1 Corintios 9:21 - Kashibo-Kakataibo Biblia

²¹ Usa ꞌaínbi cana judíosma uni, an Moisésnën cuënëo bana ꞌunáncëma, acamabë ꞌixun Jesucristomi sinánun ꞌunánmiti cupí atux ꞌicësaribiti ꞌinux, usaía judíos unicama ꞌinun Moisésnën cuënëo bana manucësa ꞌian. Usai ꞌibi cana Jesucristonan ꞌaish Nucën Papa Diosan bana quicësabi oi ꞌin.

Nukën 'Ibu Diosan ain unikama 'inan ain bana

²¹ Usa 'aínbi cana judíosma uni, an Moisésnën cuënëo bana 'unáncëma, acamabë 'ixun Jesucristomi sinánun 'unánmiti cupí atux 'icësaribiti 'inux, usaía judíos unicama 'inun Moisésnën cuënëo bana manucësa 'ian. Usai 'ibi cana Jesucristonan 'aish Nucën Papa Diosan bana quicësabi oi 'in.

1 Corintios 9:21 ပူးပေါင်းရင်းမြစ်များ

Hechos 15:28

Nucën Papa Diosan Bëru Ñunshin Upitan sinánmicëxun cananuna sinan, ca asábi ꞌiti ꞌicën, mitsúnmi Moisésnën usai judíos unicama ꞌiti cuënëo banacama quicësabi oquin ꞌaquinma ënë ñuishi ꞌati:

Hechos 16:4

Listranuax Timoteo buani bëtsi bëtsi ëmanu cuanquin ca anu ꞌicë unicama, uisaquin cara Jerusalénu ꞌicë Jesusan aín bana ñuixunun caíscë unicama ꞌimainun axa Jesucristomi catamëcë unin cushicaman caxa quixun bana ñuixuancëxa. Ñuixunquin ca atúxa quicësabi oquin camina ꞌati ꞌai quixun axa Jesucristomi catamëcë unicama cacëxa.

Hechos 21:25

Mixmi judío uni ꞌaish usai judíos unicama ꞌiti bana quicësabi oi ꞌiti ꞌaínbi ca nun sináncëx judíosma unicamax usai ꞌitima asábi ꞌicën. Usaquin sinánquin cananuna ësaquin ꞌaxun acama quirica buánmian: Judíos unicama usai ꞌiti banacama quicësa oquin ꞌaquinma camina ësaquinshi ꞌati ꞌain, unínbia uniocë ñu rabiquian ꞌacë ñuina camina pitima ꞌain, ꞌimainun camina ñuina imi pitima ꞌain, ꞌimainun camina tëtsë́cacë ñuina pitima ꞌain, ꞌimainun ca bëtsi xanubë ꞌima uni aín xanubëishi ꞌiti ꞌicën.

Romanos 2:12

An Nucën Papa Diosan bana Moisésnën cuënëo, a ꞌunáncëma ꞌixun ñu ꞌatima ꞌacë unicamax ca atun ꞌucha cupíbi ainanma ꞌaish Nucën Papa Diosbë ꞌitima ꞌicën. ꞌImainun ca an Nucën Papa Diosan bana Moisésnën cuënëo ꞌunánquinbi a bana quicësabi oquin ꞌaquinma ñu ꞌatima ꞌacë unicama atux ca aín ꞌucha cupí, a bana quiásabi oquin Nucën Papa Diosan ꞌuchocë ꞌiti ꞌicën.

Romanos 2:14

Usa ꞌain ca judíosma unin Nucën Papa Diosan bana Moisésnën cuënëo ꞌunánquinmabi atúnbi sinánquin a bana quicësabi oquin ꞌacë ꞌixun, uisa ñu ꞌati cara ꞌaisama ꞌicë, uisa ñu ꞌati cara upí ꞌicë quixun ꞌunania.

Romanos 7:22

Nun nuitu mëu cananuna asérabi Nucën Papa Dios cuëëncësabi oquin ꞌaisa tanin, axa usaínu ꞌinun quicë bana ca upí ꞌicë quixun ꞌunánquin.

Romanos 7:25

An nu ië́miti ax ca Nucën Papa Dios ꞌicën, Nucën ꞌIbu Jesucristo cupí. An ca nu ië́miti ꞌicë quixun ꞌunánquin cananuna —asábi ca —quixun cain. Usa ꞌain cananuna ꞌunanin, Nucën Papa Dios cuëëncësabi oquin ꞌati ꞌixunbi cananuna nun sinan upíma ꞌixun ñu ꞌatima ꞌain. Usaquin ꞌaxunma ꞌanun ca Nucën Papa Diosainshi nu ië́miti ꞌicën.

Romanos 8:4

Nuxnu uisa ñu ꞌati cara upí ꞌicë quicë banaxa quicësabi oquin ꞌanan, nunbi ꞌatima ñu ꞌati sinánquinbi tënëquin a ꞌaíma, Nucën Papa Diosan Bëru Ñunshin Upitan sinánmicësabi oi ꞌinun ca aín Bëchicë bamanun Nucën Papa Diosan ꞌimiacëxa.

Gálatas 3:2

Camina ꞌë cati ꞌain, ¿Moisésnëan usai ca judíos unicama ꞌiti ꞌicë quixun cuënëo banami cuacë cupí cara Nucën Papa Diosan aín Bëru Ñunshin Upí mitsubëa ꞌinun mitsu ꞌináncëx? Usama ca. Jesucristo ñui quicë bana cuatími ami catamëcëxuinshi ca aín Bëru Ñunshin Upí mibëa ꞌinun mitsu ꞌináncëxa. ¿Usa ꞌixunbi caramina mitsun Nucën Papa Diosan Bëru Ñunshin Upitan mitsu upí ꞌimiti sinántancëxunbi —ꞌën ñu upí ꞌacë cupíshi ca Nucën Papa Diosan ꞌë upí isia —quixun sinanin? Usaquin sinani camina sinánñuma unicamasa ꞌain.

Gálatas 6:2

Min ñuishi ꞌati sinánquinma camina uni raíriribi ami sinánquin ꞌaquinsa ꞌicë ꞌaquinti ꞌain. Usai camina bëtsibë bëtsibë ꞌaquiananti ꞌain. Usai ꞌi camina Cristo quiásabi oi ꞌiti ꞌain.

Hebreos 8:10

Usa ꞌixunbi cana ꞌëx mitsun ꞌIbu Dios ꞌixun mitsu cain, usai ca judíos unicama ꞌiti ꞌicë quixun caquin ꞌën a pain ꞌinan bana sënë́ncëbëtan cana bëtsi bana judíos uni Israel unicama ꞌinánti ꞌain. Ësai ca a bana quiti ꞌicën: ꞌËn cana ꞌën cacë bana ꞌën unicaman manuquinma sinánan aín nuitu mëu upí oquin ꞌunánun ꞌunánmiti ꞌain. ꞌËx cana aín Dios ꞌaish atúan rabicë ꞌiti ꞌain. ꞌImainun ca atux asérabi ꞌën unicama ꞌiti ꞌicën.