1 Corintios 9:16 - Kashibo-Kakataibo Biblia

¹⁶ ꞌËn Jesusan bana unicama ñuixuncë cupí cana rabiacátima ꞌain. ¡Aín bana ñuixunun Jesucristonën ꞌë cacë ꞌixunbi an cacësa oquin ꞌacëma ꞌaish carana uisai ꞌicë ꞌitsían!

Nukën 'Ibu Diosan ain unikama 'inan ain bana

¹⁶ 'Ën Jesusan bana unicama ñuixuncë cupí cana rabiacátima 'ain. ¡Aín bana ñuixunun Jesucristonën 'ë cacë 'ixunbi an cacësa oquin 'acëma 'aish carana uisai 'icë 'itsían!

1 Corintios 9:16 ပူးပေါင်းရင်းမြစ်များ

Isaías 6:5

Usakin ꞌaia iskin sinani kana ësai kian: “¡Uisai karana ꞌiti ꞌain, bërí sapi kana bamati ꞌain! ꞌËnbi kana ꞌapu ꞌaish kamabi kushiñu Dios a isan; ꞌëx kana achúshi uni ꞌën kuëbitan ꞌatimati banakë ꞌimainun, kana achúshi ëma ꞌatimati banakë unikama nëbëtsi tsotin.”

Jeremías 1:17

Usa ꞌain kamina mix atu ꞌën kakë banakama kai kuanux rakuë́ti sinanima, anun ꞌakánanti nëtën ꞌikësai mëníokati ꞌain; usa ꞌain kamina kuantankëxun ꞌën mi kakë banakama atu kai kuanti ꞌain. Atumi kamina rakuë́tima ꞌain, atumi rakuë́tia kana ꞌën mi, atunu kuanimi rakuë́ti bërënun ꞌimiti ꞌain.

Jeremías 20:7

ꞌËn ꞌIbu, min kamina ꞌë paránkën, usa ꞌikëbi kana minmi ꞌë paránun ꞌamian; usa ꞌikëbi kamina mix ꞌën kushisama ꞌixun ꞌë isin. Kamabi hora ka unikaman ꞌë ꞌusani ꞌëmi kuaikania.

Jeremías 20:9

Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Amós 3:8

Uínsaran kara paru ꞌinúan kuëruia anun kara ¿uix rakuë́ti bërëima ꞌiti ꞌik? Ka rakuë́ti ꞌikën. ¿Uin kara Dios kamabi kushiñu axa kuërukësa ꞌinun banakëbëtan tënëti ꞌik? Uínbi ka ꞌatima ꞌikën.

Amós 7:15

ꞌaínbi ka Diosan ñuina bërúai nikë ꞌikëbi a ëmikin ësokin ꞌë kaxa: ꞌAnu kuanxun kamina Israel unikama ꞌëx kikë banakama ñuixuni kuanti ꞌain.

Mateo 25:16

Cuancëbëtan ca an ꞌitsa, mëcën achúshi mil curíqui bicë uni an a curíquinën ñu bitancëxun maruquin bitëcënquin usaribi mëcën achúshi mil curíqui biaxa.

Lucas 9:62

Quia ca Jesusan cacëxa: —Ënëx ca ësa ꞌicën. An vaca bënën buáncëxuan me tucabianmainun manë paránën xo tuíncë uni an ca amami amamia isquin ꞌatimaquin aín ñuina ꞌamia. Usaribiti ca uni Nucën Papa Dios cuëëncësabi oquin ñu ꞌati manuquin bëtsi bëtsi oquin sináncë ax aín uni ꞌiisama ꞌicën.

Hechos 4:20

An ñu ꞌaia isananu nun cuacë Jesusan bana ënë cananuna unicama ñuixuntëcënti ëntima ꞌain.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Hechos 9:6

Usoquian cacëxun cuati ratúirai racuëti bërëruquin ca Saulonën cacëxa: —¿Añu ñu ꞌën ꞌati caina cuëënin? Cacëxun ca Jesusan cacëxa: —Niruquiani ca Damasco ëmanu cuantan. Anuxun ca unin añu caramina ꞌati ꞌain quixun mi cati ꞌicën.

Romanos 1:14

Raëcë ꞌimainun raëcëma unicama, ꞌimainun an quirica ꞌunáncë ꞌimainun an quirica ꞌunáncëma unicama, a unicamanbi Jesucristo ñui quicë bana ꞌunánun cana an cacësabi oquin ꞌën aín bana ñuixunin.

Romanos 15:17

Cristo Jesúsnën cushiocëxun cana Nucën Papa Diosan casabi oquin judíosma unibu bana ñuixuan quixun sinani cana cuëënin.

Romanos 4:2

Aín ñu ꞌacë cupía Nucën Papa Diosan upí iscë ꞌaish ca Abraham —ꞌëxbi cana upí ꞌai —quiax rabía ꞌitsíanxa. Usa ꞌaínbi ca Nucën Papa Diosan iscëx, a cupía Abraham rabíti ñu ꞌaíma ꞌiacëxa.

1 Corintios 4:15

ꞌItsa unin Cristo ñuiquin mitsu ñuixununbi cana ꞌën pain Jesucristo mitsu ñuixuancën. ꞌËn ñuixuncëxun cuati camina ami catamëacën. Usa ꞌain cana ꞌëxëshi mitsun papasa ꞌain.

1 Corintios 9:12

Nun cananuna bëtsi unin ꞌacësamaira oquin mitsu ꞌunánmian. Usa ꞌain ca bëtsi unimi ꞌináncësamaira oquin mitsun nu ñu ꞌinánti asábi ꞌitsíanxa. Usa ꞌaínbi cananuna a ñubi mitsunua bicëma ꞌain. Mitsun nun Jesucristo ñuicë bana cuaisama tanti rabanan cananuna ñuñuma ꞌixunbi mitsu ñu ñucácëma ꞌain.

1 Corintios 9:14

Usaribi oquin ca Nucën ꞌIbu Jesusan mëníocëxa, an a ñuiquin aín bana uni ñuixuncë unicama a ca an aín bana cuacë unicaman anúan aín ñu biti ꞌinánti ꞌicën.

2 Corintios 2:12

Troas ëmanuxun Cristo ñuiquin bana ñuixunux bëbatancëxun, ax cuëëncësabi oquin ꞌën ñuixuncëxun cuati ca unicama cuëëanxa.

Colosenses 4:17

Arquipo aribi camina Nucën ꞌIbu Diosan ꞌináncë ñu mëëti a ënquinma upí oquin ꞌaxunun cati ꞌain.

1 Samuel 12:23

ꞌËn kana mitsu Nukën ꞌIbu ñukaxunkin ëntima ꞌain, mitsu ñukáxunima kana ami ꞌuchakë ꞌiti ꞌain. ꞌIanan kana uisai kaina mitsux an kuëënkësabi ꞌoíshi tsóti ꞌain akama ꞌunánmiti ꞌain.