucristomi sináncën. ¿Ui unin cara Jesusan banami ënun quixun mitsu sinanamiax?

Filipenses 2:16

—Jesucristomi catamëti ca uni Nucën Papa Diosnan ꞌia —quixunmi unicama bana ñuixuncë cupí. Mitsúxmi usa ꞌain cana ꞌën Cristo ucëbëtan —ñancábi cana tëmëraquinbi Cristo ñuiquin Filiposnu ꞌicë unicama bana ñuixuanma ꞌai —quixun ꞌunani cuëënquin upí oquin sinánti ꞌain.

Filipenses 3:12

Usa ꞌaínbi cana asérabi asaírama pain ꞌain. Asaírama ꞌixun cana asérabi an ꞌacësaribi oquiinra sinaniman. Usa ꞌixunbi cana ꞌunanin, axa quiásabi oi asaribi ꞌinun ca ꞌë ië́miacëxa quixun. Usaquin ꞌunánquin cana asaribi ꞌinuxun, ënquinma aín bana quicësabi oquin ꞌain.

Filipenses 3:14

Usoquin ꞌatancëxun cananuna uisaira caranuna aín nëtënu abë ꞌaish asérabi asaribi ꞌiti ꞌai quixun isti ꞌain. Isanan cananuna uisaira oquin cara Cristo Jesúsnan ꞌicë Nucën Papa Diosan nu ꞌimiti ꞌicë quixun isti ꞌain.

Colosenses 2:18

Atúnbi ca —ꞌëx asama ꞌixun cana Nucën Papa Diosma ángelcamaishi rabiti ꞌai —quixun sinánquin atúnbi sináncë ñu ñui rabíquin unicana bana ñuixunia. Usa ꞌain camina Cristonan ꞌiti ëntin rabanan atúan mitsu ñuixuncë bana a tantima ꞌain.

Hebreos 12:1

A unicamaxa ꞌiásaribiquin ca nubë ꞌicë ꞌitsa unin tëmëraquinbi —Nucën Papa Diosan ca asérabi aín quicësabi oquin nu ꞌaquinti ꞌicë —quixun ꞌunánquin ami catamëquin ënima. Atúxa ꞌicësaribiti ꞌinuxun cananuna an nu ꞌatimaquin sinánmicë a ñucama ëanan an usabi ꞌitioquin nu ꞌatima ꞌimicë ñucamaribi ënti ꞌain. Acama ënquin cananuna bënë́quinma añu ñu ꞌën ꞌati cara Nucën Papa Dios cuëënia quixun sinánquin upí oquin ꞌati ꞌain. Cuai bëtsibë upiti abáti cupí ca unin an ië́ocë ñu nania, usaribiquin cananuna upí oquin nun ꞌati ñu ꞌanuxun, uisa ñun cara nu ꞌatimaquin sinánmia, a ënti ꞌain.

Santiago 1:12

An uisa ñu cara ꞌicëbëbi bënë́quinma tanshiquin Jesucristomi catamëti ëncëma unicama a ca usaía ax ami sináncë unicama ꞌiti ñuia quiásabi oquin Nucën Papa Diosan aín nëtënu abë ꞌaish chuámarua ꞌaish cuëënun ꞌimiti ꞌicën.

Apocalipsis 3:11

Xënibucëma ꞌaínshi cana utëcënti ꞌain. ꞌËx umainun min ꞌacësabi oquin ꞌëmi sinánti ënquinma ꞌën mitsu cacë bana ꞌacë ꞌaish camina ꞌëbë ꞌën nëtënu ꞌi cuëënti ꞌain. Usai ꞌimi ꞌiti cupí camina unían mitsu sinanaminun ꞌamitima ꞌain.