1 Corintios 9:18 - Kashibo-Kakataibo Biblia

¹⁸ ꞌËn cupí biti asábi ꞌaínbi cana cupí biquinma unicama Jesucristo ñuicë bana ñuixunin. Ñuixuni cana curíqui bitsi cuëëncësamaira oi mitsúnmi ꞌë cupíoquinmashi a bana cuati cupí cuëënin.

Nukën 'Ibu Diosan ain unikama 'inan ain bana

¹⁸ 'Ën cupí biti asábi 'aínbi cana cupí biquinma unicama Jesucristo ñuicë bana ñuixunin. Ñuixuni cana curíqui bitsi cuëëncësamaira oi mitsúnmi 'ë cupíoquinmashi a bana cuati cupí cuëënin.

1 Corintios 9:18 ပူးပေါင်းရင်းမြစ်များ

Juan 4:36

An uni ꞌëmi catamënun ꞌaquincë uni an ca aín cupí bitsia. A unin ꞌaquincëxa ꞌëmi catamëcë unicama ax ca xënibua ꞌaínbi Nucën Papa Diosnan ꞌia. Usa ꞌain ca an paían ꞌën bana uni ñuixuncë unicamabë an ꞌëmi catamënun uni ꞌaquincë unicamaxribi cuëënti ꞌicën, atúan ꞌënan ꞌinun uni ꞌaquincë cupí.

Hechos 18:3

Aquila ax ca Pablonëan ꞌacësaribi oquian an chupa xubu ꞌacë uni ꞌiacëxa. Usa ꞌain ca Pablonën aín xubunu ꞌixun Aquilabëtan chupa xubu ꞌacëxa.

Romanos 14:15

Usa ꞌain ca axa —ꞌën usa ñu pi cana ꞌuchati ꞌai —quixun sinánquinbi mitsúnmi ꞌaia isquin anribi usa ñu pi ꞌuchacë, ax ca min ꞌucha ꞌiti ꞌicën. Min a uni nuibacëma ꞌixun camina usaquin ꞌan. Usa ꞌain camina mitsun an picëma ñu piquin, anun rabanan Cristo bama ꞌicëbi, uni ꞌuchamitima ꞌain.

1 Corintios 10:33

ꞌËnribi cana camabi uníxa ꞌën ꞌaia isi cuëënun ñu ꞌain. ꞌËn cuëëncë ñu ꞌatishi sinánxun cana ñu ꞌaiman. Jesucristomi catamëtía ië́nun camabi uni ꞌaquínti sinánxun cana ñu ꞌain.

1 Corintios 3:8

Ainra paían uni bana ñuixuncë uni asaribi ca anribia uni bana ꞌunánmitëcëncë uni ax ꞌicën. Uisoquin cara aín ñu mëëti ꞌaxa istancëxun ca Nucën Papa Diosan a unicama cupíoti ꞌicën.

1 Corintios 7:31

Ënë nëtënuanu iscë ñu ënëx ca cëñutia. Usa ꞌain ca ënë nëtënuxuan an ñu bicë uni ax ñu bicëma unisa ꞌiti ꞌicën.

1 Corintios 8:9

ꞌAisa tanquin camina uni itsin usa ñu rabiquin ñuina ꞌacë aín nami piti ꞌain. Usa ꞌaínbi camina an upí oquin —a ñux ca unin ꞌacë ꞌaish ñuishi ꞌicë —quixun ꞌunáncëma uni a ꞌuchamiti rabanan sinánti ꞌain, —cana pitima ꞌai —quixun.

1 Corintios 9:12

Nun cananuna bëtsi unin ꞌacësamaira oquin mitsu ꞌunánmian. Usa ꞌain ca bëtsi unimi ꞌináncësamaira oquin mitsun nu ñu ꞌinánti asábi ꞌitsíanxa. Usa ꞌaínbi cananuna a ñubi mitsunua bicëma ꞌain. Mitsun nun Jesucristo ñuicë bana cuaisama tanti rabanan cananuna ñuñuma ꞌixunbi mitsu ñu ñucácëma ꞌain.

1 Corintios 9:15

Usa ꞌaínbi cana ꞌën Jesusan bana unicama ñuixunquinbi añu ñubi bicëma ꞌain. Bëríribi cana ꞌëmi ñu ꞌinánun quixun ënë quirica mitsu buánmiman. Bana ñuixuncë cupí cana añu ñubi bicëma ꞌai quixun ꞌën mitsu cacë, a bana cëmë ꞌiti cana cuëëniman. ꞌAcëñuma ꞌaish ꞌëx bamacëbëbi ca a bana cëmëma ꞌiti ꞌicën.

1 Corintios 9:17

Nucën Papa Diosan ca Jesucristo cupía unicama ainan ꞌinun ië́miti ꞌicë quicë bana, a ꞌëxbi cuëënquin ñuixuncë ꞌixun cana cupí biti sinántsian. ꞌIxunbi cana ꞌënbi sináncëma, an ꞌë a bana ñuixunun ꞌë cacë cupí, an cacësabi oquinshi ꞌati ꞌain.

2 Corintios 4:5

Nuxbi ñuiacaquin cananuna unicama bana ñuixuniman. Usoquin cananuna —Jesucristo ax ca Nucën ꞌIbu ꞌicë —quixun unicama bana ñuixunin. Nuxbi ñuiacaquinma cananuna Jesús, an nu nuibacë, an nu sinánmicësabi oquin aín bana mitsu ñuixunin.

1 Tesalonicenses 2:6

Uisa nëtë́nbi cananuna, raíri unicamanribia ꞌamainun camina mitsúnribi nu rabiti ꞌai quixun sináncëma ꞌain. Unin ca nun nu asérabi Cristonën xucë ꞌixun aín bana ñuixuncëxun upí oquin a bana cuaquin nun cacësabi oquinshi ꞌati ꞌicë quixun ꞌunánxunbi cananuna unían nu rabiti sináncëma ꞌain.